PILOTIMUA̒TA 16:20 - KITABI HABARI MOPIOHE

²⁰ Bo dengolo lota towolota limongolio diila helo mandungi loi̒ya lei Musa. Timongolio debo lolahu olo ngotayadu lou̒ aalo boito. Loombulio mola malo ilaalo ua̒alo boito mai̒lo wulodu wau boboolo mohutodu; yi tei Musa maloingo olimongolio.

PILOTIMUA̒TA 16:20 ပူးပေါင်းရင်းမြစ်များ

PILOTIMUA̒TA 16:19

Ualei Musa ode limongolio, “Penu boli tatoonu diila mowali molahu ua̒alo boito penu bo ngoi̒di mao̒ ode u loombu.”

PILOTIMUA̒TA 16:21

Timii̒du dumodupo timongolio helo himoaa̒ ua̒alo boito ngodaata lou̒ palaluo limongolio, wau wonu dulahee mahe mopatu mai, ua̒alo u ilolabita tohuta boito humeheto.

PILOTIMUA̒TA 16:24

Oditolio ua̒alo u olebelio boito hetilahu limongolio ode u loombu mola debo odelo upilo malentao̒ lei Musa; ua̒alo boito diila lowali lobunuto wau diila lowali yilulodu.

YIA̒APO 12:3

Tei Musa yito taa udapa-dupapa daa̒ lohilao, mongilaboto lo ngoa̒amila taa u hitumula todunia botie.

YIA̒APO 16:15

Tei Musa loingo daa̒ wau loloi̒ya ode Eeya, “Yaa Eeya, ambunguolo diila mao̒ tolimowa dewo limongolio. Diila pee̒enta mao̒ watotia loo̒luhi penu boli ngotaa mao̒ limongolio; tumbao̒ penu boli kolodai tuwau diila pee̒enta mao̒ hilama lowatotia lonto olimongolio.”

MATIUSI 6:19

“Diila mao̒ pohimoa̒a halata ode batangamu todunia, tou̒toonu wale wau taato mowali mopolusa wau tamootao̒wa monao̒ mai motao̒ mao̒.

MARKUSI 10:14

Loo̒onto mao̒ sua̒li boito, ti Isa maloingo lapatao̒ Tio lotahuda ode tahidudua̒ o-Lio. “Hulia mao̒ tau̒kekeei̒ boito monao̒ mai ode ola-U̒! Diila mao̒ dinia timongolio, sababu taa debo odelo utieelo tamowali pongawaa̒ umati lo Allahu Taa̒ala.

MARKUSI 3:5

Wolo nahutu ti Isa lomilohe mota topali-Tio, bo Tio olo siluukali, sababu mailaba baaa̒ngi limongolio. Tulusi Tio lotahuda mao̒ ode tau boito, “Wudua mai uluu̒mu.” Tau boito lohudu mao̒ uluu̒lio, wau uluu̒lio loluli lomola.

LUKASI 12:15

Lapatio mao̒ totaa ngoa̒amila tawoluo teto, ti Isa lotahuda, “Poo̒daha-dahaalo mao̒ wau pou̒lintapolo mola, diila bolo timongoli mowali tamaa̒. Sababu tutumulo manusia diila tolomodu mohalapu to okokayalio, eleponu halataalio laba-labaalo daata.”

LUKASI 12:33

Potaliyalo milikimu wau wohia mota doilio ode taa mosikini. Pohutua mao̒ ode batangamu lohihilao dompeti udiila mowali moodulo, deu̒ito-yito halata u tilahu tosologa. Halata boito diila mowali mooli sababu tamootao̒wa diila mowali mohama wau wale olo diila mowali mopolusa mao̒.

EPESUS 4:26

Wonu timongoli moingo, diila mao̒ polulia oyiyingo boito moo̒sababu olimongoli odusa. Diila mao̒ poingo ngotupa lodulahu.

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”