PILOTIMUA̒TA 19:14 - KITABI HABARI MOPIOHE

^14-15 Lapatao̒ tei Musa lotuhuta mola lonto hui̒dee wau lopoa̒hu tau-tauwalo boito helo tidapa-dapato u moi̒baadati. Ualio mao̒, “Ngoonu timongoli musi motidapato, wau tou̒ botie timongoli diila mowali modiilea.” Lapatao̒ bangusa boito malo tidapa-dapato wau helongulo pakeyangi limongolio.

PILOTIMUA̒TA 19:14 ပူးပေါင်းရင်းမြစ်များ

ILOOWALI 35:2

Laptao̒ tei Yako loloi̒ya mao̒ ode ngaalaa̒lio wau ode ngoa̒amila taa uwoluo pee̒-pee̒enta wolio, “Ito mamo monggato monteea wau monao̒ ode Betel. Mota teto wau̒ mamopo tihulao̒ mesba duo̒lo Allahu Taa̒ala tamalo tulungi olau̒ tou̒ wau̒ ilodungga lou̒ suukali wau maloduo̒la olau̒ penu boli deu̒toonu ponao̒wau̒. Oditolio tapilaalo mao̒ bui̒ lo dedeewaalo deli uwoluo to olemu; pohutua mao̒ upacala mopobelesi batanga wau pomakea mao̒ pakeyangi u belesi.”

BOHULO TAWARI 15:12

Ualei Dauda mao̒ olimongolio, “Timongoli yito tau̒wa lokaumu todelomo suku Lewi. Sababu uito, patutilio timongoli wau tau-tauwalo Lewi wewolio mopo mantali batanga alihu mowali mopo limbato Bulua Daantia lo Eeya, Allahu Taa̒ala lo Isirai̒lu, ode tambati u mapilopo dapato.

PILOTIMUA̒TA 19:10

Botia podunggaya mao̒ wolo tau-tauwala boito, wau ahuli mao̒ timongolio todulahee botie wau loombu mopohetu lo batanga u moi̒baadati. Timongolio musi mongulo pakeyangi limongolio.

PILOTIMUA̒TA 19:13

tau boito musi pai̒yolo wolo botu meaalo panaalo, wau diila mowali dedetolo. Utie pohu-pohutu mopio duo̒lo manusia meaalo duo̒lo binatangi; ngoa̒amila taa molaode siipati boito musi hukuu-maniyola mate. Tou̒ odungohe mao̒ tingohu hayahaya lo torompeti, tau-tauwalo boito musi motao̒de mola hui̒du.”

BOHULO SEMUEL 21:5

Tei Dauda lolametao̒, “Tantulo mao̒ timongolio diila helohutu uito. Laito wonu amiaatia otuugasi, tahidudua̒ olaatia hemodaha mao̒ alihu timongolio belesi modudua̒ao̒ to agama, lebe-lebe pomao̒ biasaalio uito bo duo̒lo tutuu gasiyalo biasa; tidiyolo mao̒ tuugasi u tolomodu debo odelo masaatia botie!”