PILOTIMUA̒TA 15:18 - KITABI HABARI MOPIOHE

¹⁸ Yio̒lo Eeya, Olongia, tamo malenta ohiheo-hiheolo mao̒.”

PILOTIMUA̒TA 15:18 ပူးပေါင်းရင်းမြစ်များ

ILOOWALI 21:33

Lapatao̒ tei Abraham lopomulo mai ayu tamariska ngobungo to Bersyeba wau tumulalo mai tou̒ boito tambati boito pilomakelio u hepo lubowalo to Eeya, Allahu Taa̒ala tao̒ hiheo-hiheolo mao̒.

JABURU 10:16

Eeya hemomalenta u ohiheo-hiheolo mao̒; babaa-ngusawalo tadiila motota to Eeya mamooli monto huta lo Eeya.

JABURU 146:10

Eeya boito Olongia u ohiheo-hiheolo mao̒. Wuu Sion, Allaahu Taa̒alamu okawasa ngotilonggadu totoonulalo massa ngohetuto taunu. Pujiaalo mola Eeya!

JABURU 29:10

Eeya okawasa toitaato taluhee daa̒, Eeya okawasa odelo Olongia u ohiheo-hiheolo mao̒.

JABURU 9:8

Eeya momalenta u ohiheo-hiheolo mao̒; Eeya helo potihula tambati huhuloa̒ lo Eeya u momutoo̒ dunia.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

DANIALI 2:44

To maasa pamalenta lomongo olongia boito, Allahu Taa̒ala tosologa mamo potihulai yilaidia tuwau u mamoo̒ taahangi ohiheo-hiheolo mao̒ wau udiila tao̒laahe penu boli lobangusa toonu. Yilaidia boito mamopo antulu-antuluulo mao̒ totoonulalo yilaidia uwewo boito.

DANIALI 4:3

Donggo boli udaa̒ muu̒jijati u pilohutu-Lio! Donggo boli polutuo̒ u moo̒linggolabe u pilohutu-Lio! Allahu Taa̒ala mamowali olongia u ohiheo-hiheolo mao̒. Tio okawasa mololaalaaita.”

DANIALI 7:14

Tio yilohia ohulumati wau okokawasa odelo olongia, tilinggula tau-tauwalo monto totoonulalo bangusa, suku bangusa wau bahasa momaya olio. Okokawasaalio mamoo̒ taahangi ohiheo-hiheolo mao̒, pamalentaalio diila tapo wulidulo.

DANIALI 7:27

Kawasa wau odudaa̒ lo totoonulalo yilaidia todunia mawohilio ode umati lo Allahu Taa̒ala Taa Laba-labaalo molanggato. Kawasa limongolio u momalenta diila tamo pulito wau ngoa̒amila takawa-kawasa todunia mamotiwato toli mongolio wolo modungohu.”

MATIUSI 6:13

Diila mao̒ polulia mai mongowatotia oolia lo palacaya tou̒ mongowatotia yimontalalio bo lopatalo mai mongowatotia monto kawasa lo Ibilisi. [Eeyaalo Olongia tao̒kawasa wau molamahu u ohiheo-hiheolo mao̒. Amien.]’

TINGULI 33:5

Tou̒ Isirai̒lu moa̒mbuwa wolo mongo tau̒waalio, Eeya mowali Olongia to umati-Lio.”