PILOTIMUA̒TA 18:8 - KITABI HABARI MOPIOHE

⁸ Tei Musa helo hungguli mao̒ ode tiyamo moluhengio totoonulalo upilohutu lo Eeya odeli olongia wau bangusa lo Masiri u lopoa̒ahu taulo Isirai̒lu. Tio olo lohungguli mao̒ olio pasali totoonulalo loe̒epita utilalua lo bangusa Isirai̒lu tohuungo dalalo, wau woloolo mola Eeya helo poa̒ahu mao̒ olimongolio.

PILOTIMUA̒TA 18:8 ပူးပေါင်းရင်းမြစ်များ

ILOOWALI 44:34

Woloolo mola watotia mowali mohualinga mola odeli paapa lo mongowatotia wonu walao̒ boito diila modudua̒ mola? Watotia diila moo̒ tahangi de moo̒onto mao̒ marapo u mamotoduo mai toli paapa lo mongowatotia boito.”

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

JABURU 106:10

Lou̒ odito piloa̒ahu lo Eeya timongolio lonto uluu̒ laawani, yilopato lo Eeya timongolio lonto kawasa musu.

JABURU 106:8

Bo Eeya helo poa̒ahu olimongolio, domi batanga lo Eeya lohihilao, alihu olootolo boli obuheli daa̒ lo Eeya mowali moilaalo.

JABURU 107:2

Poleleaalo uito pipiiu̒wa, wuu timongoli tamaa piloa̒ahu lonto usuusa.

JABURU 66:16

Ponao̒olo mai wau dungohilo, wuu ngoa̒amila bangusa taa hisaalea, masilita mai lowatia mai wolo u hepilohutu lo Allahu Taa̒ala ode laatia.

JABURU 81:7

“Wau̒ malo mintaa̒a banta lonto binggungumu, wau lolopata kalanji podetoheela lonto uluu̒mu.

PILOTIMUA̒TA 15:16

Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

PILOTIMUA̒TA 16:3

Uali mongolio, “Lebe mopioheo̒ wonu humayaalio ami mailate pilate lo Eeya yila-yilateelo mao̒ to Masiri. Mola teto ngoi̒diilio ami mowali motihuloa̒ molamela tapu wau roti tunggula mobutuhu. Bo timongoli malodelo olami odia mai alihu ami ngoa̒amila mate lopolaango.”

PILOTIMUA̒TA 18:1

Tei Yitro moluhengo lei Musa, iimamu to Midian, loo̒dungohu pasali lo totoonulalo u hekilalaja lo Allahu Taa̒ala odelei Musa wau bangusa lo Isirai̒lu, tou̒ tio lodelo olimongolio yilumualao̒ lonto Masiri.

PILOTIMUA̒TA 2:25

Tio loo̒onto tau-tauwalo Isirai̒lu pilowatolio, yi Tio lolantu mao̒ u motulungi mai olimongolio.

PILOTIMUA̒TA 23:23

Malai̒kati-U̒ mameimulo woli mongoli wau modelo olimongoli ode lipu bangusa lo Amori, Het, Peris, Kanaa̒n, Hewi wau Yebus, wau timongolio mapo binasaa-U̒.

PILOTIMUA̒TA 4:23

wau yio̒ maa pilalenta-U̒ mai u mongohi mao̒ walau̒u-U̒ boito monao̒ alihu tio mowali moi̒baadati to ola-U̒, bo yio̒ diila mololimo. Botia Wau̒ mamomate walau̒mu tamohuhula daa̒ mate-mateelo mao̒.’ ”

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

PILOTIMUA̒TA 7:5

Yi taulo Masiri mamotota mao̒ deu̒ Wau̒ botie Eeya, tou̒ Wau̒ mohukuumani mai olimongolio wau modelo Isirai̒lu lumualao̒ monto lipu limongolio.”

YIA̒APO 20:14

Lapatao̒ lonto Kades, tei Musa malolao mongo utolia mola lotaalua woli olongia lo Edom. Uali mongolio mao̒, “Amiaatia lonto suku Isirai̒lu tadonggo owumbuta wutato woli Tuaniu̒. Ti Tuaniu̒ tanu motota polodutolo ulotoduo mai olamiaatia.