PILOTIMUA̒TA 20:17 - KITABI HABARI MOPIOHE

¹⁷ Diila mao̒ potohilaa halata lotaa wewo: belelio, dilelio taabua, mongo watolio, bibiahio, kolodailio, meaalo penu boli wolo u mililikiilio.”

PILOTIMUA̒TA 20:17 ပူးပေါင်းရင်းမြစ်များ

ILOOWALI 14:23

deu̒ watia diila tamohama wolo-wolo monto milikiimu, tumbao̒ bola ngopata meaalo tali losandale penu boli ngoputu mao̒ diila. Lou̒ odito yio̒ diila moo̒loi̒ya, ‘Wawaatiyalo tahe lohutu olei Abram lowali kaya.’

ILOOWALI 3:6

Taabua boito loo̒onto mao̒ deu̒ hungo lo ayu boito mopiohe, wau hungolio oontonga mopiohe aaloolo. Wau tio lomikilangi mola donggo boli piohio wonu tio mowali aaripu. Sababu uito tio malolipu hungo lo ayu boito, tulusi ililaalio, wau yilohilio mao̒ olo to dilelio, wau dilelio poli mailonga.

ILOOWALI 34:23

De ngoa̒amila himbala lo binatangi limongolio wau totoonulalo halata limongolio mowali hakuunto. Oditolio duloolo akolowanto mao̒ hihiile limongolio alihu timongolio motibiluloa̒ pee̒-pee̒enta wolanto.”

AYUBA 31:1

Wolo tadia watotia malodanti tadulahu humula diila tabilohe lo watotia wolo birahi.

AYUBA 31:9

Humayaalio pee̒enta watotia aaheo todile to tiheede lowatotia, wau wolo tuutuuo̒, hehula lo watotia tio towulea lohuhebu,

JABURU 10:3

Taa moleeto hemo latabu pasali ilohilaalio u moleeto, taa langgamu hemolaa̒nati wau diila mololimo to Eeya.

JABURU 119:36

Wohiyalo mai watotia hilaa u modungohe wuu̒du lo Eeya, mongilaboto hilaa u mowali kaya.

POHUMAYA 4:23

Poo̒dahai mao̒ hilaamu tio̒otutua, sababu hilaamu molantu dalalo tutumulumu.

POHUMAYA 6:29

Uito tutuuwauwa topotalaalio wolo mopomake mao̒ dile lotaa wewo. Tatoonu tamo pohutu mao̒ diila tamolopato monto hukuumani.

TAMOO-HUTUBAWA 4:8

Woluo taa tumutumulo tutuuwau diila owalao̒, meaambo wutato. Eleponu odito, tio mokalaja tio̒opatea mololaalaaita wau hilaalio diila pee̒enta mao̒ olulia wolo halataalio. Ode tatoonu tio mokalaja tio̒opatea wau mopotouli ngoa̒amila u sanangi? Uito olo diila ohuna, wau tuwaulio lo dudelo tutumulo u sikisa.

YESAYA 33:15

Timongoli moo̒ taahangi wonu timongoli moloi̒ya wau mohutu u otutu. Diila mao̒ popeehu pae̒da wolo mohama uuntungi ngohuntua daa̒ totaa mosikini, wau diila mao̒ pololimo doi sooloi̒. Diila mao̒ podudua̒ wolo taa u hemolanjana polomatea mate-mateelo mao̒ meaambo ololeeto wewo.

YESAYA 57:17

Dusa olaanggamu limongolio heloo̒ muluka ola-U̒, sababu uito timongolio hilukuumani-U̒ wau tilolaa-U̒. Bo timongolio baaa̒ngiola wau debo hemolulaota dalalio lohihilao.

YEREMIA 22:17

Bo yio̒, Yoyakim, wewo. Yio̒ bo hemololohe uuntungi lohihilao. Yio̒ helomate taa diila ototala yila-yilateelo mao̒, wau helodeehe ulipumu wolo diila omanusia.

