PILOTIMUA̒TA 15:7 - KITABI HABARI MOPIOHE

⁷ Wolo odudaa̒a-Mu uleidaa̒ pilopo binasaa-Mu mao̒ ngoa̒amila tamo luwali ole-Mu. Omulukaa-Mu wali-walihuhu debo odelo tulu, wau lomobu olimongolio debo odelo laato.

PILOTIMUA̒TA 15:7 ပူးပေါင်းရင်းမြစ်များ

AYUBA 9:4

Allahu Taa̒ala boito aaripu daa̒ wau okawasa; tatoonu tamoo̒ taahangi moluwali to Eeya?

JABURU 148:13

Mopiohulo timongolio ngoa̒amila momuji mola tanggulo Eeya, sababu tanggulo Eeya lebe udaa̒ wolo totoonulalo tanggulo; odudaa̒ lo Eeya mongilabota hulungo wau dunia.

JABURU 59:13

Sababu timongolio ilodusa wolo loi̒ya limongolio; poluliaalo mao̒ timongolio otaala lo osombongi limongolio, sababu timongolio ohilaa molaa̒nati wau mohimbulo.

JABURU 68:33

Polahuwalo mola ode Allahu Taa̒ala, wuu ngoa̒amila yiladia, polahuwalo mola puji poloi̒laalo momuji ode Eeya,

JABURU 83:13

sababu timongolio maloloi̒ya, “Dulo huloa̒anto huta piloti biluloa̒ lo Allahu Taa̒ala.”

PILOTIMUA̒TA 14:27

Lapatao̒ tei Musa malo mintaaa̒ mola uluu̒lio odeitaato deheto wau tou̒ dulahu malobutu mai, taluhu longuli mai to owowoluwoalio ubohu-bohulio. Taulo Masiri helo tolopani u mopoa̒ahu lo batangalio, bo Eeya malo poa̒humo mola olimongolio ode delomo deheto.

PILOTIMUA̒TA 5:12

Yi malonao̒lo taulo Isirai̒lu lolontale ngoilanggubu huta lo Masiri helo himoa̒a laato.

PILOTIMUA̒TA 9:16

Bo timongoli hiluliya-U̒ mao̒ tumu-tumulo, alihu Wau̒ mowali mopo bilohei okokawasaa-U̒ to olemu, tilinggula tanggulu-U̒ mowali polu-polutuo̒ to ngoilanggubu dunia.

YESAYA 37:17

Yaa Eeya, potala poo̒tuotilo mai wolo u donggo todutoduo to mongowatotia. Dungohilo mai ngoa̒amila u polohina lei Sanherib to Eeya, Allahu Taa̒ala tatumu-tumulo.

YESAYA 37:23

Wolo otaawamu tatoonu tahe puwa-puwayoomu wau hehinaamu boito? Wau̒, Allahu Taa̒ala lo Isirai̒lu, Allahu Taa̒ala tamantali.

YESAYA 37:29

wau Wau̒ maloo̒ dungohe pasali lo oyiyingo wau osombongimu boito. Botia pilohuli-U̒ aito to wulingumu wau lesi to tunggilumu, alihu yio̒ dedeo̒o-U̒ mohualingo molibaya dalalo u pilolibayamu tou̒ odia mai.”

YESAYA 37:36

To hui boitolo malai̒kati lo Eeya leidungga ode piloti-kemaawa taulo Asyur wau helomate yila-yilateelo mao̒ ngohetuto walu lopulaa limo lolihu lota pajule. Loombulio mola didimodupo mimii-lateyaalo limongolio bolo helo pupuulepelo mao̒.

YESAYA 37:38

To dulahu tuwau, tou̒ tio donggo hemotabia todelomo kuili lo Dewa Nisrokh, tio pilatelio yila-yalateelo mao̒ lei Adlamelekh wolei Sarejer, mongo walai̒o talolai̒. Lapatao̒ uito timongolio tilumeteo̒ ode Ararat. Yi tei Esarhadon, walai̒o talolai̒ wewo, lowali olongia lobuulota wolio.

