PILOTIMUA̒TA 15:20 - KITABI HABARI MOPIOHE

²⁰ Lapatao̒ ti Miriyama, ngotaalio lo nabia titaata lei Haruna lohama mai rabanaalio, wau ngoa̒amila mongobua helo dudua̒ lolaa̒pa rabana wau longelungo.

PILOTIMUA̒TA 15:20 ပူးပေါင်းရင်းမြစ်များ

ILOOWALI 31:27

Yilongola yio̒ helo himbulo olau̒ wau lonao̒ lou̒ poo̒-poo̒oyo? Wonu humayaalio yio̒ helohintu, tantulo mao̒ wau̒ mamopo luasi olemu monao̒ wolo hilaa sanangi wau tunutunuhe lolahu, muusiki rabana wau kocapi!

OLUO LO SAMUEL 1:20

Pohileaala dua̒ tau-tauwalo Gat diila moo̒dungohe habari boito. Pohileaala dua̒ huhuu-lupiwaalo Askelon diila moo̒tapu habari pasali leeto. Diila bolo taabua lo Pilistin mongua-nguatio̒ wolo meengahu diila bolo taabua kaapiru lame motingalao̒.

OLUO LO SAMUEL 6:14

Lapatao̒ tei Dauda helo ngelu-ngelungo wolo lealeaatu lo sumangati u mohurumati to Eeya. Tou̒ boito tio bo pakepake palipa limbulimbu lo lineni u pilopo bintolo to wohutalio.

OLUO LO SAMUEL 6:16

Tou̒ Bulua boito donggo delodelo pilopo tuwoto ode delomo kota, ti Mikhal puusili lei Saul lotitulo mota lonto tutuloa loo̒onto oli Olongia Dauda tayangao̒-tayangao̒ wau elungao̒-elungao̒ hemo hurumati to Eeya, wau ti Mikhal lolaasa lolonuo̒ loo̒onto olei Dauda.

OLUO LO SAMUEL 6:5

Tei Dauda wolo ngoilanggubu bangusa lo Isirai̒lu hinao̒wa totalu lo Bulua boito sambela hipongelu-ngelungawa lou̒ tio̒opatea wau hipolahu-lahua mola u mohurumati to Eeya. Timongolio hipoitohe kocapi, gaambusi, rabana, taa̒apo, wau simbali.

OLUO MONGO OLONGIA 22:14

Yi malonao̒ tei Hilkia, Ahikam, Akhbor, Sapan wolei Asaya helohile potuhata totaabua ngota tai̒lunte Hulda. Tio ngotaalio lonabi tabilu-biluloa̒ to kambungu bohu to Yerusalemu. Dilelio tai̒lunte Salum walae̒e Tikwa, wombu lei Harhas; tio tamoo-ngulusia pakeyangi lo ibaadati to Bele lo Eeya. Tou̒ ti Hulda loo̒dungohe tombangi mongolio,

BOHULO TAWARI 15:16

Tei Dauda olo helo poa̒hu mongo tau̒wa lotau-tauwalo Lewi boito alihu mongohi mao̒ tuugsi ode dengolo lota monto suku limongolio u mopolahu mola wau mopoitoheo̒ lalaa-huwaalo moe̒engahu to kocapi wai simbali limongolio.

BOHULO TAWARI 6:3

Tei Amram owalao̒ talolai̒ duulota, deu̒yito-yito tei Haruna wolei Musa, wau ngotaalio walao̒ taabua, deu̒yito-yito ti Miryam. Tei Haruna owalao̒ talolai̒ wopatota: tei Nadab, Abihu, Eleajar wolei Itamar.

NEHEMIA 6:14

Wau̒ lodua̒ mola, “Yaa Allahu Taa̒ala, ambunguolo eelailo mai wolo u pilohutu lei Tobia wolei Sanbalat boito. Ambunguolo hukumaniyalo mai timongolio! Odito olo ti nabiah tai̒lunte Noaja wau mongo nabi wewo tao̒hilaa hemopo oohe olo watotia.”

JABURU 149:3

Pujiaalo mola tanggulo Eeya wolo elungo boli elungo, pujiaalo mola Eeya wolo kocapi wau rabana!

JABURU 150:4

Pujiaalo mola Eeya wolo rabana wau elungo boli elungo, pujiaalo mola Eeya wolo kocapi wau tulali.

JABURU 30:11

Dungohilo mai, yaa Eeya, wau ponualo mai watotia. Yaa Eeya tulungialo mai, watotia!”

JABURU 68:11

Lapatao̒ umati lo Eeya helo tibiluloa̒ mola teto; todelomo opopiohu Eeya, yaa Allahu Taa̒ala, Eeya lolaalao̒ taa mosikini.

JABURU 68:25

Ngoa̒amila moo̒onto pawai ohohaama lo Eeya, yaa Allahu Taa̒ala, Allahu Taa̒ala lowatia, olongia lowatia, hedilepito lotaa dadaata ode tambati potibiluloa̒-Lio.

JABURU 68:26

To talu hinao̒wa tahi poolahua, towulea tahi poitoohea kocapi; to huungio mongo dulahu tamoolaa̒pa rabana; odieelo mola lahu limongolio:

JABURU 81:2

Polahualo mola puji poloi̒laalo momuji ode Allahu Taa̒ala, olootolonto, potingalao̒lo mola wolo wengahu ode Allahu Taa̒ala lei Yako.

