PILOTIMUA̒TA 15:19 - KITABI HABARI MOPIOHE

¹⁹ Tou̒ taulo Isirai̒lu helo balango deheto, timongolio lonao̒ to wamoi̒o u mohengu. Bo tou̒ kakaa-letaalo Masiri wolo wadala wau jokilio tilumuwota mola ode delomo deheto, Eeya lohutu mao̒ taluhio luli tilumolohe tilinggula timongolio yilumoduo̒.

PILOTIMUA̒TA 15:19 ပူးပေါင်းရင်းမြစ်များ

POHUMAYA 21:31

Eleponu polotuuhua powimumutolo wolo wadala popaatea, tamolantu ohohaama yito Eeya.

YESAYA 43:17

Eeya lopoa̒hu suludadu wau mongo polowilalio lopaatea, wau timongolio lomaju wolo kaleta owadala. Bo timongolio lodehu, diilalo loo̒ bongu, timongolio yilate debo odelo tumbu u yilate.

IBRANI 11:29

Sababu o iimani, yi tau-tauwalo Isirai̒lu lowali lobalango to Auhu Meela, debo odelo timongolio lononao̒ toitaato huta u mohengu, hiambola tau-tauwalo Masiri loa̒humo tiloloolo lo auhe boito, tou̒ timongolio lohimontala lobalanga olo.

YOSUA 4:23

Wunggulia mao̒ olimongolio deu̒ Eeya Allahu Taa̒ala limongoli helo pohengu taluhu Dutulaa Yordan boito ode limongoli tunggula timongoli ngoa̒amilalo leidungga mota ode ngotuali, tutuuwaua debo odelo Tio helo pohengu Lau Gelaga ode olami,