PILOTIMUA̒TA 18:11 - KITABI HABARI MOPIOHE

¹¹ Botia otaawa lowatia deu̒ Eeya lebe udaa̒ wolo ngoa̒amila ila, sababu ngoa̒amila boito pilohutu-Lio tou̒ taulo Masiri helo tihutu sombongi daa̒ to taulo Isirai̒lu.”

PILOTIMUA̒TA 18:11 ပူးပေါင်းရင်းမြစ်များ

BOHULO MONGO OLONGIA 17:24

Ti janda boito lolametao̒, “Botia bolo ilotaawa lowatia deu̒ ti Paaa̒ yito wato lo Allahu Taa̒ala wau loi̒ya li Paaa̒ boito memangi otutu lonto Eeya!”

OLUO MONGO OLONGIA 5:15

Lapatao̒ tio wau ngoa̒amila tahidudua̒ olio luli lohualinga mota odelei Elisa. “Botia mailotaawa laatia,” ualei Naa̒man odelei Elisa, “deu̒ to ngoilanggubu dunia bo woluo ngota Allahu Taa̒ala, deu̒yito-yito Allahu Taa̒ala tahe tuboo lotau Isirai̒lu. Sababu uito, potala ti Tuani mololimo mao̒ wowohi monto olaatia.”

BOHULO TAWARI 16:25

Sababu udaa̒alo mola Eeya wau laba-labaalo ilopujia; Tio musi ooheelo mongilabotao̒ lou̒ totoonulalo dewa.

OLUO TAWARI 2:5

Otohilaa lowatia alihu Bele lo Eeya u mabongulo lowatia boito debo odelo bele uleidaa̒, sababu Allahu Taa̒ala lamiaatia lebe mao̒ udaa wolo ila u penuboli to utoonulalo mao̒.

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

NEHEMIA 9:16

Bo loluuhuru lo mongowatotia soombongi wau baaa̒ngiolo; totoonulalo palenta lo Eeya diila dilungohe limongolio.

NEHEMIA 9:29

He dilini lo Eeya timongolio alihu pongaajali lo Eeya dungoheelo, bo timongolio he lopotouli butoo̒ Eeya wolo hilaa mangimangi. Lebe-lebe pomao̒, wonu butoo̒ Eeya poponao̒olo, tantuulo mao̒ maa mowali pongakualo tutumulo. Timongolio baaa̒ngiolo wau diila mowali bolio̒lo huhamaalio, diila mohuto modungohu, diila mohuto motaaa̒ti.

JABURU 119:21

Eeya modini taa u sombongi, wau molaa̒anati taa u mohei monto palenta lo Eeya.

JABURU 135:5

Sababu otaawa lowatia Eeya otutu udaa̒, Eeya udaa̒ mongilabota lo totoonulalo dewa.

JABURU 31:23

To delomo olilingu lowatotia, yilan tobu watotia Eeya malolapi olau̒ lonto talu lo Eeya. Bo Eeya malo dungohe polohoneu̒ tou̒ wau̒ longiibode mola to Eeya.

JABURU 95:3

Sababu Eeya yito Allahu Taa̒ala tau̒daa̒, Olongia tamolotolo boli buheli tamo ngawaasa totoonulalo dedeewaalo.

JABURU 97:9

Sababu Eeya, yaa Eeya, takaawasa ngoilanggubu dunia; Eeya udaa̒ mongilabota lo totoonulalo dewa.

PILOTIMUA̒TA 1:10

Humayaalio motoduo mai popaatea, mowaliilo timongolio moheeluma wolo musu u moluwali olanto, lapatao̒ molahi mololaa mao̒ lipu botie. Ito musi mololohe dalalo alihu timongolio diilalo he oduhenga mola daatalio.”

PILOTIMUA̒TA 1:16

Uali olongia lo Masiri, “Tou̒ timongoli motulungi mao̒ mongobua lo Ibrani mopotutu mai, eelai mao̒ utie: Wonu walao̒ tapotutulio mai boito talolai̒, pateyalo mate-mateelo mao̒! Wonu walao̒ tapotutulio mai boito taabua, hulii mao̒ tio tumumulo.”

