PILOTIMUA̒TA 17:11 - KITABI HABARI MOPIOHE

¹¹ Ngotilonggadu tei Musa helo mintaaa̒ mola uluu̒lio, taulo Isirai̒lu moo̒haama. Bo wonu tei Musa mopolaahe mola uluu̒lio, taulo Amalek tamoo̒haama.

PILOTIMUA̒TA 17:11 ပူးပေါင်းရင်းမြစ်များ

JABURU 44:6

Wolo kawasa lo Eeya amiaatia helo poo̒laaheo̒ musu lamiaatia, wau helopo taa̒aluku tau-tauwalo tahi poluhua to olamiaatia.

JABURU 56:9

Eeya helo yia̒apa duduu-laheyaalo pilonao̒wa ode utoonulalo mao̒ lowatia, wau helotota jumulaa ponu lowatia; wolo diila Eeya tamoo̒-reekenia mao̒?

PILOTIMUA̒TA 17:10

Tei Yosua helohutu mao̒ wolo u pilomalenta lei Musa to olio. Tio malonao̒ mota loluhu taulo Amalek, hiambola tei Musa, Haruna wolei Hur helo tao̒de hui̒dee demola balitutui̒o.

PILOTIMUA̒TA 17:12

Tou̒ tei Musa maloongolo, tei Haruna wolei Hur mohama mao̒ botu tuwau alihu tei Musa mowali motihuloo̒; tei Haruna wolei Hur tihu-tihulo to oloihi wau to olowala lei Musa u molumude uluu̒lio alihu debo binta-bintaaa̒ demola dulahee tumolopa mota.

LUKASI 18:1

Lapatao̒ uito ti Isa lohungguli mao̒ pohumaya tuwau u longaajali to tahidudua̒ o-Lio alihu timongolio laito modua̒ wau diila mao̒ mopulito halaapani.

1 TIMOTIUS 2:8

Otohilaa lowatia alihu penu boli tou̒toonu kaumu mongo lolai̒ modua̒ mola wolo hilaa u mantali, diaaluo oyiyingo meaalo polo buutola.

YAKOBUS 5:16

Sababu uito, mamusi timongoli mongaa-ngaakua totala wau moduu-duua̒wa mola, alihu timongoli poo̒luli-Lio mai. Dua̒ lotaa umodudua̒ u otohilaa lo Allahu Taa̒ala okawasa daa̒.