YEREMIA 5:8

Timongolio debo odelo wadala ulai̒ u molingohu wau molotolo napusu birahilio; ngota-ngota ohilaa todile taabua lo sahabatilio.

YEHESKIEL 33:31

Timongolio monao̒ mai tutuuyuta dadaata daa̒ wau odelo umati-U̒ timongolio motihuloa̒a modungohe loloo-iyaamu, bo wolo upilo malentaamu diila dilungohe limongolio. Biihu limongolio molapali loloo-iyaalo sinta, bo hilaa limongolio bo hemo mikiilangi uuntungi.

MIKHA 2:2

Wonu timongolio motohilaa halabolu ngopita, timongolio molambatao̒. Wonu timongolio motohilaa bele ngowale, timongolio mohama hakuulio lou̒ diila modudua̒ wuu̒du. Mopio halata meaambo ngaalaa̒, diaaluo u aamani.

HABAKU 2:9

Malaa̒-laa̒natilo yio̒! Yio̒ mopokaya ngaalaa̒mu wolo pae̒eda u lotapumu mai wolo diila omanusia, alihu belemu lohihilao aamani wau moo̒hei monto usuusa wau baala.

MATIUSI 20:15

Wolo wau̒ diila mowali mohutu mao̒ totoonulalo u otohilaau̒ wolo milikiu̒? Meaalo yio̒ mohiihia, sababu wau̒ omuura lohilao?’ ”

MATIUSI 5:28

Bo botia Wau̒ motahuda mai olemu: titaalo tita molontongo taabua ngota wau lohuo̒ hilaalio, yi tau boito malojina wolo taabua boito todelomo hilaalio.

LUKASI 12:15

Lapatio mao̒ totaa ngoa̒amila tawoluo teto, ti Isa lotahuda, “Poo̒daha-dahaalo mao̒ wau pou̒lintapolo mola, diila bolo timongoli mowali tamaa̒. Sababu tutumulo manusia diila tolomodu mohalapu to okokayalio, eleponu halataalio laba-labaalo daata.”

LUKASI 16:14

Tau-tauwalo Parisi loo̒dungohu ngoa̒amila upilo tahuda li Isa. Tulusi bo hei̒i̒ya limongolio Tio, sababu timongolio motohilaa doi.

WUNGGULI LOMONGO RASULU 20:33

Diipo pee̒enta mao̒ watia ilohilao todoi meaalo boo̒ penu boli monto tahingota-ngotaawa.

WUNGGULI LOMONGO RASULU 5:4

Huta boito uwolemu tou̒ diipo pilotalimu. Wau lapatio mao̒ huta boito pilotali doilio olo donggo uwolemu. Oditolio yilongola omakusudu todelomo hilaamu umohutu debo odelo uito? Diila manusia tai̒laa-kalimu bo Allahu Taa̒ala!”

ROMA 13:9

Sababu butoo̒ agama lo Yahudi, deu̒ito-yito: Diila mao̒ pojina, diila mao̒ pomate mate-mateelo mao̒, diila mao̒ potao̒, diila mao̒ potohilaa wolo u tilolo miliki lotaa wewo, u ngoa̒amilalo boito pee̒-pee̒enta wolo bubuu-too̒owalo uwewo, umapilo limbui̒o lowali butoo̒ tuwau wambai̒o, deu̒yito-yito, “Pototoo-lia̒ngalo ngota-timongota debo odelo yio̒ motolia̒ngo batangamu lohihilao.”

ROMA 7:7

Wonu odito, wolo u mowali polelento? Deu̒ butoo̒ agama lo Yahudi moleeto? Tantu diila! Bo butoo̒ boi-boitolo u longaajali olaatia pasali lodusa. Diila tao̒taawa lowatia wolo uito tamaa̒, wonu butoo̒ lo agama diila loloi̒ya, “Diila mao̒ potamaa̒.”

