PILOTIMUA̒TA 2:23 - KITABI HABARI MOPIOHE

²³ Ota-otaunualio mola lapatio mao̒ ti olongia lo Masiri yilate. Bo bangusa lo Isirai̒lu donggo hemo poi̒laalo suusa sababu timongolio hepilo watolio, tilinggula timongolio longuatia̒a mola lei̒ tulungi mai. Wuwaatii̒ mongolio demola Allahu Taa̒ala.

PILOTIMUA̒TA 2:23 ပူးပေါင်းရင်းမြစ်များ

ILOOWALI 16:11

Diilalo mohiheo yio̒ mamo potutu mai walao̒ talolai̒; tangguli mao̒ tio Ismai̒lu, sababu Eeya malo dungohe wuwaatiu̒mu.

ILOOWALI 4:10

Lapatao̒ Eeya lotahuda, “Yilongola yio̒ malohutu sua̒li u moo̒tihela hapato boito? Duhu lo tawali-yaliimu malo ngiibode ola-U̒ lonto huta, debo odelo suala u wuwa-wuwaatia̒ mei̒ tontuli.

NEHEMIA 9:9

Bililohe mai lo Eeya sikisa loluuhuru lo mongowatotia tou̒ yilalu mola; Dilungohe lo Eeya hiyongio to Masiri wau to Lau Teberau.

AYUBA 35:9

Tau-tauwalo tahe dileehe mamopo ilaalo suusa sababu ngongotio; timongolio monguatio̒ mei̒ tuulungi.

JABURU 102:1

Dua̒ lotaa modutolo u todelomo owowoluwoa malulupuhu wau moongolo sama-samaata mopoi̒laalo suusa to Eeya.

JABURU 102:2

Yaa Eeya, dungohilo mai dua̒ lowatotia, huliaalo mao̒ iibodu lowatotia demola Eeya.

JABURU 12:5

tahemo loi̒ya, “Ami okawasa wolo dila lami! Penu boli wolo wambai̒o mowali loi̒ya lami, wau diaaluo tamowali molanggu olami!”

JABURU 18:6

Watotia pilalita baala lo mautu, taalo mautu woluo totalu lowatotia.

PILOTIMUA̒TA 1:14

wau malohutu tutumuli mongolio helo dutolo. Wolo diyaa̒ odehu hilao timongolio pilakusaalio helo kalaja pakusa to popoo-reyekiyalo pomongulalo wau to hahaa-laboluwalo.

PILOTIMUA̒TA 4:19

Tou̒ tei Musa donggo tohuta lo Midian, Eeya lotahuda mai to olio, “Pohualingolo mola ode Masiri. Ngoa̒amila taa ohilaa momate olemu mate-mateelo mao̒ mailate.”

PILOTIMUA̒TA 6:5

Oditolio pomala-lumualo mao̒ ode bangusa lo Isirai̒lu deu̒ Wau̒ lotahuda mai ode limongolio: Wau̒lo Eeya; timongoli malopato-U̒ mao̒ monto polowato bangusa lo Masiri. Wau̒ mamopo bilohei okokawasaa-U̒ ulaba-labaalo u mopoa̒ahu olimongoli wau mopodehu mai hukuumani u mobuheeto ode bangusa lo Masiri.

PILOTIMUA̒TA 6:9

Lapatao̒ Eeya lotahuda mai odelei Musa,

PILOTIMUA̒TA 7:7

Tei Musa o umulu walu lopulu lotaunu wau tei Haruna walu lopulaa tolo taunu tou̒ timongolio helo taalua woli olongia lo Masiri.

YESAYA 19:20

Mesba wau wolihi boito debo odelo tuoto owoluo lo Eeya Taa Laba-labaalo kawasa to Masiri. Wonubolo bangusa boito deehelio, wau timongolio mongiibode mei̒ tuulungi to Eeya, yi Eeya mamolao mai tahingota-ngotawa u mopoa̒ahu olimongolio.

YESAYA 5:7

Sababu ilengi angguru lo Eeya Taa Laba-labaalo kawasa yito umati lo Isirai̒lu, wau tau-tauwalo Yehuda yito bungo lo angguru u pilomulo-Lio. Monto olimongolio Eeya mohaalapu ua̒adili, bo woluo wambao̒ diila omanusia. Eeya mohaalapu olimongolio mopolaio̒ u otutu, bo woluo wambao̒ wuwaatio̒ mohile ua̒adili.

YIA̒APO 20:16

wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒.

WUNGGULI LOMONGO RASULU 7:30

Wopato pulu lotaunu mola lapatio mao̒ malai̒kati ngota lonao̒ mai odelei Musa tohuta datahu u luasi daa̒ wau delita membideo̒ lo Hui̒dee Sinai. Malai̒kati boito dungga-dungga mai todelomo tulu todiu̒to udonggo hinta-hintalabu.

TINGULI 24:15

Timii̒du dulahu tou̒ diipo dulahee tumolopaa mota timongoli musi momayali mao̒ wupaalio tou̒ kalaja u dulahio tuwau boito; tio mohaalapu doi boito sababu tio palalu todoi boito. Wonu timongoli diila momayali mao̒ wupaalio, tio mamo ngiibode ode Eeya u mei̒ tulungi mai to olimongoli, wau timongoli poi̒laalo-Lio odusa.

YAKOBUS 5:4

Timongoli diila hemo mayali wuupa lotau-tauwalo tahemo kalaja to halabolumu. Botia dungohilo poloi̒laalo suusa limongolio! Tau-tauwalo tahipo himoa̒ tilapula lo halabolumu hiwatia̒ mei̒ tulungi wau wuwaatii̒ mongolio mai̒lo dungohe lo Allahu Taa̒ala, Eeya Taa Laba-labaalo kawasa.

MONGO HAKIMU 4:3

Tei Yabin okaleta lo popaatea tio lohetuto lonto wate. Dulo pulu lotaunu mola tio helo ngawaasa taulo Isirai̒lu lou̒ diila omanusia. Lapatao̒ timongolio malo ngiibode lei̒ tulungi mai to Eeya.

BOHULO SEMUEL 12:8

Tou̒ tei Yako wau ngaalaa̒lio leidungga ode Masiri, wau taulo Masiri helodeehe olimongolio, loluuhuru limongoli malo molohone ode Eeya lei̒ tulungi, lapatao̒ Eeya lolao mai olei Musa wolei Haruna. Taduulota boito malodelo loluuhuru limongoli yilumualai lonto Masiri wau lotulungi olimongolio helo titatapu tolipu botie.

BOHULO SEMUEL 9:16

“Loombu dimodupo tanu tou̒ wakutu odie, Wau̒ mamopoa̒hu mai ngotaalio monto suku Benyamin mai modunggaya wolemu. Pudua̒alo mao̒ tio wolo upacala wilinulaa u mowali olongia to umati-U̒ Isirai̒lu. Tio mamopoa̒ahu umati-U̒ monto taulo Pilistin. Wau̒ maloo̒onto mai polodutolo umati-U̒ wau lodungohe hihiiyongi mongolio mei̒ tuulungi.”