PILOTIMUA̒TA 19:24 - KITABI HABARI MOPIOHE

²⁴ Tahuda mai lo Eeya, “Potuhutolo mola, wau lapatao̒ muli pohualingai odia pee̒-pee̒enta wolei Haruna. Bo mongo iimamu wau ulipu diila mowali molaodeo̒ siipati u monao̒ mai ode ola-U̒. Wonu timongolio molaodeo̒ uito, yi timongolio mahukuu-maniyo-U̒.”

PILOTIMUA̒TA 19:24 ပူးပေါင်းရင်းမြစ်များ

BOHULO TAWARI 13:9

Tou̒ timongolio leidungga mao̒ totambati hepo dutaa̒alo pale haku lei Kidon, sasaa-piyaalo u hidedea̒ goloba boito leiteduo̒, yi tei Uja lodihu mao̒ Bulua Daantia boito alihu diila bolo modehu.

PILOTIMUA̒TA 19:12

Pohutua mao̒ tuoto topalito hui̒dee botie odelo siipati u diila mowali laode lo bangusa boito. Dinia mao̒ bangusa boito motao̒de mola hui̒dee, tumbao̒ mohimbideo̒. Titaalo tita tamolaode siipatilio, mahukuu-maniyola mate;

PILOTIMUA̒TA 19:25

Lapatao̒ tei Musa malo tuhutolo mola lodunggaya wolo bangusa boito wau pilopo tunggulio mao̒ tahuli lo Eeya ode limongolio.

PILOTIMUA̒TA 24:1

Lapatao̒ Eeya lotahuda odelei Musa, “Botuloolo mai motaalua wola-U̒, yio̒ wolei Haruna, tei Nadab wolei Abihu, wau pitu lopulu lota tau̒wa lo bangusa, wau posujudulo mola molubo ola-U̒ monto u molamingo.

PILOTIMUA̒TA 24:9

Lapatao̒ tei Musa, Haruna, Nadab, Abihu wau pitu lopulu tau̒wa boito malo tao̒de mola hui̒dee,

IMAAMATI 10:3

Lapatao̒ tei Musa loloi̒ya mao̒ odelei Haruna, “Ui-uitolo u milakusudu lo Eeya tou̒ Eeya lotahuda mai, ‘Ngoa̒amila tamomaya ola-U̒ musi mohulumati omantali-U̒. Wau̒ mamopo ilaalo mai ololamahu-U̒ ode ngoilanggubu bangusaa-U̒.’ ” Bo tei Haruna wambao̒ lotipoo̒yo.

MATIUSI 11:12

Tumulalo mai tei Yahya helo pohabari habariilio tunggula tosaaa̒ti botie, umati lo Allahu Taa̒ala hetilehengi lotau-tauwalo tahipo tolopania motolo kawasa olio wolo palangi.

LUKASI 13:24

Ti Isa lolametao̒, “Potolopanilo u tumuwoto moli huhebu umeepito. Sababu, eelai! Dadaata tahemo tolopani tumuwoto bo diila mowali.

LUKASI 16:16

Butoo̒ uilohi mai lei Musa wau pongaajali lomongo nabi debo pohupohutu demola tomaasa lei Yahya Tamopolihua. Anggadu towakutu boito Habari Mopiohu tomimbihu woloolo mola Allahu Taa̒ala momalenta odelo olongia pilo habarilio mololaalaaita. Wau tau hipo makusawa lobatanga u mowali pongawaa̒ umati lo Allahu Taa̒ala.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

ROMA 4:15

Butoo̒ agama lo Yahudi mopodungga mai hukuumani lo Allahu Taa̒ala. Bo wonu butoo̒ diaaluo, yi totala olo diaaluo.

GALATIA 3:19

Wonu odito, pongola butoo̒ lo agama yilohi mai? Totametio yito deu̒ butoo̒ boito pilo duhengo u mopoi̒laalo totala lomanusia. Butoo̒ lo agama boito pohupohutu bo dilumutu podunggalio mai lo ngotaalio wali mola lei Abraham, tailunte todelomo danti lo Allahu Taa̒ala tolei Abraham. Butoo̒ lo agama boito pilopo tunggulai lo mamaa-lai̒katiyalo lotimbulude tomanusia ngota.

GALATIA 3:22

Bo todelomo Kitabi tulatulade deu̒ ngoa̒amila umati lomanusia to walungo kawasa lodusa. Sababu uito, wowohi u dilanti patopatoa̒ topalacaya li Isa Almasi yilohi toli mongolio tapalacaya.

IBRANI 12:29

Sababu Allahu Taa̒alanto debo odelo tulu umoo̒pobu.

IBRANI 4:16

Sababu uito, duloolo ito wolo lealeaatu obobuheli modudulao̒ ode Allahu Taa̒ala tahe momalenta wolo hilaa mopiohe. Allahu Taa̒ala mamomonu mai olanto wau mobalakati olanto alihu ito moo̒tapu tulungi tuhata to wakutuulio.