PILOTIMUA̒TA 15:22 - KITABI HABARI MOPIOHE

²² Lapatao̒ tei Musa lodelo bangusa lo Isirai̒lu lonto Gelaga lotidulunga ode huta udatahu wau luasi udelita lo Syur. Ngotilonggadu tolo hui mola timongolio hinao̒wa loli huta datahu wau luasi udelita diila loo̒dungga taluhu.

PILOTIMUA̒TA 15:22 ပူးပေါင်းရင်းမြစ်များ

ILOOWALI 16:7

Malai̒kati lo Eeya maloo̒ dungga oli Hagar totili butu lo taluhu tohuta datahu wau luasi udelita, to dalalo udulu-dulunga ode huta datahu wau luasi udelita lo Sur.

ILOOWALI 20:1

Tei Abraham malo limbata lonto Mamre ode wimbihu huliaalio huta lo Kanaa̒n, wau lotitatapu to wolota lo Kades wau Syur. Dengolo wakutu mola lapatio mao̒, tou̒ tio lotibiluloa̒ to Gerar,

ILOOWALI 25:18

Waliilio mola bilu-biluloa̒ to wolota lomadala Hawila wau Syur to ambahu tiimuru lo Masiri ode mantahu Asyur. Timongolio hitumula lobua̒ wolo wali mai lei Abraham uwewo.

JABURU 136:16

Tilau̒wa lo Eeya umati-Lio lolibaya huta datahu wau luasi udelita; ponu lo Eeya ohiheo-hiheolo mao̒ diila opulitio.

JABURU 77:20

Eeya monao̒ molibaya buo̒olo, monao̒ mobalango auhu, bo baa̒to Eeya diila oontonga.

JABURU 78:52

Lapatao̒ Eeya lotitau̒wa to umati-Lio debo odelo himbala lo himba, wau helodelo olimongolio lolibaya tohuta datahu wau luasi udelita.

JABURU 78:53

To delomo totau̒wa lo Eeya timongolio aamani wau diila yiloohe, hiambola musu limongolio loa̒humo todeheto.

PILOTIMUA̒TA 17:1

Lapatao̒ ngoilanggubu umati lo Isirai̒lu lololaa mao̒ huta udatahu wau luasi udelita Sin wau limbatao̒ limbatao̒ lonto tambati tuwau ode tambati uwewo debo odelo pilo malentao̒ lo Eeya. To wakutu tuwau timongolio lotitikema to Rapidim, bo mota teto diaalu taluhu u yilumolo.

PILOTIMUA̒TA 3:18

Umati-U̒ mamo dungohe loi̒yamu. Lapatao̒ yio̒ pee̒-pee̒enta wolo mongo tau̒wa lo Isirai̒lu musi monao̒ mola motaalua woli olongia lo Masiri wau moloi̒ya mao̒ olio: ‘Eeya, Allahu Taa̒ala taulo Ibrani malei dungga mai lopobilohe batanga to olamiaatia. Botia poluasia mai amiaatia monao̒ ngoilaminga tolo hui lononao̒ ode huta udatahu wau luasi udelita u mopodewo bake ode Eeya, Allahu Taa̒ala lamiaatia.’ ”

YIA̒APO 33:8

Lapatao̒ timongolio lololaa mao̒ Pi-Hahirot, malo balango deheto wau tilumuota ode huta datahu auhu delita lo Etam; lapatio mao̒ tolo hui mola to nonao̒, timongolio lotikema to Mara.

BOHULO SEMUEL 15:7

Lapatao̒ uito tei Saul helo paatea wolo taulo Amalek, lopoo̒laaheo̒ olimongolio to ngohilayaa̒ lo dalalo lonto Hawila demola Syur to ambahu tiimuru lo Masiri.

BOHULO SEMUEL 27:8

Ngotilonggadu maasa boito tei Dauda wau tahidudua̒ olio laito hemoluhu taulo Gesur, taulo Girji, wau taulo Amalek; babaa-ngusawalo boito malohiiheo hibiluloa̒wa tomadala boito. Tio heloluhu ode huta boito ngoilaminga lo Sur, wau tulusi ode Masiri.