PILOTIMUA̒TA 20:19 - KITABI HABARI MOPIOHE

¹⁹ Uali mongolio odelei Musa, “Yio̒lo wambao̒ tamo bisala mai to olami, ami mamo dungoheo̒; bo diila mao̒ Allahu Taa̒ala tamo bisala mai to olami, de ami mate.”

PILOTIMUA̒TA 20:19 ပူးပေါင်းရင်းမြစ်များ

ILOOWALI 3:10

Talolai̒ boito lolametao̒, “Watotia loo̒dungohe to Eeya to tamani; watotia moohe, oditolio watotia malo tituuo̒ kalana laalaala.”

ILOOWALI 32:30

Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel.

PILOTIMUA̒TA 33:20

Baya-U̒ diila tapo bilohu-U̒ olemu, sababu diila pongalo aakali tau moo̒onto ola-U̒, wau debo tumu-tumulo.

WUNGGULI LOMONGO RASULU 7:38

Tei Musaalo tato huungo bangusa lo Isirai̒lu tohuta ohungaya u luasi daa̒, talowali pilo timbulude ode malai̒kati u lobibii-salawa wolio to Hui̒dee Sinai wolinene moyaanto. Tiolo talo lolimo habari utumu-tumulo u pilopo tunggulai ode olanto.

GALATIA 3:19

Wonu odito, pongola butoo̒ lo agama yilohi mai? Totametio yito deu̒ butoo̒ boito pilo duhengo u mopoi̒laalo totala lomanusia. Butoo̒ lo agama boito pohupohutu bo dilumutu podunggalio mai lo ngotaalio wali mola lei Abraham, tailunte todelomo danti lo Allahu Taa̒ala tolei Abraham. Butoo̒ lo agama boito pilopo tunggulai lo mamaa-lai̒katiyalo lotimbulude tomanusia ngota.

TINGULI 18:16

Todulahee timongoli hia̒mbua to Hui̒dee Sinai, timongoli lolohone alihu diilalo mao̒ modungohe to Eeya Allahu Taa̒ala limongoli motahuda mai wau diilalo mao̒ momilohe owoluwo-Lio todelomo tulu uhinta-hintalabu, sababu timongoli moohe mate.

TINGULI 5:5

Bo sababu timongoli moohe lotulu wau diila buheli motao̒de mola hui̒dee, yi watia tou̒ boito tilimihulao̒ towolota limongoli wolo Eeya u lopo tunggulao̒ tahuda lo Eeya ode limongoli. Eeya lopo malalumu mai,

IBRANI 12:19

timongolio lotaalua wolo tingohu torompeti, wau tingohu suala ulaba-labaalo. Tou̒ tau-tauwalo Isirai̒lu loo̒dungohe suala boito, timongolio lohile lou̒ tio̒otutua alihu suala boito diilalo mobisala mai ode limongolio.