PILOTIMUA̒TA 15:21 - KITABI HABARI MOPIOHE

²¹ Ti Miriyama lopolahu mola ode limongolio, “Polahualo mola duo̒lo Eeya, sababu Tio maloo̒haama wolo polu-polutoo̒. Ngoa̒amila wadala wau jokilio pilomahu-Lio ode delomo deheto.”

PILOTIMUA̒TA 15:21 ပူးပေါင်းရင်းမြစ်များ

OLUO LO SAMUEL 1:20

Pohileaala dua̒ tau-tauwalo Gat diila moo̒dungohe habari boito. Pohileaala dua̒ huhuu-lupiwaalo Askelon diila moo̒tapu habari pasali leeto. Diila bolo taabua lo Pilistin mongua-nguatio̒ wolo meengahu diila bolo taabua kaapiru lame motingalao̒.

OLUO LO SAMUEL 6:14

Lapatao̒ tei Dauda helo ngelu-ngelungo wolo lealeaatu lo sumangati u mohurumati to Eeya. Tou̒ boito tio bo pakepake palipa limbulimbu lo lineni u pilopo bintolo to wohutalio.

JABURU 76:6

Tau-tauwalo tahi buhelia mailambatio; timongolio leituluhu wau diilalo loo̒ bongu mai. Mongo pajule tahi lootola boli buheli daa̒ mai̒loolia lo olootolio.

PILOTIMUA̒TA 15:1

Lapatao̒ tei Musa wau tau-tauwalo Isirai̒lu helo polahu mola lahu botie u lomuji Eeya, “Wau̒ ohilaa mopolahu mola duo̒lo Eeya, sababu Tio maloo̒haama wolo polu-polutuo̒. Ngoa̒amila wadala wau jokilio pilomahu-Lio mola ode delomo deheto.

PILOTIMUA̒TA 15:4

Suludadu lo Masiri wau ngoa̒amila kaletaalio pilomahu-Lio ode delomo deheto. Mongo polowila talaba-labaalo molotolo helo ahumo to Deheto Gelaga.

WAHI 14:3

Totalu tambati huhuloa̒ li olongia wau opato mahaluku wau mongo tau̒wa topalito lotambati huhuloa̒ li olongia boito, ngohetuto lihu wopato hetuto wopato pulaa patolota boito hipolahua mola lahu tuwau ubohu. Lahu boito penu boli tatoonu diila mowali mopoo̒laatao̒ ngopohia lo ngohetuto lihu wopato hetuto wopato pulaa patolota boito tamaa yilopato lonto dunia.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.

MONGO HAKIMU 5:3

Dungohilo mai wuu mongo olongia wau walai̒ olongia, wau̒ mopolahu mola ode Allahu Taa̒ala lo Isirai̒lu, deu̒yito-yito Eeya.

BOHULO SEMUEL 18:6

Tou̒ tei Dauda lohualingai lapatao̒ lopoo̒laaheo̒ olei Goliat taulo Pilistin boito, wau mongo pajule hibaalisia tilumuwota ode delomo kota, yi mongobua yilumualai lonto ngoa̒amila kota to Isirai̒lu mai lolutulao̒ oli Olongia Saul. Timongolio lopolahu mola lalaa-huwaalo u moe̒engahe, wau elungao̒-elungao̒ wolo hemolaa̒apa rabana wau hemo poitohe kocapi.

BOHULO SEMUEL 18:7

Sambela elungao̒-elungao̒ mongobua hipolahua mola odie, “Tei Saul malomate yila-yilateelo mao̒ helihu-lihua musu, bo tei Dauda hepulu-pulua lolihu.”