PILOTIMUA̒TA 15:26 - KITABI HABARI MOPIOHE

²⁶ Tahuda lo Eeya, “Podungohulo ola-U̒ lou̒ tio̒otutua, wau pohutualo wolo u oontonga-U̒ mopiohe; duduui̒lo ngoa̒amila palentaa-U̒. Wonu timongoli mohutu mao̒ odito, timongoli diila tahukuu-maniyo-U̒ wolo ngongoo-towaalo u podungga-U̒ ode taulo Masiri. Wau̒lo Eeya tamo poo̒luli olimongoli.”

PILOTIMUA̒TA 15:26 ပူးပေါင်းရင်းမြစ်များ

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 11:38

Wonu yio̒, debo odelo wato-U̒ tei Dauda, modungohe wolo lealeaatu lohilao to ola-U̒ boli tumumulo modudua̒ ngoa̒amila butoo̒o-U̒ butoo̒-U̒, wau moo̒sanangi hilaa-U̒ lou̒ moponao̒ ngoa̒amila upilo malentaa-U̒ mai olemu, yi Wau̒ mawolemu laito. Wau̒ mamo powali mai olemu olongia to Isirai̒lu. Wau̒ mamomanta deu̒ waliimu mola mamowali olongia lo Isirai̒lu mobuulota wolemu, tutuuwauwa debo odelo u mapilohutu-U̒ odelei Dauda.

OLUO MONGO OLONGIA 2:21

Lapatao̒ malonao̒ tei Elisa ode butu lotaluhu tulusi lolapi mao̒ watingo boito ode delomo taluhu wau loloi̒ya, “Uti-utieelo u tilahuda mai lo Eeya: ‘Wau̒ mopo tolango taluhee botie alihu diilalo moo̒sababu opopate meaambo eenggila!’ ”

OLUO MONGO OLONGIA 20:5

odelei Hiskia, olongia umati lo Eeya, wau lopo tunggulao̒ tahuli botie, “Wau̒, Eeya, Allahu Taa̒ala tahe tuboo lei Dauda loluuhurumu, malo dungohe dua̒amu wau loo̒onto ponumu. Wau̒ mamo poo̒luli mai olemu; ngoonu mola yio̒ mamonao̒ mota ode Bele-U̒.

OLUO MONGO OLONGIA 22:2

Tei Yosia helohutu uloo̒ sanangi hilaa lo Eeya. Tio loo̒baaya oli Olongia Dauda loluuhurulio, wau helo dungoheo̒ ngoa̒amila butoo̒ Allahu Taa̒ala wolo lealeaatu lohilao.

AYUBA 5:18

Sababu Allahu Taa̒ala tamopo ngongoto, Tio olo tamo hunemo. Wau uluu̒-Lio u momate, olo muli moponguli.

JABURU 103:3

Eeya talo ngambungu mai ngoa̒amila dusaamu, talo poo̒luli mai totoonulalo ngongotumu,

JABURU 147:3

Eeya mopoo̒luli taa uilooli obobuheli, wau momolobani pali limongolio.

JABURU 81:9

Dungohilo upilopo eelaa-U̒ mai, wuu umati-U̒, Isirai̒lu, humayaalio timongoli ohilaa modungohe ola-U̒!

PILOTIMUA̒TA 12:29

Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒.

PILOTIMUA̒TA 19:5

Botia wonu timongoli modungohe ola-U̒ wau tatapu molotolo hilao todaanti-U̒, timongoli mapo waliyo-U̒ umati-U̒ lohihilao. Ngoilanggubu dunia yito milikii-U̒, bo timongoli mamowali miliki tapilonu-U̒,

PILOTIMUA̒TA 19:6

tolomodu duo̒lo batanga-U̒ lohihilao, wau timongoli mamomaya ola-U̒ odelo mongo iimamu.”

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 23:25

Wonu timongoli molubo ola-U̒, Eeya Allahu Taa̒ala limongoli, timongoli maa balakatiya-U̒ mai wolo ua̒alo wau minumani, wau totoonulalo ngongoto mapo walahu-U̒ monto olimongoli.

YESAYA 55:3

Dungohilo, wuu bangusaa-U̒, ponao̒lo mai de Olau̒, timongoli mawohiya-U̒ tutumulo u tutuulio tutu. Domi ponu wau otatapu boli molotolo hilao u pilodanti-U̒ mai odelei Dauda, Wau̒ mopoo̒ toheetai danti ohiheo-hiheolo mao̒ woli mongoli.

YESAYA 57:18

Wau̒ maloo̒onto mai pii̒li limongolio, bo timongolio mapoo̒luli-U̒ mai olo. Wau̒ mamodelo wau motulungi mai olimongolio wau moliyanga taa u hisuukalia lohilao.

