PILOTIMUA̒TA 20:18 - KITABI HABARI MOPIOHE

¹⁸ Tou̒ tau-tauwala loo̒dungohe bulonggodu wau tingohu torompeti, wau loo̒onto ilato wau hui̒dee u opoloo̒, timongolio mahulu-huluhelio yiloohe wau tilimihulao̒ helo tilaminga mota.

PILOTIMUA̒TA 20:18 ပူးပေါင်းရင်းမြစ်များ

ILOOWALI 15:17

Tou̒ dulahee mahui mai, debolo yilumenetai anglo tuwau u opolipio̒ wau morongo u lei̒-lei̒ita, lapatao̒ yilumaodeo̒ to hiyango lotapu u mahi olo-olonga boito.

ILOOWALI 3:10

Talolai̒ boito lolametao̒, “Watotia loo̒dungohe to Eeya to tamani; watotia moohe, oditolio watotia malo tituuo̒ kalana laalaala.”

JABURU 81:7

“Wau̒ malo mintaa̒a banta lonto binggungumu, wau lolopata kalanji podetoheela lonto uluu̒mu.

YEREMIA 23:23

Wau̒ Allahu Taa̒ala tawoluo to utoonulalo mao̒, diila bo to tambati tuwau wambao̒.

TINGULI 18:16

Todulahee timongoli hia̒mbua to Hui̒dee Sinai, timongoli lolohone alihu diilalo mao̒ modungohe to Eeya Allahu Taa̒ala limongoli motahuda mai wau diilalo mao̒ momilohe owoluwo-Lio todelomo tulu uhinta-hintalabu, sababu timongoli moohe mate.

TINGULI 4:36

Lonto hulungo Tio lopo dungohei sualaa-Lio to olimongoli u longaajali olimongoli; todunia botie Tio malo pobiloheo̒ tulu-Lio upolu-polutuo̒, lonto tulu boito Tio helo tahuda mai olimongoli.

TINGULI 5:23

“Tou̒ ngoilanggubu hui̒dee yilumai̒to wau timongoli loo̒dungohe suala lonto u modio̒lomo, ngoa̒amila tau̒wa losuku limongoli wau tahimuloa lolipu lonao̒ mai ode laatia.

TINGULI 5:25

Bo yilongola ami musi mopo bataru mao̒ nyawa lami poli? Tulu u moo̒tihela hapato boito mamopo binasa mao̒ olami! Ami yakini deu̒ ami maamate wonu moo̒dungohe Eeya Allahu Taa̒ala muli motahuda mai.

TINGULI 5:27

Sababu uito, ponao̒lo Musa, dungohi mao̒ ngoa̒amila u potahuda mai lo Eeya Allahu Taa̒alanto, lapatao̒ potunggula mai ode olami wolo u pilotahuda-Lio mai olemu. Ami mamo dungohe wau taaa̒ti.’

TINGULI 5:5

Bo sababu timongoli moohe lotulu wau diila buheli motao̒de mola hui̒dee, yi watia tou̒ boito tilimihulao̒ towolota limongoli wolo Eeya u lopo tunggulao̒ tahuda lo Eeya ode limongoli. Eeya lopo malalumu mai,