PILOTIMUA̒TA 20:16 - KITABI HABARI MOPIOHE

¹⁶ Diila mao̒ pongohi sakusi paluti pasali lotaa wewo.

PILOTIMUA̒TA 20:16 ပူးပေါင်းရင်းမြစ်များ

JABURU 15:3

tadiila mopitana timongotalio, diila hemohutu u moleeto to sahabati, wau diila hemo poo̒leeto tanggulo tiheedio;

PILOTIMUA̒TA 23:1

“Diila mao̒ pololade habari wimbulo, wau diila mao̒ potulungi taa u moleeto tahi pongohia sakusi udiila otutu.

POHUMAYA 10:18

Taa u modepuhe oolonuo̒ yito tamoo-himbuloa. Taa u mopololadu pitana yito abaloolo.

POHUMAYA 11:13

Tamoo-pololadua habari udiipo mopatato u otutuulio diila mowali modihu hitua-tuawua u sangaja hetuuo̒lo, bo taa u mowali yakiniyalo mowali moluua̒ao̒ palakala.

POHUMAYA 19:5

Taa u mohimbulo to bubutoo̒, diila tamoo̒ lopato monto hukuumani.

POHUMAYA 25:18

Potuludu u paaluti moo̒pate, debo odelo wamilo, duuduo̒ meaambo pana u molalito.

IMAAMATI 19:11

Diila mao̒ potao̒, mongaakali meaalo mohimbulo.

IMAAMATI 19:16

Diila mao̒ popoloo̒po pitana towolota lotau-tauwalo ngobangusamu, alihu timongoli diila moo̒sababu opopate lo timongotamu. Wau̒ Eeya Allahu Taa̒ala limongoli.

IMAAMATI 19:18

Diila mao̒ pomalasi niyati wau diila mao̒ polonuo̒ totaa wewo, bo tolia̒nga mao̒ timongotamu debo odelo timongoli motolia̒nga batanga limongoli lohihilao. Wau̒lo Eeya.

MATIUSI 19:18

“Palenta utoonu uito?” yilintu mao̒ lotau boito. Ti Isa lolametao̒, “Diila mao̒ pomate-mateelo mao̒, diila mao̒ pojina, diila mao̒ potao̒, diila mao̒ pongohi sakusi udiila otutu,

LUKASI 3:14

Woluo olo pajule talohintu mao̒, “Woloolo mola wolamiaatia? Wolo u musi pohutuo lamiaatia?” Tei Yahya lolametao̒, “Diila mao̒ pohama untungi daa̒ penu boli olita wau diila mao̒ polambata doi wolo popoo-tuluduwalo paaluti. Polulilo lohilao wolo wuupamu!”

WUNGGULI LOMONGO RASULU 6:13

Wau timongolio olo helo potaalua mao̒ mongo sakusi tahe longohi tombango udiila otutu pasali lei Stepanus. Mongo sakusi boito loloi̒ya mao̒, “Tau botie laito hemohina Bele lo Eeya umantali wau hemohina totoonulalo palenta lo Allahu Taa̒ala upilo tunggulai lei Musa.

EPESUS 4:31

Yinggila mao̒ totoonulalo umoo̒ ngongoto hilao; niyati wau moingo. Diilalo potiwati-watio̒ wau momua-muayo. Diilalo powoluwoa pongolaasa umolonuo̒ meaalo pongolaasa wewolio debo odelo uito.

TINGULI 5:20

Diila mao̒ pongohi sakusi u wimbulo pasali lotaa wewo.

1 TIMOTIUS 1:10

ode tau-tauwalo tahi hulotowa, homoseki, tamootao̒wa, tamoo himbulowa, mongo sakusi yimbulo, wau boli tatoonu wambai̒o tahipo hutua susuu-aliyaalo u bubuu-lemenga wolo pongaajali u otutu.

2 TIMOTIUS 3:3

Timongolio diila motolia̒nga ngota timongotalio, diila motohilaa mongohi ambungu, timongolio motohilaa mopoo̒-poo̒leeto tanggulo taa wewo, motohilaa momakusa, timongolio palangiyolo, wau diila motohilaa u mopiohe.

YAKOBUS 4:11

Mongo wutato, diila mao̒ poheheentea̒ meaalo tinggai mopotala. Tamohentea̒ wau mopotala wutatio timongota Nasara, tio mohentea̒ wau mopotala butoo̒ Allahu Taa̒ala. Wau wonu timongoli mopotala butoo̒ Allahu Taa̒ala, uito boliilio mao̒ diila modudua̒ bubuu-too̒waalo boito, bo mowali hakimulio.