YEREMIA 11:7

Tou̒ Wau̒ lodelo loluuhuru limongolio yilumualai lonto Masiri, wolo mopatato wau moi̒laalo tutu Wau̒ lopoe̒elao̒ olimongolio alihu modungohe ola-U̒. Dilumutu to dulahee botie Wau̒ debo hemopo eelao̒ tulusi to umati-U̒ pasali losua̒li boito,

YEREMIA 17:24

Dungohilo ngoa̒amila palentaa-U̒. Diila mao̒ pomintaa̒a penu boli balangi wolo molibaya tohuhebu hulubangi lokota botie todulahu Saabati. Potolomodua mao̒, dulahu Saabati ode Olau̒, wau diila mao̒ pokalaja penu boli wolo todulahee boito.

YEREMIA 30:17

Penu boli musuumu moloi̒ya, ‘Sion matilapi, wau diaaluo tamo poo̒tuotao̒,’ bo timongoli mamuli pohutuwo-U̒ mai seehati, wau paapaalimu mawunemo-U̒.”

YEREMIA 33:6

Bo de Wau̒ mamoponguli mai owowoluwoa lokota botie wau ulipulio; timongolio mamuli molotolai. Wau̒ mamongohi mai olimongolio osalaamati wau u aamani udiilalo o eenggadelio.

YEREMIA 7:23

Wau̒ bo lomalenta olimongolio u modungoheo̒ ola-U̒ alihu Wau̒ mowali Allahu Taa̒ala limongolio, wau timongolio mowali umati-U̒. Wau̒ helopoa̒hu olimongolio tumumula modudua̒ ngoa̒amila palentaa-U̒ alihu timongolio sanangi tutu.

YEREMIA 8:22

Tingga mawolo u loo̒sababu tilinggula bangusa lowatia demai botia debo diipo loluli? Wolo to ngoilanggubu lo Gilead, diaaluo dokuteri wau wunemo?

YEHESKIEL 18:5

Humaya mao̒ woluo taa u mopiohu, aadili wau motulidu hale.

HOSEA 11:3

Lebe-lebe pomao̒ Wau̒ulo tahe longaajali Isirai̒lu lonao̒, wau talo loo̒opu mao̒ wolo odehu hilao. Wau̒ulo tahe loraawati olio bo tio diila mohuto motolongaku mao̒.

HOSEA 6:1

Tau-tauwalo Isirai̒lu loloi̒ya, “Dulo ito muli mohualinga ode Eeya. Eeyaalo talopo ngongoto olanto, bo Tio tamamo poo̒luli. Tio talomali olanto, bo Tio olo tamamo moloobani papaa-liinto.

IMAAMATI 26:13

Wau̒, Eeya Allahu Taa̒ala limongoli, talodelo olimongoli yilumualao̒ lonto Masiri alihu timongoli diilalo mowali wato. Okokawasa u helodeehe olimongoli mapilopo binasaa-U̒, wau timongoli pilopowali-U̒ taa ubeebasi.”

IMAAMATI 26:3

Wonu timongoli tumumulo moduduo̒ wuwuu-uduu-U̒ wau modungohe papaa-lentaa-U̒,

YIA̒APO 12:13

Yi malo ngiibode mola tei Musa ode Eeya, “Yaa Eeya, watotia momolohone, ambunguolo poo̒lulia mai tio!”

TINGULI 12:25

Wonu timongoli modungoheo̒ palenta boito, Eeya masanangi, wau timongoli wolo wali mola limongoli maa̒amani sontosa wau maa̒amulu.

TINGULI 12:28

Poo̒tuota mao̒ lou̒ mopiohu ngoa̒amila u mapilo malentai laatia ode limongoli, yi timongoli mohutu mao̒ u mopiohe wau motuhatawa ode Eeya Allahu Taa̒ala limongoli, tilinggula timongoli wau wali mola limongoli moa̒ahu wau aamani sontosa boli maa̒amulu u ohiheo-hiheolo mao̒.”

TINGULI 13:18

asali timongoli modungoheo̒ totoonulalo palentaa-Lio u potunggulai lowatia ode limongoli todulahee botie, wau mohutu mao̒ ngoa̒amila u kahandakio-Lio.”

TINGULI 28:27

Eeya mamo hukuumani mai olimongoli wolo boboo-heyaalo debo odelo u pilohutu-Lio totaulo Masiri. Wawai̒ mongoli mamopolu wolo ambalowuta wau kukudu u motohidu, bo diaaluo wunemio.

TINGULI 28:58

Wonu timongoli diila tatapu wau molotolo hilao modungohe ngoa̒amila butoo̒ lo Eeya Allahu Taa̒ala limongoli utula-tuladee todelomo buku botie wau diila mohulumati to Eeya Allahu Taa̒ala limongoli tau̒daa̒ wau moo̒linggolabu,

TINGULI 28:60

Ngongoo-towaalo moo̒tihela hapato u silakusia limongoli to Masiri mamei dungga ode limongoli, wau timongoli diila motapu loluli.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

TINGULI 7:15

Timongoli maduo̒la mai lo Eeya monto totoonulalo ngongoto wau powalahu-Lio monto totoonulalo baala u silakusia limongoli to Masiri, bo mowali mopolahi boito mapo dunggaa-Lio ode mumuu-suwaalo limongoli.