PILOTIMUA̒TA 19:22 - KITABI HABARI MOPIOHE

²² Tumbao̒ mongo iimamu tao̒hilaa mohimbidei ola-U̒, musi mopo mantali lobatanga; wonu diila timongolio mahukuu-maniyo-U̒ mai.”

PILOTIMUA̒TA 19:22 ပူးပေါင်းရင်းမြစ်များ

BOHULO TAWARI 15:13

Tou̒ Bulua boito u bohulio yilimbato, timongoli diaaluo mota teto u modelo mao̒. Sababu uito Eeya, Allahu Taa̒alanto, lohukuumani mai olanto sababu ito helolubo Olio diila lotuuu̒de lou̒ wolo u otohilaa-Lio.”

OLUO TAWARI 30:15

Todulahu opulaa pato hulala boito timongolio helo lambalo hihii-mbawaalo u pilodewo odelo bake lo Paska. Mongo iimamu wau tau-tauwalo Lewi tadonggo hinaajisia, mailoolito daa̒. Timongolio helo pomantali batanga tilinggula loo̒ podewo bake yilalango to Bele lo Eeya.

PILOTIMUA̒TA 19:24

Tahuda mai lo Eeya, “Potuhutolo mola, wau lapatao̒ muli pohualingai odia pee̒-pee̒enta wolei Haruna. Bo mongo iimamu wau ulipu diila mowali molaodeo̒ siipati u monao̒ mai ode ola-U̒. Wonu timongolio molaodeo̒ uito, yi timongolio mahukuu-maniyo-U̒.”

PILOTIMUA̒TA 19:5

Botia wonu timongoli modungohe ola-U̒ wau tatapu molotolo hilao todaanti-U̒, timongoli mapo waliyo-U̒ umati-U̒ lohihilao. Ngoilanggubu dunia yito milikii-U̒, bo timongoli mamowali miliki tapilonu-U̒,

PILOTIMUA̒TA 24:5

Lapatao̒ tei Musa malolao dengolo lota tahi muudawa, wau timongolio lopodewo mao̒ bake yilalango ode Eeya wau longolotao̒ demohelu ngoolo sapi ode bake lo polodame.

YESAYA 52:11

Ponao̒olo! Tolaailo kota Babel, wuu timongoli tadelodelo pakaakasi bele lo Allahu Taa̒ala! Diila mao̒ podedeta balangi u najisi: pomantaliyalo batangamu tou̒ diipo momonggato.

IMAAMATI 21:6

Tio tolomodu hakuu-U̒, wau diila mowali mopokootoro tanggulu-U̒. Tio mopodewo mao̒ bake lou̒ aalo ode Olau̒, oditolio tio musi mantali.

YIA̒APO 11:18

Botia polelea mao̒ utie ode bangusa boito: Pomantaliya mao̒ batangamu tou̒ loombu mola; timongoli mamo lamela tapu. Eeya malo dungohei olimongoli hilumoyongo wau lopoilaalo suusa deu̒ timongoli ohilaa molamela tapu, wau deu̒ paladi mongoli lebe mopioheo̒ tou̒ to Masiri. Botia Eeya mamongohi mai olimongoli tapu, wau matamelo mao̒ limongoli.

WUNGGULI LOMONGO RASULU 5:10

Tosaa̒tilo boito dile lei Ananias boito malei balatolo mola wau yilate totalu lei Petrus. Wau tou̒ mongo bohulotau boito tilumuwotai, ilodungga limongolio tio mailate. Lapatao̒ timongolio malodelo milatelio ode bulemengio wau yilobungio totili lodilelio.

WUNGGULI LOMONGO RASULU 5:5

Odito tei Ananias loo̒dungohe loi̒ya boito, tio malei balatolo mola tulusi yilate. Ngoa̒amila taloo̒ dungohu pasali uilowali boito mailoohe.