PILOTIMUA̒TA 18:12 - KITABI HABARI MOPIOHE

¹² Lapatao̒ tei Yitro malodelo dengolo bake yilalango wau bake iloloto odelo dewo ode Allahu Taa̒ala. Tei Haruna wau ngoa̒amila tau̒wa bangusa lo Isirai̒lu lonao̒ mai wau helo lamela pee̒-pee̒enta wolei Yitro todelomo owoluo lo Allahu Taa̒ala.

PILOTIMUA̒TA 18:12 ပူးပေါင်းရင်းမြစ်များ

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 26:25

Lapatao̒ tei Isihaka malo potihulo mesba wau helolubo Eeya to tambati boito. Tio lotikema mota teto wau mongo watolio helo ngau̒udeo̒ ali uwewo.

ILOOWALI 26:30

Lapatao̒ tei Isihaka lohinta mao̒ olimongolio, wau timongolio lolamela wau longilu.

ILOOWALI 31:54

Tio longolotao̒ binatangi tuwau wau lopodewo mao̒ toitaato huludu boito. Lapatao̒ tiloduolio tau-tauwalo u molamelo pee̒-pee̒enta. Lapatao̒ yilapato lolamelo timongolio malo titihui to huludu boito.

ILOOWALI 4:4

Lapatao̒ tei Habel malohama walao̒ himba hulango lonto tala tuwau lo himbalio, ilolotio mao̒, tulusi pilopo dewolio ngobutao̒ u mopiohe daa̒ to Eeya. Eeya aahudu olei Habel wau dewolio,

ILOOWALI 43:25

Lapatao̒ uito timongolio lopohetu mao̒ palaseni u wohilio odelei Yusu de wonu tio monao̒ mai tou̒ ngoputu lodulahu, sababu timongolio mapilo leleyalio mao̒ deu̒ timongolio mamolamela pee̒-pee̒enta wolio.

ILOOWALI 8:20

Tei Noho lopo tihulao̒ mesba tuwau ode Eeya. Hilamalio mao̒ tuwau monto timii̒du bulungi ngodalaala wau binatangi wewolio u halale tulusi pilopo dewolio odelo bake yilalango toitaato mesba boito.

OLUO LO SAMUEL 9:7

Tei Dauda loloi̒ya mao̒, “Diila mao̒ oohe. Wau̒ mamo pomuura mai lohilao ode olemu domi tei Yonatan tipaapamu. Ngoa̒amila libaapumu Saul mamuli wohiu̒ mai olemu wau u ohiheo-hiheolo mao̒ yio̒ mowali molamela tobele biluloa̒ saaha li olongio.”

OLUO TAWARI 30:22

Tau-tauwalo Lewi boito odito motoloo̒ lotitau̒wa to ibaadati ode Eeya, tilinggula tei Hiskia helomuji olimongolio. Lapatao̒ pitu hui mola hiheolio timongolio heloo̒ lamitao̒ ua̒alo lonto rameyangi boito wau helo podewo bake u lolapali oduo̒lo to Eeya, loluuhuru limongolio,

AYUBA 1:5

Timii̒du mopalutao̒ potihunggu, tei Ayuba laito hemobongu didimodupo wau hemo podewo bake ode timii̒du walai̒o alihu timongolio ambunguo mai lo Eeya. Sababu to pikiilangi mola lei Ayuba, mowaliilio mongo walai̒o boito mai̒lodusa wau helohina Allahu Taa̒ala lou̒ diila sangaja.

AYUBA 42:11

Ngoa̒amila tahulango wau wutato taabua lei Ayuba, wau ngoa̒amila tamoo̒taawa wolio talo hiheo, mai lobiilohe wolio lapatao̒ helohutu potihunggu pee̒-pe̒enta wolio tobelelio. Timongolio lopoi̒laalo pongolaasa limongolio u limilimi to tilolahepaalo usuusa u mapilopo dungga mai lo Eeya to olio, wau helo liyanga olio. Ngota-ngota towolota limongolio helongohi mao̒ ngojumulaa doi wau hua̒limo hulawa ngobotu odelei Ayuba.

AYUBA 42:8

Naa, hamaalo mai botia pitu sapi ulai̒ wau pitu himba ulai̒, wau ponao̒lo odelei Ayuba. Lapatao̒ podewoa mao̒ ngoa̒amilalo boito odelo bake yilalango ode batangamu. Tei Ayuba mamodua̒ mola ode limongoli wau dua̒lio matolimoo-U̒. Timongoli diila tapoo̒olito-U̒, eleponu timongoli paatuti mololimo hukuumani. Timongoli diila helo loi̒ya u otutuulio mao̒ pasali lo batanga-U̒, hiambola tei Ayuba helo loi̒ya mao̒.”