1 KORINTUS 6:10

tahi potao̒wa, tahi tamaa̒awa, tahi huwoa̒alo, tahi ohilaowa mopoo̒leeto taawewo, wau tahi pohamawa pae̒eda ulaba-labaalo ode taawewo – ngoa̒amila taa debo odelo uito diila mowali pongawaa̒ umati lo Allahu Taa̒ala.

EPESUS 5:3

Timongoli yito umati lo Allahu Taa̒ala. Sababu uito totoonulalo huhutu u huloto wau diila paatuti, meaalo olanggamu diila paatutilio woluo tohungi mongoli. Diila bolo taa wewo o alaasani u moloi̒ya deu̒ timongoli helohutu susuu-aliyaalo odelo uito.

EPESUS 5:5

Poo̒tuota mao̒ tio̒otutua: taa u opii̒li huloto, meaalo diila paatuti, meaalo langgamu (pii̒li debo odelo uito tutuuwauwa wambai̒o lou̒ molubo balaahala), tau boito diila mowali pongawaa̒ umati tapilalenta li Almasi wau Allahu Taa̒ala.

TINGULI 5:21

Diila mao̒ potohilaa uolo taa wewo: belelio, hutalio, dilelio taabua, mongo watolio, bibiahio, kolodailio meaalo penu boli wolo wambai̒o u tilolo hakuulio.’

TINGULI 7:25

Tumbiliilo bubuu-iyaalo balaahala u hetuboo limongolio. Diila mao̒ poa̒ahudu totalaa̒ meaambo hulawa udembi-dembinga to olio wau diila mao̒ hamaawa duo̒lo batangamu lohihilao. Wonu timongoli molambanga palenta boito yi timongoli maamate, sababu Eeya Allahu Taa̒ala limongoli molonuo̒ molubo bui̒ balaahala.

PILIPI 3:19

Tutumulo lotau-tauwala debo odelo uito pulitio mao̒ mabinasa, sababu ila limongolio yito loduduo̒ ilohilaa lobatanga limongolio lohihilao. Susuu-aliyaalo u moo̒olito tumbao̒ ui-uitolo u hepomangga limongolio; sababu timongolio bo hemo mikiilangi susuu-aliyaalo u motuhatawa wolo dunia botie wambai̒o.

KOLOSE 3:5

Sababu uito, pateilo mao̒ totoonulalo otohilaa lodunia u laito mopoo̒suusa batanga limongoli, debo odelo polohuloto, susuu-aliyaalo udiila paatuti, ohilaa moo̒huu̒, ohilaa u moleeto, wau ololanggamu (sababu ololanggamu yito tutuuwauwa wolo molubo balaahala).

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”

YOSUA 7:21

To wolota lo babaa-langiyalo u hilamaanto mai, watia loo̒onto jumba ngopita u mopiohe daa̒, u pilohutu lonto Babilonia, wau olo talaa̒ tanu dulo kilo, wau ngobatango hulawa ngoputu apingo lo kilo. Babaa-langiyalo boito ilotohilaa daa̒ lowatia, yi mahilama wau tiluuo̒ lowatia todelomo huta tokema lowatia; talaa̒lio woluo to walungio daa̒.”

BOHULO SEMUEL 12:3

Masaatia botieelo, wau̒ tihutihula totalu limongoli! Wonu wau̒ mailo totala, yi potuludelo mai wau̒ totalu lo Eeya wau totalu li olongia tatilulao-Tio. Wolo mapee̒enta wau̒ helohama sapi meaalo kolodai lotaa wewo? Wolo mapee̒enta wau̒ helo himbulo meaalo lodeehe meaalo lololimo doi palele? Poleleaalo mai, alihu wolo wamabai̒o u hehilamau̒ boito muli powalingou̒.”

BOHULO SEMUEL 15:19

Yilongola ti Baginda diila lodungohe palenta lo Eeya? Yilongola ti Baginda bo lamelame lohama balangi yilambato, wau lou̒ odito ti Baginda helohutu hilaa lo Eeya lolee̒e?”