PILOTIMUA̒TA 17:8 - KITABI HABARI MOPIOHE

⁸ Lapatao̒ taulo Amalek lonao̒ mai loluhu taulo Isirai̒lu to Rapidim.

PILOTIMUA̒TA 17:8 ပူးပေါင်းရင်းမြစ်များ

ILOOWALI 14:7

Lapatao̒ uito tahipo hilapitawa luli lobale wau lohualinga mola ode En-Mispat u masaatia ilunte Kades. Tilaa̒aluku limongolio ngoilanggubu huta lo Amalek wau lopo olaaheo̒ taulo Amori tahi biluloa̒wa to Hajejon-Tamar.

ILOOWALI 36:16

Korah, Gaetam wau Amalek. Timongolio ngoa̒amila wali mai li Ada, dile lei Esau.

JABURU 83:7

bangusa lo Edom wau Ismai̒la, tau-tauwalo Moab wau Hagar;

PILOTIMUA̒TA 17:1

Lapatao̒ ngoilanggubu umati lo Isirai̒lu lololaa mao̒ huta udatahu wau luasi udelita Sin wau limbatao̒ limbatao̒ lonto tambati tuwau ode tambati uwewo debo odelo pilo malentao̒ lo Eeya. To wakutu tuwau timongolio lotitikema to Rapidim, bo mota teto diaalu taluhu u yilumolo.

YIA̒APO 13:29

Taulo Amalek hibiluloa̒wa towimbihu huliaalio lolipu boito; taulo Het, Yebus wau Amori hibiluloa̒wa tomadala u ohuludu; hiambola taulo Kanaa̒n hibiluloa̒wa tomadala to ngohilayaa̒ lodeheto wau to ngohilayaa̒ Dutulaa Yordan.”

YIA̒APO 24:20

Lapatao̒ todelomo polonaasa boito tei Bileam loo̒onto tau-tauwalo Amalek. Yi tio lolapali mao̒ nubuati botie, “Monto totoonulalo bangusa todunia, taulo Amalek talaba-labaalo okawasa. Bo bangusa boito to pulitio mao̒, mamooli olo u ohiheo-hiheolo mao̒.”

MONGO HAKIMU 6:3

Iloduhenga olo deu̒ timii̒du tamomeengia lo Isirai̒lu motolo kelakela mao̒ huta, hiponao̒wa mai taulo Midian pee̒-pee̒enta wolo taulo Amalek wau tau-tauwalo wewolio monto huta ohungayo u luasi daa̒ hemoluhu taulo Isirai̒lu.

BOHULO SEMUEL 14:48

Tio helo paatea wolo lotolo daa̒ boli buheli wau lopoo̒laaheo̒ taulo Amalek, wau lolopato Isirai̒lu lonto kawasa lo tamoo-lambata.

BOHULO SEMUEL 15:2

Tio mamo hukuumani mai taulo Amalek, sababu loluuhuru limongolio helo luwali taulo Isirai̒lu tou̒ taulo Isirai̒lu leidungga mai lonto Masiri.

BOHULO SEMUEL 27:8

Ngotilonggadu maasa boito tei Dauda wau tahidudua̒ olio laito hemoluhu taulo Gesur, taulo Girji, wau taulo Amalek; babaa-ngusawalo boito malohiiheo hibiluloa̒wa tomadala boito. Tio heloluhu ode huta boito ngoilaminga lo Sur, wau tulusi ode Masiri.

BOHULO SEMUEL 30:1

Duuhui mola lapatio mao̒, tei Dauda wau tahidudua̒ olio luli lohualinga ode kota Jiklag. Tou̒ leidungga mola odito, ilodungga limongolio deu̒ taulo Amalek maloluhu wimbihu huliaalio lipu lo Yehuda wau loluhu Jiklag. Penu boli ngotaa mao̒ diaaluo tapilate limongolio yila-yilateelo mao̒. Bo pilopo waahu limongolio kota boito wau lopo tolongao̒ mola lonao̒ limongolio wau helodelo mongobua, tau̒kekeei̒ wau ulipu wewolio. Timongolio olo malo tawalo ngaalaa̒ lei Dauda wau ngaalaa̒ lo tahidudua̒ olio, leituoto dile lei Dauda duulota, ti Ahinoam woli Abigail. Tei Dauda wau tahidudua̒ olio odito suukalilio, tilinggula timongolio maa hilumoyonga diila huheliilio tunggula dimulutu diilalo olootolo.