PILOTIMUA̒TA 18:13

Loloombulio mola tei Musa helo mutoo̒ popoo-lohiheede towolota tau-tauwalo Isirai̒lu. Kalaja boito yilongaa wakutu tumulalo mao̒ dumodupo demola hui.

PILOTIMUA̒TA 2:20

“Tou̒toonu tio masaatia?” yilintu mao̒ lei Yitro tomongo walai̒o. “Yilongola matilolaa mai limongoli tau boito? Mola toduwaalo mai tio molamela pee̒-pee̒enta wolanto.”

PILOTIMUA̒TA 20:24

Pohutua mao̒ ode ola-U̒ mesba tuwau monto huta, lapatao̒ podewowalo teto himba wau sapi limongoli duo̒lo bake yilalango wau bake lo polodame. To timii̒du tambati u tantuwo-U̒ mao̒ olimongoli odelo tambati u poi̒baadatialo ode ola-U̒, Wau̒ mamei dungga mai wau mobalakati olimongoli.

PILOTIMUA̒TA 24:11

Mongo tau̒wa lo Isirai̒lu boito maloo̒onto Allahu Taa̒ala; eleponu odito timongolio diila bilinasaa-Lio. Lapatao̒ uito timongolio helo lamela wau longilu.

PILOTIMUA̒TA 24:5

Lapatao̒ tei Musa malolao dengolo lota tahi muudawa, wau timongolio lopodewo mao̒ bake yilalango ode Eeya wau longolotao̒ demohelu ngoolo sapi ode bake lo polodame.

PILOTIMUA̒TA 3:1

Tou̒ boito tei Musa hemo himbala hihii-mbawaalo wau babaa-tedeyalo lei Yitro, tiyamo moluhengio, iimamu tohuta lo Midian. Tou̒ tio donggo hemo lanengo bibiahio boito ode ngotuali lo huta udatahu wau luasi udelita, malei dungga tio to Hui̒de Sinai, hui̒de umantali.

PILOTIMUA̒TA 33:7

Timii̒du, wonu bangusa lo Isirai̒lu motitikema, tei Musa mohama mao̒ kema wau mopo tihulao̒ molaminga ngopee̒ monto polokema limongolio. Kema boito iluntelio Kema lo Eeya, wau tatoonu tamohuto mohile potuhata to Eeya, ponao̒ mota odito.

DANIALI 10:3

Ngotilonggadu tou̒ boito watia diila helo lamela ua̒alo u motabo meaalo tapu; watia diila helongilu angguru, wau diila olo helo heide huwoo̒.

YIA̒APO 10:29

Tei Musa loloi̒ya mao̒ ode wipahio, tei Hobab walae̒e Rehuel taulo Midian, “Ami mamonao̒ ode tambati umodudua̒ tahuda lo Eeya mawohi-Lio mai ode olami. Eeya malodanti mai u mopiohe ode taulo Isirai̒lu. Oditolio dudui̒lo mai, ami mamohutu mao̒ u mopiohe ode limongoli.”

LUKASI 14:1

Todulahu Saabati tuwau ti Isa lonao̒ lolamelo tobele ngotaalio lo Parisi tao̒ tanggulo. Teto tau-tauwalo helo poo̒tuoto li Isa lou̒ motombipidu.

LUKASI 14:15

Tou̒ tala ngota talo lamelo pee̒-pee̒enta teto loo̒dungohu tahuda li Isa, tio loloi̒ya, “Pae̒eda daa̒ taa umaa molamelo pee̒-pee̒enta wolo Allahu Taa̒ala wonu Tio meidungga odelo Olongia!”

1 KORINTUS 10:18

Nte poo̒tuota mao̒ tau-tauwalo Yahudi. Timongolio tahe lolamelo ua̒alo u pilodewo toitaato tambati podewowala lobake, deu̒ito-yito tahe lotituwau wolo tambati boito.

1 KORINTUS 10:21

Timongoli diila mowali mongilu monto hakati angguru lo Eeya, wau pee̒entalo mao̒ monto hakati angguru lorohu u moleeta olo. Timongoli diila mowali molamela tomeja lo Eeya, wau tomeja lorohu umoleeta olo.

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

TINGULI 12:7

Mota teto olo, totalu lo Eeya Allahu Taa̒ala limongoli, timongoli pee̒-pee̒enta wolo ngaalaa̒ limongoli musi molamela wau motiwengahu to tolopani limongoli u otilapulo sababu bilalakati mai lo Eeya Allahu Taa̒ala limongoli.

TINGULI 27:7

Podewowaalo olo bake lo polodame limongoli wau tamela mao̒ teto wau poti wengahulo totalu lo Eeya Allahu Taa̒ala limongoli.