PILOTIMUA̒TA 17:7 - KITABI HABARI MOPIOHE

⁷ Tambati boito ilunteelio Masa sababu totambati boito taulo Isirai̒lu helo himontala to Eeya tou̒ timongolio helohintu, “Wolo Eeya wolanto meaalo diila?” Tambati boito olo ilunteelio Meriba sababu totambati boito taulo Isirai̒lu helo hungoto.

PILOTIMUA̒TA 17:7 ပူးပေါင်းရင်းမြစ်များ

JABURU 106:32

To aa̒a-liyaalo lo Meriba timongolio heloo̒ toodei muluka lo Eeya, wau helo poo̒suusa olei Musa wolo huhutu limongolio.

JABURU 78:18

Timongolio sangaja lohimontala to Allahu Taa̒ala, wolo helohile wolo moo̒ohuu̒ ua̒alo u otohilaa limongolio.

JABURU 81:7

“Wau̒ malo mintaa̒a banta lonto binggungumu, wau lolopata kalanji podetoheela lonto uluu̒mu.

JABURU 81:8

To delomo osuusamu timongoli hipo ngiibode, wau Wau̒ lopoa̒ahu mai olimongoli. Tilameta-U̒ mai timongoli lonto bulonggodu tambati pilo tituua̒a-U̒, tilesi-U̒ mai timongoli tobutu lotaluhu Meriba.

JABURU 95:8

“Diila mao̒ potibaaa̒ngi debo odelo loluuhurumu to Meriba, debo odelo timongolio tou̒ to Masa, tohuta datahu wau luasi udelita.

PILOTIMUA̒TA 17:2

Tulusi timongolio helo hungoto to olei Musa wau loloi̒ya mao̒, “Wohia mai ami taluhu u yilumolo.” Tei Musa lolametao̒, “Yilongola timongoli hemo huungoto wau mohimontala to Eeya?”

PILOTIMUA̒TA 34:9

Ualio mao̒, “Eeya, wonu Eeya tio̒otutua motuuu̒de wolaatia, watia momolohone, ambunguolo Eeya moduduo̒ wolamiaatia. Bangusa boito memangi baa̒ngiyolo, bo ambungua mao̒ ololeeto wau dusa limongolio wau tolimoa mao̒ amiaatia odelo umati lo Eeya lohihilao.”

YESAYA 12:6

Potinga-tingalao̒lo wolo wengahu wuu ulipu lo Sion, polahuwalo mola wolo wengahu. Allahu Taa̒ala mantali lo Isirai̒lu otutu molamahu, Eeya bilu-biluloa̒a tohuungi mongoli.”

MIKHA 3:11

Tahipo ngawasawa kota helo malentao̒ u moo̒tapu mai doi solooi̒, mongo iimamu helo ngaajali butoo̒ lo Eeya duo̒lo wuupa, wau mongonabi hipohilea potuhata monto Allahu Taa̒ala u moo̒tapu mao̒ doi – lapatao̒ timongolio ngoa̒amila hipo lontobua deu̒ Eeya lotiwambao̒ ode limongolio. Timongolio hemoloi̒ya, “Eeya woluo to huunginto; ito diila tao̒dungga lobaala hidala-dalaala.”

YIA̒APO 14:22

deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita.

YIA̒APO 20:13

Ui-uitolo butu lotaluhu Meriba. Totambati boito tau-tauwalo Isirai̒lu helobiihu ode Eeya, wau mota teto olo Eeya lopo bilohei kawasaa-Lio umantali ode bangusa boito.

YIA̒APO 20:24

“Tei Haruna diila tatumuwoto ode lipu u mapilo danti-U̒ mai ode bangusa lo Isirai̒lu; tio maamate sababu timongoli duulota maloluwali palentaa-U̒ totili butu lotaluhu Meriba.

YIA̒APO 27:14

sababu Jin timongoli malo luwali palentaa-U̒. Tou̒ to Meriba ngoilanggubu ulipu helobiihu to ola-U̒, wau timongoli diila mohuto mopoilaalo mao̒ okokawasa-U̒ totalu limongolio u owumbuta wolo taluhee boito.” (Polou̒tia boito lotoduo tobutu lotaluhu Meriba to Kades, tohuta datahu wau luasi udelita lo Jin).

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

TINGULI 31:17

Wonu uito motoduo mai, omulukaa-U̒ mamo walihuhu toli mongolio. Timongolio matolaa-U̒ wau pobinasaa-U̒. Dadaata baala moo̒tihela hapato mamolemba olimongolio lapatao̒ timongolio mamongalati mao̒ deu̒ ngoa̒amila boito motoduo sababu Wau̒, Allahu Taa̒ala limongolio, diilalo pee̒-pee̒enta woli mongolio.

TINGULI 33:8

Pasali losuku Lewi tio loloi̒ya mao̒: “Wolo Urim wau Tumim pilopo ilalo Eeya kahandaki lo Eeya, lotimbulude to taulo Lewi wato lo Eeya tadebo molotolo hilao. Eeya malo himontala olimongolio to Masa, wau lobaatata woli mongolio tobutu lotaluhu Meriba.

TINGULI 6:16

Diila mao̒ pohimontala to Eeya Allahu Taa̒ala limongoli debo odelo u pilohutu limongoli to Masa.

TINGULI 9:22

Wau olo to Tabera, Masa wau Kibrot-Taawa, timongoli helohutu to Eeya lomuluka.

YOSUA 22:31

Lapatao̒ ualei Pinehas, walai̒ Iimamu Eleajar, ode tau-tauwalo suku Ruben, Gad wau Manasye Tiimuru, “Botia ilotaawa mao̒ lami deu̒ Eeya wolanto, sababu timongoli diila moluwali Olio. Timongoli malo poa̒ahu umati lo Isirai̒lu lonto hukuumani lo Eeya.”