PILOTIMUA̒TA 2:14 - KITABI HABARI MOPIOHE

¹⁴ Tametao̒ lotau boito, “Tatoonu tamalo mintaa̒ olemu lowali tau̒wa wau hakimu lami? Wolo yio̒ ohilaa momate olau̒ mate-mateelo mao̒ olo, debo odelo taulo Masiri tapilatemu yila-yilateelo mao̒ boito?” Lapatao̒ tei Musa mailoohe wau helo mikiilangi mola, “Topotala! Huhutuuu̒ boito maa ilotahua.”

PILOTIMUA̒TA 2:14 ပူးပေါင်းရင်းမြစ်များ

ILOOWALI 13:8

Tei Abram loloi̒ya mao̒ odelei Lot, “Ito botie mohutato, diila mopiohe wonu tawumu wau tawuu̒ mohahaamawa.

ILOOWALI 19:9

Bo loi̒ya lotau-tauwalo Sodom boito odelei Lot, “Ponao̒olo! Yio̒ tau deli ohilaa mongatulu olami? Ntali ponao̒olo! Wonu diila, yio̒ matotao̒ lami lebe mobuhetao̒ wolo taduulota boito.” Lapatao̒ timongolio lohuntulaa olei Lot wau loluhu ohilaa mongantulu huhebu.

ILOOWALI 34:27

Lapatao̒ polo ngolota boito, mongo walae̒e Yako wewolio helo lambata kota boito odelo polontuli niyati moleeto limongolio kalana tawaliyali limongolio mapilo poa̒ibu batangalio.

POHUMAYA 19:12

Muluka li olongia debo odelo heuwanga losinga; opopiohu li olongia debo odelo wambulo u mopobata pipii-lomulowalo.

POHUMAYA 29:25

Moohe to huhaama lotau, moo̒ akiibati usuusa. Poyakinilo to Eeya, yi yio̒ maa̒amani.

YIA̒APO 16:13

Debo diipo lotuuheta yio̒ malodelo mai olami yilumualao̒ lonto huta lo Masiri u molomiyodu boito wau momate olami mate-mateelo mao̒ tohuta datahu wau luasi udelita botie? Wolo yio̒ musi momalenta olami olo?

YIA̒APO 16:3

Timongolio pee̒-pee̒enta lonao̒ mota lotaalua wolei Musa wau lei Haruna wau loloi̒ya mao̒, “Malo tuuheta uito, Musa! Ngoilanggubu umati lo Isirai̒lu pohetuwolo ode Eeya, wau Eeya woluo to huungonto ngoa̒amilalo. Bo yilongola yio̒ monganggapu batangamu lebe lailaio̒ wolo umati lo Eeya?”

MATIUSI 21:23

Lapatao̒ ti Isa luli lohualinga mota ode Bele lo Eeya, tulusi tilumuwotao̒ wau helo ngaajali mota teto. Tou̒ Tio donggo hemo ngaajali, mongo iimamu tau̒wa wau mongo tau̒wa lo Yahudi malonao̒ mai ode o-Lio wau helohintu, “Pato-patoa̒a tolo Yio̒ helohutu ngoa̒amilalo boito? Tatoonu tahe longohi haku boito ole-Mu?”

LUKASI 12:14

Ti Isa lolametao̒, “Wutato, tita talomuduo̒ ola-U̒ lowali hakimu meaalo tamooloyade pusaka towolota limongoli duulota?”

LUKASI 19:14

Bo tuango lipulio boito molonui̒o. Oditolio, tou̒ tio lomonggato, timongolio malolao mongo utolia mota loloi̒ya, ‘Ami diila mohuto tau botie mowali olongia lami.’

LUKASI 19:27

Wau botia delowalo mai mumuusuuu̒ boito tadiila motohilaa olau̒ mowali olongialio. Pateyalo timongolio ngoa̒amila mate-mateelo mao̒ totaluu̒’!”

WUNGGULI LOMONGO RASULU 7:35

Tei Musa botieelo tei Musa tadiila ilaku lobangusa Isirai̒lu wau tadiila tilolimo wolo loi̒ya botie, ‘Tatoonu talo muduo̒ olemu lowali tau̒wa wau butoo̒ lami?’ Bo tumbao̒ tio-tiolo taa u yilao lo Allahu Taa̒ala u lowali tau̒wa wau tamoo-poa̒ahua, wolo bubantu lo malai̒kati talonao̒ mai ode olio todiu̒to u hinta-hintalabu boito.

IBRANI 11:27

Sababu o iimani, yi tei Musa lololaa mao̒ Masiri lou̒ diila lolaasa yiloohe to oyiyingo li olongia. Tei Musa lomaju lotidulunga ode patujulio debo odelo tio maloo̒onto Allahu Taa̒ala tadiila oontonga boito.