PILOTIMUA̒TA 1:22

Lapatao̒ ti olongia longohi mao̒ palenta botie ode ngoa̒amila ulipulio, “Timii̒du walao̒ talolai̒ taulo Ibrani taboheeli pilotutulio mai musi tapilolo ode dutulaa Nil, bo ngoa̒amila walao̒ mongobua mowali luliaalo hitumula.”

PILOTIMUA̒TA 10:3

Lapatao̒ tei Musa wolei Haruna malonao̒ mola lotaalua woli olongia wau loloi̒ya mao̒ olio, “Eeya, Allahu Taa̒ala bangusa lo Ibrani, lotahuda mai, ‘Tunggula omolua yio̒ diila mohuto taa̒aluku to ola-U̒? Pululiyalo mao̒ umati-U̒ monao̒, alihu timongolio mowali moi̒baadati to ola-U̒.

PILOTIMUA̒TA 12:12

Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya.

PILOTIMUA̒TA 14:18

Yi taulo Masiri mamotota mao̒ deu̒ Wau̒lo Eeya.”

PILOTIMUA̒TA 14:8

Memangi Eeya malo powali oli olongia baa̒ngiyolo, tilinggula tio helo hilapita taulo Isirai̒lu tadonggo todelomo nonao̒ limongolio tou̒ lololaa mao̒ lipu boito towunelo Eeya.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 5:2

“Tatoonu Eeya boito?” yilintu mao̒ li olongia. “Yilongola wau̒ musi momandungi Olio wau mopoluasi mao̒ bangusa lo Isirai̒lu monao̒? Diila otaawau̒ Eeya boito, wau taulo Isirai̒lu diila wohiu̒ monao̒.”

PILOTIMUA̒TA 5:7

“Diilalo mao̒ wohia laato to bangusa boito u pohutu botu tela. Hulilo mao̒ mota lolohu limongolio lohihilao.

DANIALI 4:37

Oditolio botia wau̒, Nebukadnejar, momuji, mopolaia̒ wau mopolamahu Olongia lo Sologa. Totoonulalo huhutuu-Lio otutu wau aadili, wau Tio mambo mopodupapa taa u motihutu sombongi.

YIA̒APO 33:4

tadonggo hipo lobungawa walai̒ mongolio mohuhula daa̒ tamaa pilate lo Eeya yila-yilateelo mao̒. Wolo huhutu boito, Eeya lopo bukuti mai deu̒ Tio lebe molotolao̒ wolo ila-ila lo Masiri.

LUKASI 1:51

Wolo uluu̒-Lio u molotolo wau buheli Tio lopo bubuua̒yawa tahi sombongia, wau lopo ambulati patuju limongolio.

YAKOBUS 4:6

Eleponu odito, odehu hilaa lo Allahu Taa̒ala uilohi-Lio mai olanto lebe molotolo lou̒ ilohilaa lo rohunto boito. Uitolo sababuulio todelomo Kitabi tulatulade olo, “Allahu Taa̒ala motehengi taa sombongi, bo bolii̒o mao̒ Tio momonu taa udupa-dupapa lohilao.”

1 PETRUS 5:5

Odito olo Wutato, tau-tauwalo tahumula. Potaa̒lukulo totau-tauwalo tahi hulanga. Mongo wutato ngoa̒amilalo musi motidupapa lobatanga wau momaa-maayawa wolo dupadupapa lohilao. Sababu todelomo Kitabi tulatulade odie mola, “Allahu Taa̒ala motehengi taa sombongi, bo momonu tadupa-dupapa lohilao.”

BOHULO SEMUEL 2:3

Otongaalo loi̒yamu u latabu! Poo̒pulitalo tabibo u mangimangi! Sababu Eeya boito Allahu Taa̒ala talaba-labaalo paahamu; tamomutoo̒ totoonulalo huhutu lotau.