PILOTIMUA̒TA 17:14 - KITABI HABARI MOPIOHE

¹⁴ Tahuda mai lo Eeya odelei Musa, “Tuladee mao̒ pasali lo ohohaama botie alihu debo toloe̒elalo. Polelea mao̒ odelei Josua deu̒ Wau̒ mamopo binasa mai taulo Amalek.”

PILOTIMUA̒TA 17:14 ပူးပေါင်းရင်းမြစ်များ

OLUO LO SAMUEL 1:1

Tou̒ tei Saul yilate mao̒, tei Dauda luli lohualingai lonto popaatea helo poo̒laaheo̒ taulo Amalek, tulusi malo tibiluloa̒ to Jiklag ngotilonggadu duuhui mola.

BOHULO TAWARI 4:42

To tau̒wa lomongo walae̒e Yisei, deu̒yito-yito tei Pelaca, Nearya, Repaya wolei Ujiel, limo lohetuto lota pongawaa̒ uwewo lonto suku Simeon helo limbata mola ode Edom to tiimuru.

BOHULO TAWARI 4:43

Timongolio helomate yila-yilateelo mao̒ lalaa-bitowaalo taulo Amalek, tulusi helo titatapu mota teto anggadu tou̒ boito.

ESRA 9:14

Oditolio, diila pongalo aakali mongowatotia muli momalonga totoonulalo palenta lo Eeya wau monika uu̒ulauwa wolo tau-tauwalo tahileeta hileeta boito? Wonu mongowatotia mopohutu uito, tantulo mao̒ Eeya mamomuluka daa̒ tilinggula mongaantulu mai to mongowatotia sama-samaata wau diila mopoluli penu boli ngotaa mao̒ tatumumulo.

AYUBA 18:17

Tio diilalo oonuhe todelomo meaambo to bulemengo kota; diaaluo penu boli ngotaa mao̒ tadonggo moe̒ela mola tanggulio.

AYUBA 19:23

Aa, bolo potala tataaheeu̒ tuladulo, tilinggula malaito eelaalo mola;

JABURU 9:6

Eeya malo hukuumani mai babaa-ngusawalo wau helo pobinaasa tau-tauwalo hileeta; timongolio yilipato u ohiheo-hiheolo mao̒.

PILOTIMUA̒TA 12:14

Todulahee boito musi poe̒ela mao̒ limongoli odelo dulahu buka duo̒lo Eeya. U wumbutio mola tulusi dulahu boito musi poe̒ela mao̒ limongoli timii̒du taunu.”

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 17:13

Pulitio mao̒ taulo Amalek ilolaahe lei Yosua.

PILOTIMUA̒TA 24:4

Lapatao̒ uito tei Musa helo luladeo̒ ngoa̒amila palenta lo Eeya. Loombulio mola didimodupo, pilotihulio mesba tuwau wolo tugu mopulaa duluo tobungo lohui̒dee boito; timii̒du tugu mowakili tala tuwau suku lo Isirai̒lu.

PILOTIMUA̒TA 32:33

Eeya lotahuda mao̒, “Bo wambao̒ tau-tauwalo tamaa ilodusa to ola-U̒ malulutou̒ tanggulio monto buku boito.

PILOTIMUA̒TA 34:27

Tahuda mao̒ lo Eeya odelei Musa, “Tuladee mao̒ tataa-heyaalo boito, sababu patopatoa̒ toloi̒ya boito Wau̒ mohutu mai daantia wolemu wau wolo bangusa lo Isirai̒lu.”

POHUMAYA 10:7

Motoloe̒ela mola taa mopiohu debo odelo balakati, bo taa moleeto hua̒a lipatolo.

YEREMIA 30:2

lotahuda mai odelaatia, “Tuladee mao̒ todelomo buku tuwau ngoa̒amila umaa tilahudaa-U̒ mai olemu.

YEREMIA 36:2

“Hamawa mao̒ lilibu buku tuwau, wau tuladelo teto ngoa̒amila u matilahuda-U̒ mai olemu pasali lo Isirai̒lu wau Yehuda, wau pasali lo totoonulalo bangusa. Tuladelo ngoa̒amila tahudaa-U̒ tumulalo mai Wau̒ bohulo helo tahuda mai olemu tomaasa pamalenta li Olongia Yosia demai dulahee botia.

YIA̒APO 24:20

Lapatao̒ todelomo polonaasa boito tei Bileam loo̒onto tau-tauwalo Amalek. Yi tio lolapali mao̒ nubuati botie, “Monto totoonulalo bangusa todunia, taulo Amalek talaba-labaalo okawasa. Bo bangusa boito to pulitio mao̒, mamooli olo u ohiheo-hiheolo mao̒.”

YIA̒APO 33:2

Eeya lomrentao̒ olei Musa u lodaputali mao̒ tanggulo timii̒du tambati u pilohepita limongolio.

TINGULI 31:9

Lapatao̒ tei Musa loluladeo̒ butoo̒ lo Eeya Allahu Taa̒ala wau yilohilio ode mongo iimamu lo Lewi tatiluugasia u mongulusi Bulua Daantia, wau ode mongo tau̒wa lo Isirai̒lu.

YOSUA 4:7

mamusi timongoli mopoo̒taa olimongolio deu̒ taluhu lo Dutulaa Yordan malobunto tou̒ Bulua Daantia lo Eeya dilelo lobalanga dutulaa boito. Boboo-tuwaalo boito malaito mopoe̒ela bangusa lo Isirai̒lu tou̒ wolo u helo toduo mai teewe.”

BOHULO SEMUEL 15:18

donggo poli ti Baginda ilahula mai lo Eeya mopobinasa taulo Amalek tamoleeto boito. Ti Baginda ilahula-Lio mopaatea moluwali olimongolio tunggula timongolio mopulito ngoa̒amilalo.

BOHULO SEMUEL 30:1

Duuhui mola lapatio mao̒, tei Dauda wau tahidudua̒ olio luli lohualinga ode kota Jiklag. Tou̒ leidungga mola odito, ilodungga limongolio deu̒ taulo Amalek maloluhu wimbihu huliaalio lipu lo Yehuda wau loluhu Jiklag. Penu boli ngotaa mao̒ diaaluo tapilate limongolio yila-yilateelo mao̒. Bo pilopo waahu limongolio kota boito wau lopo tolongao̒ mola lonao̒ limongolio wau helodelo mongobua, tau̒kekeei̒ wau ulipu wewolio. Timongolio olo malo tawalo ngaalaa̒ lei Dauda wau ngaalaa̒ lo tahidudua̒ olio, leituoto dile lei Dauda duulota, ti Ahinoam woli Abigail. Tei Dauda wau tahidudua̒ olio odito suukalilio, tilinggula timongolio maa hilumoyonga diila huheliilio tunggula dimulutu diilalo olootolo.

BOHULO SEMUEL 30:17

Tou̒ dulahee mamo baangai loloombulio mola, timongolio tiluhu lei Dauda, popaatea boito pohupohutu demola hui. Ngopohia lou̒ wopato hetuto lota tahi muudawa u lolahi wolo lotitae̒ to unta, diaaluo penu boli ngotaa mao̒ lonto musu taloo̒lahi.