PILOTIMUA̒TA 2:4

Ti taata lo tau̒nge boito tihu-tihulo molaminga mota ngopee̒ lonteeto u momilohe bolo wolo u mamotoduo mai ode tawali-yaliilio.

TAMOO-HUTUBAWA 3:4

Allahu Taa̒ala lolantu mai wukutu u humoyongo wau wakutu u moi̒ii̒, wakutu u mohilimuta wau wakutu u mongelungo,

YEREMIA 31:4

Bangusaamu mapowaliyo-U̒ laito otilapulo debo odelo muloololio mai. Pee̒entapo timongoli mamohama rabana, wau mongelungo wolo wengahu.

MIKHA 6:4

Timongoli madilelo-U̒ yilumualao̒ lonto Masiri, wau yilopato-U̒ monto polowato; Wau̒ malolao olei Musa, Haruuna, wau Miriyama u modelo olimongoli.

YIA̒APO 12:1

Tei Musa malohama taabua ngota lo Kus lowali dilelio, wau sua̒li boito lowali alaasani li Miriyama wolei Haruna u helo hentea̒ olei Musa.

YIA̒APO 12:2

Uali mongolio mao̒, “Wolo bo motimbulude olei Musa wamabao̒ Eeya motahuda mai? Wolo diila motimbuludei olanto olo Eeya motahuda mai?” Ilodungohe lo Eeya wolo uiloi̒ya limongolio.

YIA̒APO 20:1

Todelomo hulalo bohulio taulo Isirai̒lu leidungga mola tohuta datahu wau luasi udelita lo Jin wau lotibiluloa̒ to Kades. Ti Miryama yilate wau yilobungio mota teto.

YIA̒APO 26:59

Tei Amram lonika woli Yokhebed, walae̒e Lewi. Ti Yokhebed boito pilotutu to Masiri. Tei Amram woli Yokhebed owalao̒ talolai̒ duulota: tei Haruna wolei Musa, wau taabua ngota, ti Miryama.

LUKASI 2:36

Woluo olo ngotaalio lonabi taabua tamaa panggola daa̒. Tanggulio ti Hana, walae̒e Panuel, lonto suku Aser. Tou̒ mapitu lotaunu mola lonika mao̒,

WUNGGULI LOMONGO RASULU 21:9

Wopatota walai̒o mongo dulahu mailohia lo Allahu Taa̒ala u mambo mopohabari habari monto Allahu Taa̒ala.

1 KORINTUS 11:5

Wau wonu taabua ngota tou̒ modua̒ meaalo tou̒ mopo tunggulo habari monto Allahu Taa̒ala totalu lotaa dadaata, diila momake tau̒bu lunggongo, yi taabua boito mohina dilelio talowali tau̒wa to batangalio. Uito tutuuwauwa wambao̒ debo odelo lunggongo taabua boito maa iluluhelio.

1 KORINTUS 14:34

mongobua musi motipoo̒yo to dudunggaya lojamaa̒. Timongolio diila luasialio mobisala. Timongolio diila mowali modihu tau̒wa; uito motuuu̒de wolo butoo̒ lo agama.

MONGO HAKIMU 11:34

Tou̒ Yepta luli lohualinga ode Mispa, walai̒o tadulahu mai lolutulao̒ olio wolo elungo sambela hemo laa̒apa rabana. Uitolo walai̒o tatuwa-tuwaulo.

MONGO HAKIMU 21:21

wau potidaha-dahaalo mota teto. De wonu mongo dulahu lo Silo lumualai u mongelungo ngotilonggadu lameyangi timii̒du taunu ode Eeya, yi timongoli musi lumualao̒ lonto ii̒i-lengiyalo angguru boito. Lapatao̒ ngota-ngota musi moheu̒upao̒ tadulahu ngota towolota limongolio wau mopotetea̒ ode madala lei Benyamin u powaliyola dilemu.

MONGO HAKIMU 4:4

Tomaasa boito taatau̒-tau̒wa to Isirai̒lu yito ngotaalio lonabi taabua tai̒lunte Debora, dile lei Lapidot.

BOHULO SEMUEL 10:5

Lapatao̒ uito yio̒ musi monao̒ mola ode huludu lo Allahu Taa̒ala to Gibea, tambati pilo tikemawa taulo Pilistin. To huhebu potuwotalo ode kota yio̒ mamolaawode wolo ngopoa̒mbua nabi u molaahei monto huludu pobakeyalo. Timongolio mongelu-ngelungo wau hiwuwa-wuwaatia̒, hemoitohe gambusi, rabana tulali wau kocapi.

BOHULO SEMUEL 18:6

Tou̒ tei Dauda lohualingai lapatao̒ lopoo̒laaheo̒ olei Goliat taulo Pilistin boito, wau mongo pajule hibaalisia tilumuwota ode delomo kota, yi mongobua yilumualai lonto ngoa̒amila kota to Isirai̒lu mai lolutulao̒ oli Olongia Saul. Timongolio lopolahu mola lalaa-huwaalo u moe̒engahe, wau elungao̒-elungao̒ wolo hemolaa̒apa rabana wau hemo poitohe kocapi.