PILOTIMUA̒TA 15:16 - KITABI HABARI MOPIOHE

¹⁶ Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

PILOTIMUA̒TA 15:16 ပူးပေါင်းရင်းမြစ်များ

ILOOWALI 35:5

Tou̒ tei Yako wau polemboa̒ ngaalaa̒lio lomonggato, Allahu Taa̒ala lohenggubei ulipu lo kokoo-tawaalo totili wolo laasa moohe, tilinggula timongolio diila helo hunuhe olei Yako wau polemboa̒lio.

OLUO LO SAMUEL 7:23

To ngoilanggubu dunia diaaluo bangusa debo odelo bangusa lo Isirai̒lu. Bangusa lo Isirai̒lu tuwa-tuwaulio bangusa tamaa yilopatai lo Eeya lonto polowato u lowali umati-Mu lohihilao. Ngoa̒amila huhutu leidaa̒ wau moo̒linggolabu u pilohutu mai lo Eeya odeli mongolio, helohutu mao̒ tanggulo Eeya masa-masaahuru to ngoilanggubu dunia. Babaa-ngusawalo wewo wolo dedee-waalo limongolio mapilo polahi lo Eeya tou̒ umati-Mu lomaju helopaatea.

JABURU 105:38

Taulo Masiri ilodungga lou̒ laasa moohe wau tlimie̒ela hapato, oditolio timongolio silanangi tou̒ taulo Isirai̒lu malo monggato.

JABURU 74:2

Eelailo mai umati lo Eeya tatilulaoto Eeya tumulalo muloololio mai, bangusa tailopato lo Eeya alihu mowali miliki lo Eeya. Eelailo Huludu Sion, u poliwali lo Eeya tambati biluloa̒ lo Eeya.

JABURU 89:14

Malo odito udaa̒ kawasa lo Eeya, wau malo odito polu-polutuo̒ olootolo Eeya!

PILOTIMUA̒TA 11:7

Bo towolota bangusa lo Isirai̒lu, mopio manusia meaalo bibiahu diila tapuyuwolo. Yi timongoli mamotota mao̒ deu̒ Wau̒, Eeya, mopo hiheedeo̒ wolota taulo Masiri wau taulo Isirai̒lu.’ ”

PILOTIMUA̒TA 15:13

Dilelo-Mu bangusa tamaa piloa̒ahu-Mu botie, sababu Yio̒ tatapu wau molotolo hilao todanti-Mu. Wolo olootolo leidaa̒ timongolio diluo̒lo-Mu, wau dilelo-Mu ode huta-Mu u mantali.

PILOTIMUA̒TA 15:5

Timongolio tiloloolo deheto u modelomo, wau debo odelo botu lolaahe mola ode wamoi̒o.

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

PILOTIMUA̒TA 18:8

Tei Musa helo hungguli mao̒ ode tiyamo moluhengio totoonulalo upilohutu lo Eeya odeli olongia wau bangusa lo Masiri u lopoa̒ahu taulo Isirai̒lu. Tio olo lohungguli mao̒ olio pasali totoonulalo loe̒epita utilalua lo bangusa Isirai̒lu tohuungo dalalo, wau woloolo mola Eeya helo poa̒ahu mao̒ olimongolio.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 23:20

“Wau̒ mamolao mai malai̒kati-U̒ meimulo limongoli u moduo̒la olimongoli todelomo nonao̒ wau modelo olimongoli ode tambati u podapato-U̒.

PILOTIMUA̒TA 23:22

Wonu timongoli modungohe olio wau mohutu mao̒ totoonulalo upilo malentaa-U̒, Wau̒ mamopaatea moluwali ngoa̒amila musumu.

PILOTIMUA̒TA 23:27

Babaa-ngusawalo tanao̒o mai limongoli mapo hutuwo-U̒ moohe ola-U̒; timongolio mapo waliyo-U̒ mao̒ ambulati, ngoa̒amila musumu mamuli mobale wau tumeteo̒.

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

YESAYA 51:10

Eeya olo talo pohengu deheto, taluhu lo auhee daa̒ u modelomo. Eeya lohutu dalalo loli taluhu boito, alihu tau-tauwalo tahe piaahu moo̒ balango.