YESAYA 47:14

Bilohi, timongolio debo odelo laato u yilaalapo tulu; diila lowali timongolio lopoa̒ahu batanga lohihilao! Lei̒ito tulu malo odito patulio toli mongolio, diila tulu mopatu u potidengalo.

YESAYA 5:16

Bo Eeya Taa Laba-labaalo kawasa mopoilaalo mai odudaa̒a-Lio lou̒ mohutu wolo u otutu. Eeya mamopo ilaalo omantali-Lio lou̒ momutoo̒ bangusaa-Lio.

YESAYA 5:24

Timongoli malo potouli pongaajali lo Eeya Taa Laba-labaalo kawasa, wau helohina palenta lo Allahu Taa̒ala mantali lo Isirai̒lu. Sababu uito, debo odelo laato wau huo̒yota mohengu yilaahu todelomo tulu, odito olo wawaa-antumu mamowali mohutodu, wau bubuu-ngaamu mamowali mohengu wau mopulito hiipa lodupoto.

YEREMIA 10:6

Eeya tamolamahu, Eeya diila obandingilio, tanggulo Eeya udaa̒ wau polupolu lo kawasa.

MIKHA 4:11

Dadaata bangusa maa lotitia̒ambu u moluhu olemu, wuu Yerusalemu! Timongolio loloi̒ya, “Yerusalemu musi aantuluolo! Ami maa momilohe kota boito mowali tuodu!”

JAKARIA 14:3

Lapatao̒ Eeya mamomaju wau mopaatea moluwali babaa-ngusawalo boito, debo odelo u pilohutu-Lio tojamani muloololio mai.

JAKARIA 14:8

To dulahee boito, taluhu seehati matumolohe monto Yerusalemu; ngotayadu monto taluhee boito matumolohe ode Lau Mati wau ngotayadio poli ode Lau Tenga. Taluhee boito matumolohe ngohilayaa̒ lotaunu, mopio tosembo lodidi meaalo tosembo lo polodulahu.

JAKARIA 2:8

Tatoonu tamoluhu olimongoli, yi moluhu polantapo hilaa-U̒.” Yi Eeya Taa Laba-labaalo kawasa lopoa̒hu olaatia lopo tunggulao̒ tahuli botie ode babaa-ngusawalo tamalo lambata umati-Lio,

MALEAKHI 4:1

Tahuda lo Eeya Taa Laba-labaalo kawasa, “Mamei dungga dulahio ngoa̒amila taa sombongi wau moleeto tumbilalo debo odelo laato. To dulahee boito timongolio matumbilalo mopulito, wau diaaluo tao̒labita monto olimongolio.

MATIUSI 3:12

To uluu̒-Lio otiitihe polaapalo ngoa̒amila pale-Lio tunggula belesi. Pale maimoo̒-Lio ode delomo yibungo, bo ngoa̒amila taapo lopale mapobuo-Lio todelomo tulu udiila mowali mate.”

WUNGGULI LOMONGO RASULU 9:4

Tio lodehu lewumbade tohuta tulusi loo̒dungohe suala tuwau lotahuda mai olio, “Saulus, Saulus! Wolo sababuulio yio̒ mongalinaya ola-U̒?”

TINGULI 33:26

“Wuu Isirai̒lu! Diaaluo ila debo odelo Allahu Taa̒ala limongoli; Tio molibaya hulungo wolo ohohaama wau molapata toheengo u motulungi olimongoli.

TINGULI 4:24

sababu Eeya Allahu Taa̒ala limongoli debo odelo tulu umoo̒ pobu. Tio diila mohuto potutuu-wauwola penu boli loolo.

IBRANI 12:29

Sababu Allahu Taa̒alanto debo odelo tulu umoo̒pobu.