PILOTIMUA̒TA 19:19 - KITABI HABARI MOPIOHE

¹⁹ Tingohu torompeti bo helebe udaa̒ mai. Tei Musa helo bisala, wau Allahu Taa̒ala helo lametai wolo bulonggodu.

PILOTIMUA̒TA 19:19 ပူးပေါင်းရင်းမြစ်များ

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

JABURU 81:7

“Wau̒ malo mintaa̒a banta lonto binggungumu, wau lolopata kalanji podetoheela lonto uluu̒mu.

PILOTIMUA̒TA 19:13

tau boito musi pai̒yolo wolo botu meaalo panaalo, wau diila mowali dedetolo. Utie pohu-pohutu mopio duo̒lo manusia meaalo duo̒lo binatangi; ngoa̒amila taa molaode siipati boito musi hukuu-maniyola mate. Tou̒ odungohe mao̒ tingohu hayahaya lo torompeti, tau-tauwalo boito musi motao̒de mola hui̒du.”

PILOTIMUA̒TA 19:16

Todulahee u otolulio, tou̒ dumodupo, woluo bulonggodu wau ilato. Heengo u mohulodu yilumunetai toitaato hui̒dee wau dungo-dungohei tingohu torompeti u moo̒ohuu̒ daa̒. Ngoa̒amila taa tokema mahilu mehela lou̒ moohe.

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

TINGULI 4:36

Lonto hulungo Tio lopo dungohei sualaa-Lio to olimongoli u longaajali olimongoli; todunia botie Tio malo pobiloheo̒ tulu-Lio upolu-polutuo̒, lonto tulu boito Tio helo tahuda mai olimongoli.

TINGULI 5:22

Ui-uitolo palenta uilohi mai lo Eeya ode limongoli tou̒ timongoli hia̒mbua tohui̒dee. Tou̒ Tio lotahuda mai wolo suala lobulonggodu lonto tulu wau heengo u mohulodu, Tio longohi mai papaa-lentawalo boito, wau diila taweewo. Lapatao̒ Tio loluladeo̒ tobotulei dulo pita wau longohi mai ode olau̒.”

IBRANI 12:19

timongolio lotaalua wolo tingohu torompeti, wau tingohu suala ulaba-labaalo. Tou̒ tau-tauwalo Isirai̒lu loo̒dungohe suala boito, timongolio lohile lou̒ tio̒otutua alihu suala boito diilalo mobisala mai ode limongolio.

IBRANI 12:21

Wolo u iloontonga lotau-tauwalo Isirai̒lu boito odito polu-polutuo̒ dilumutu tei Musa loloi̒ya, “Watia moohe wau hulu-huluhelio!”