YESAYA 63:12

Tou̒toonu Eeya tapee̒-pee̒enta wolei Musa wolo uluu̒-Lio u molotolo boli buheli daa̒, wau lomutaa̒a taluhu totalu limongolio alihu tanggu-Lio meimasahuru ohiheo-hiheolo mao̒?

YEREMIA 31:11

Umati lo Isirai̒lu mapiloa̒ahu-U̒, wau yilopato-U̒ lonto bangusa tamolotolo.

WUNGGULI LOMONGO RASULU 20:28

Mamusi timongoli modaha batanga wau dahai mao̒ olo ngoa̒amila jamaa̒ u mailudu mai lo Rohullah olimongoli upei̒ dahaa-Lio; sababu timongoli mapiludu-I̒o lowali tamoo-ngimatoa jamaa̒ lo Allahu Taa̒ala boito debo odelo diti hemodaha himbalio, sababu Allahu Taa̒ala malo powali mai jamaa̒ boito milikii-Lio lohihilao lotimbulude to ilopate lo Wala-I̒o lohihilao.

TINGULI 11:25

To ngoilanggubu lipu boito Eeya Allahu Taa̒ala limongoli mamohutu mao̒ tau-tauwala moohe toli mongoli debo odelo u pilodanti-Lio mai tilinggula diaaluo penu boli ngotaa mao̒ tamoo̒ bubula olimongoli.

TINGULI 2:25

Tumulalo mai todulahee botie Wau̒ mamohutu mao̒ olimongoli penu boli tou̒toonu oohe lo babaa-ngusawalo. Timii̒du tau mahumehela moohe wonu moo̒dungohe pasali olimongoli.’ ”

TINGULI 2:4

Lapatao̒ Eeya lopoa̒hu mai olaatia mongohi popoo-tuhatawalo botie ode limongoli, ‘Diilalo mohiheo timongoli matumuwota ode lipu lo Edom, madala lomongo wutati mongoli, wali lei Esau. Timongolio mamoohe to olemu,

TINGULI 32:6

Wolo mao̒dito timongoli momaalasi opopiohu Eeya, wuu tau-tauwalo hihuulode wau diila o aakali? Diila maa Tio ti Paapamu, talopowali olemu, tahe lopowali olimongoli bangusa tuwau?

TINGULI 32:9

Bo wali mai lei Yako botie tilulaoto Eeya duo̒lo batanga-Lio lohihilao.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

YOSUA 2:9

wau loloi̒ya mao̒ olimongolio, “Otaawa lowatia deu̒ Eeya malohudu mai lipu botie ode limongoli. Ngoa̒amila taatewe moohe olimongoli.

YOSUA 4:24

alihu ngoa̒amila taa todunia motota deu̒ donggo boli udaa̒a-Lio kawasa lo Eeya. Wau lou̒ odito timongoli mamo hulumati to Eeya Allahu Taa̒ala limongoli u ohiheo-hiheolo mao̒.”

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

2 PETRUS 2:1

Tou̒ yilalu mao̒ towolota umati lo Allahu Taa̒ala mailumeneto mongo nabi paluti. Odito olo to wolotamu malumenetai guguu-ruwaalo paluti. Timongolio mamopo tuwotai totoonulalo pongajali udiila otutu, umoo̒ binasa tau. Wau timongolio mamomaahu tao̒kawasa tamalo pobebasi olimongolio. Lou̒ odito timongolio mopodungga mai obobinasa tobatanga lohihilao, u mamodeehe olimongolio lou̒ molamemeto.

BOHULO SEMUEL 2:9

Taa tatapu wau molotolo hilao laito aamani todelomo poloduo̒lo Eeya. Bo tau moleeto moa̒ntulu wau binasa todelomo udiila botie mobaango wau modio̒loma daa̒. Lotolo hihilao diila mowali pomangga, olootolo manusia diila mongohi ohohaama.

BOHULO SEMUEL 25:37

Dumodupio mola, tou̒ tei Nabal diilalo huwohuwoo̒, bolo dilelio lopoo̒taa mao̒ olio tomimbihu ngoa̒amila ololeeto boito. Lapatao̒ tei Nabal ilongongota loputu wau ngangaawaa̒lo mao̒ malo bualodu wau didu mowali monao̒.