PILOTIMUA̒TA 2:15 - KITABI HABARI MOPIOHE

^15-16 Tou̒ ti olongia loo̒dungohe sua̒li u lotoduo boito, tio malo lolohe aakali u momate olei Musa mate-mateelo mao̒. Bo tei Musa malolahi lapatao̒ mola lotibiluloa̒ tolipu lo Midian. Ti Iimamu lonto Midian, tai̒lunte Yitro, owalao̒ mongobua pitu lota. Todulahee tuwau, tou̒ tei Musa donggo hulo-huloa̒a totili lo ali tuwau, malonao̒ mai walae̒e Yitro mongo dulahu pitu lota mai mohama taluhu wau moluanga tambati u hipongiluma himbala lo batade wau himba liyamo limongolio.

PILOTIMUA̒TA 2:15 ပူးပေါင်းရင်းမြစ်များ

ILOOWALI 24:11

Tou̒ tio malei dungga mola odito pilopo belentilio uu̒u-ntawaalo boito alihu mohuheli totili lo ali to bulemengo kota. Dulahe malo laango, wau ui-uitolo wakutuulio lo mongobua tonggonao̒ mai molime taluhu.

ILOOWALI 25:2

Dilelio boito lopotutu mai mongo walao̒ tai̒lunte; Jimran, Yoksan, Medan, Midian, Isybak wau Suah.

ILOOWALI 25:4

Mongo walao̒ Midian yito: ti Epa, tei Eper, Heno, Abida wolei Eldaa. Timongolio ngoa̒amila wali mai lei Ketura.

ILOOWALI 29:2

Debolo iloontongalio mao̒ ali tuwau tohuta udatahu wau luasi, wau totiliilio hiluu̒uta tolo himbala lobatade wau himba u biasaalio hepeelumolio teto. Ali boito tau̒tau̒be botu leidaa̒.

BOHULO MONGO OLONGIA 11:18

Timongolio lomonggato lonto Midian, lapatao̒ lonao̒ ode Paran. Mola teto dengolo lota tawewolio helo panggala woli mongolio, lapatao̒ pee̒-pee̒enta lonao̒ ode Masiri mola lodunggaya woli olongia lo Masiri. Ti Olongia boito longohi mao̒ odelei Hadad bele wau huta u tambati poti biluloa̒lio wau pohumbuto tutumulo.

PILOTIMUA̒TA 18:4

walao̒ oluolio ilunte Eliejer sababu tei Musa loloi̒ya, “Allahu Taa̒ala pujaa̒ni linenemoyaau̒ malo tulungi wau lopoa̒ahu olau̒ tilunggula wau̒ diila pilatelio yila-yilateelo mao̒ li olongia lo Masiri”.

PILOTIMUA̒TA 4:19

Tou̒ tei Musa donggo tohuta lo Midian, Eeya lotahuda mai to olio, “Pohualingolo mola ode Masiri. Ngoa̒amila taa ohilaa momate olemu mate-mateelo mao̒ mailate.”

POHUMAYA 22:3

Taa molinepo mohei wonu bolo moo̒onto baala; taa mohulodu monao̒ tulusi lapatao̒ odungga lobaala.

HABAKU 3:7

Iloontonga lowatotia ulipu lo Kusyan ilodungga lo woohe, wau taulo Midian hulu-huluhelio.

MATIUSI 10:23

Wonu timongoli alinayaalio tokota tuwau, teteo̒lo ode kota uwewo. Poo̒taa-U̒ mai olemu: Tou̒ diipo ilonao̒wa limongoli ngoa̒amila kota to Isirai̒lu, Walao̒ Manusia malei dungga mai.

YAHYA 4:6

Mota teto woluo ali lei Yako. Ti Isa moongolo daa̒ sababu nonao̒o-Lio boito, sababu uito Tio lotihuloa̒a tobiihu ali. Tou̒ boito otanu dulahu matotau̒,

WUNGGULI LOMONGO RASULU 7:29

Tou̒ tei Musa loo̒dungohe wolo uiloi̒ya lotau boito, yi malolahi tei Musa lonto Masiri tulusi mola lotibiluloa̒ to Midian. Mola teto tio loo̒tapu walao̒ duulota.

IBRANI 11:27

Sababu o iimani, yi tei Musa lololaa mao̒ Masiri lou̒ diila lolaasa yiloohe to oyiyingo li olongia. Tei Musa lomaju lotidulunga ode patujulio debo odelo tio maloo̒onto Allahu Taa̒ala tadiila oontonga boito.