PILOTIMUA̒TA 20:14 - KITABI HABARI MOPIOHE

¹⁴ Diila mao̒ pojina.

PILOTIMUA̒TA 20:14 ပူးပေါင်းရင်းမြစ်များ

ILOOWALI 39:9

Tewe kawasa laatia tutuuwauwa udaa̒alio wolo kawasaalio. Diaaluo penu boli tuwau mao̒ u diila pilo malacayaalio mai to olaatia ngopohia li Nyonya. Diila pongalo aakali watia mohutu huhutu u moleeto boito wau mowali odusa to Allahu Taa̒ala?”

OLUO LO SAMUEL 11:27

Tou̒ lopalutao̒ maasa limilimi boito, tei Dauda lei̒ lutulai taabua boito ode bele biluloa̒ saaha li olongia wau tio malowali dilelio. Dengolo hula mola lapatio mao̒ tio malo potutu mai walao̒ talolai̒ ngota. Bo Eeya diila sanangi wolo huhutu lei Dauda boito.

IMAAMATI 18:20

Diila mao̒ pou̒ulauwa wolo dile lotaa wewo; huhutu boito mopowali mao̒ olemu najisi.

IMAAMATI 20:10

Wonu bolo ngotaalio lo Isirai̒lu mojina wolo dile taabua lotaa ngobangusa wolio, yio tio wau taabua boito musi hukuu-maniyola mate.

MALEAKHI 2:15

Diila maa Allahu Taa̒ala Taa Laba-labaalo Tuwau lopowali olimongoli ngobatanga wau ngojiwa wolo taabua boito? Wolo makasudu lo Eeya woleeto? Diaaluo patuju uwewo ngopohia alihu timongolio moo̒toduo mai mongo walao̒ tamowali umati lo Allahu Taa̒ala ututuulio tutu. Oditolio poo̒dahailo mao̒ batangamu, diila bolo woluo towolota limongoli tadiila tatapu wau molotolo hilao to dilelio.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

YIA̒APO 5:12

mongohi mao̒ wuwuu-uduwaalo botie ode taulo Isirai̒lu. Mowaliilio talolai̒ ngota molantobe dilelio. Tio molantobe dilelio boito diila tatapu wau molotolo hilao to olio wau maloo̒leeto batangalio sababu lou̒lauwa wolo talolai̒ wewo. Bo dile talolai̒ boito diila otantuulio, sababu sua̒li boito pilohutu lodilelio wolo tutuuo̒; sakusiilio diaaluo, wau tio diila ilodungga mopatato. Meaalo, mowaliilio dile talolai̒ ngota molantobe dilelio, lebe-lebe pomao̒ dilelio boito diila loitohe wolo talolai̒ wewo.

MATIUSI 19:18

“Palenta utoonu uito?” yilintu mao̒ lotau boito. Ti Isa lolametao̒, “Diila mao̒ pomate-mateelo mao̒, diila mao̒ pojina, diila mao̒ potao̒, diila mao̒ pongohi sakusi udiila otutu,

ROMA 13:9

Sababu butoo̒ agama lo Yahudi, deu̒ito-yito: Diila mao̒ pojina, diila mao̒ pomate mate-mateelo mao̒, diila mao̒ potao̒, diila mao̒ potohilaa wolo u tilolo miliki lotaa wewo, u ngoa̒amilalo boito pee̒-pee̒enta wolo bubuu-too̒owalo uwewo, umapilo limbui̒o lowali butoo̒ tuwau wambai̒o, deu̒yito-yito, “Pototoo-lia̒ngalo ngota-timongota debo odelo yio̒ motolia̒ngo batangamu lohihilao.”

TINGULI 5:18

Diila mao̒ pojina.

IBRANI 13:4

Ngoa̒amila tau musi mopo biloheo̒ sikapu hulumati topolo nikawa, uito sababuulio mamusi tamo tolodile tatapu wau molotolo hilao ngota timongota. Taa u huloto wau taa u mojina maa aadilio lo Allahu Taa̒ala.

YAKOBUS 2:11

Sababu tamoloi̒ya, “Diila mao̒ pojina,” tiolo olo talo loi̒ya, “diila mao̒ pomate-mateelo mao̒.” Oditolio, wonu timongoli diila lojina, bo lomate-mateelo mao̒, yi timongoli yito tamoo-lambangawa butoo̒ olo.

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”