PILOTIMUA̒TA 16:15 - KITABI HABARI MOPIOHE

¹⁵ Tou̒ taulo Isirai̒lu loo̒onto mota, diila ilotaawa limongolio wolo uito. Yi mahipo hihiintua timongolio ngota-timongota, “Wolo uito.” Lapatao̒ tei Musa loloi̒ya mao̒ ode limongolio, “Ui-uitolo ua̒alo uilohi mai lo Eeya ode limongoli.

PILOTIMUA̒TA 16:15 ပူးပေါင်းရင်းမြစ်များ

NEHEMIA 9:15

Tou̒ timongolio hepolaanga wau ilokulangia lo ua̒alo, roti lonto hulungo pilotuhutai lo Eeya. Wau lonto botu u loobuo̒, mototoheto wau moluwalo taluhee poluli totoa̒ngo pilopo tolohei lo Eeya wolo tolo-tolobulio. Ilahula lo Eeya timongolio lotihuloa̒a tohuta u pilodanti mai lo Eeya olio wolo tadia.

NEHEMIA 9:20

Wolo kawasa lo Eeya u mopiohu hepilate lo Eeya timongolio. Timongolio lolamelo manna wau longilu taluhu lotuuu̒delo mao̒.

JABURU 105:40

Timongolio helohile, tulusi pilopo dungga mai lo Eeya bilulu, timongolio yilohia lo Eeya roti lonto sologa tunggula lobutuhu.

JABURU 78:24

Eeya lopolaahei pale lonto sologa, manna duo̒lo ua̒alo limongolio.

PILOTIMUA̒TA 16:31

Ua̒alo boito ilunte manna lotau Isirai̒lu. Otanu debo odelo bili kekeei̒ lakulio moputio̒ wau lamitio debo odelo kuukusi upilohutu lomake hula lotiia̒.

PILOTIMUA̒TA 16:33

Tei Musa loloi̒ya mao̒ odelei Haruna, “Hamaalo mao̒ ulonga tuwau, wau tuangi mao̒ ngoi̒diilio manna dulo liiteri wau podutua mao̒ totalu lo Eeya u tahuwolo ode waliinto mai.”

PILOTIMUA̒TA 16:4

Tahuda lo Eeya odelei Musa, “Botia matuhuto-U̒ mai ua̒alo uleta-letaao̒ debo odelo didi ode limongoli ngoa̒amila. Timii̒du dulahu timongoli musi mohimoa̒ ua̒alo boito tutuuu̒delo mao̒ tou̒ ngohui. Wolo pohuli boito Wau̒ ohilaa motesi mai umati-U̒ alihu otaawa-U̒ mao̒ wolo timongolio modungohe totoonulalo palentaa-U̒ meaalo diila.

POHUMAYA 9:5

“Dulo molaasa mao̒ ua̒alou̒ wau molamitao̒ angguru maa pilohutuu̒.

YIA̒APO 21:5

wau helobiihu to Allahu Taa̒ala wau odelei Musa. Timongolio malo loi̒ya, “Yilongola Eeya malodelo mai olo mongowatotia yilumualao̒ lonto Masiri? Wolo mamomate olo mongowatotia mate-mateelo mao̒ tohuta datahu wau luasi udelita boite? Tewe diaaluo ua̒alo, wau boli uilumolo olo diaaluo. Mongowatotia diilalo mohuto wolo ua̒alo udiila olamita botie!”

LUKASI 12:30

Susuu-aliyaalo debo odelo uito heilapita lotaa diila motota lo Allahu Taa̒ala. Lebe-lebe pomao̒ otaawa lo Allahu Taa̒ala limongoli deu̒ timongoli palalu ngoa̒amilalo boito.

YAHYA 6:49

Tinenemoyamu lolamelo manna tohuta datahu u luasi daa̒ wau delita wau timongolio yilate olo.

YAHYA 6:58

Uti-utieelo roti u lotuhutai lonto sologa; diila debo odelo roti u pilolameli nenemoyamu. Sababu tou̒ malo lamelo roti boito, timongolio debo yilate olo. Bo taa u molamelo roti botie matumumulo ohiheo-hiheolo mao̒.”

1 KORINTUS 10:3

Timongolio ngoa̒amilalo helo lamela ua̒alo rohu u tutuuwauwa,

TINGULI 8:16

Tohuta luasi udelita Tio longohi mai manna utamelo limongoli, ua̒alo udiila otaawa linene moya limongoli. Eeya helohutu mai uito u mohimontala olimongoli wau mopodupapa hilaa limongoli, alihu to pulitio mao̒ Eeya moo̒hutu mai u mopiohe ode limongoli.

TINGULI 8:3

Tio lopoluli mao̒ olimongoli pola-polaango, lapatao̒ timongoli yilohia-Lio maana u mowali aaloolo. Timongoli wau loluuhuru limongoli diila pee̒enta mao̒ lolamela ua̒alo boito tou̒ dipo-dipolulio mai. Eeya helohutu mao̒ odito u mongaajali mai olimongoli deu̒ manusia diila bo tumumulo monto ua̒alo wambao̒, bo monto totoonulalo hitua-tuawua u pilotahuda mai lo Eeya.

IBRANI 9:4

Todelomo huwali leidaa̒ boito woluo mesba upilohutu lonto hulawa u pomobuwalo dupa, wau woluo olo Bulua Daantia u ngoa̒amilalo woluwolude wolo hulawa. Todelomo Bulua boito woluo ulongo hulawa tuatuanga roti maana, tunggudu lei Haruna umaa ilotumbingo, wau dulo pita botulei uitaatio tulatulade mopulo palenta monto Allahu Taa̒ala.

YOSUA 5:12

Todulahee boito olo manna diilalo lotuhutai lonto hulungo, wau taulo Isirai̒lu malo huheli lolamela manna. Tumulalo mao̒ tou̒ boito timongolio helo lamela ua̒lo tilapulo huta lo Kanaa̒n.

WAHI 2:17

Titaalo tita tamoo̒ dungohu, mamusi mopoo̒ tuoto wolo u tilahuda mai lo Rohullah to jajaa-maa̒alo! Timongolio tamoo̒haama, mapoluasiyo-U̒ molamela manna u tutuuo̒, wau ngota-ngota mamololimo monto ola-U̒ botu moputio̒ tuwau. To botu boito tulatulade tanggulo tuwau u bohu, udiila otaawa penu boli lotatoonu, ngopohia lotaa mololimo mao̒.”