PILOTIMUA̒TA 15:14 - KITABI HABARI MOPIOHE

^14-15 Babaa-ngusawalo modungohe olio wau hulu-huluhelio; taulo Pilistina wau mongo tau̒wa lo Edom logeegeri. Taulo Moab tamolotolo boli buheli daa̒ hulu-huluhee moo̒ohuu̒, taulo Kanaa̒n ohilaa kikiio.

PILOTIMUA̒TA 15:14 ပူးပေါင်းရင်းမြစ်များ

BOHULO TAWARI 14:17

Yi malo masaahuru lomola tanggulei Dauda to utoonulalo mao̒, wau Eeya helohutu mai totoonulalo bangusa moohe olei Dauda.

JABURU 48:6

Bo loo̒onto huludu boito, timongolio lolinggolabu; timongolio tilumehela hapato wau tilumeteo̒ hilingua.

JABURU 48:7

Mola teto timongolio hilumehela yiloohe wau yilongongoto, debo odelo taabua tao̒hilaa mopotutu mai,

YESAYA 14:29

Wuu bangusa lo Pilistin, ayu pongokoo̒ u pilomake helomate olemu maloboli. Bo yio̒ diila mao̒ potiwengahu, sababu wonu tulidu tuwau mate, tulidu ulebe moleetao̒ poli monao̒ mai mobuulota wolio, wau putito tulidu momota mai naha opolipio̒.

YESAYA 14:31

Pohiyangolo wolo lapali usuukali lohilao, wua ponguatio̒lo mei̒ tuulungi, wuu kokoo-tawaalo Pilistin! Maamusi timongoli ngoa̒amila mobuluhuta daa̒ lou̒ moohe! Heengo peaahuo̒ mohubulo monto tilayo tuotio podudungga mai pasuukani lomusu; diaaluo tamoo-duitowa towolota limongolio.

YESAYA 23:5

Tumbao̒ boli taulo Masiri olo mao̒ohea wau rame daa̒ wonu modungohe deu̒ Tirus mapilo binasa.

YEHESKIEL 32:9

Tou̒ Wau̒ mopo loladeo̒ habari pasali lo oa̒antulumu to lilii-puwaalo u diipo otaawamu, dadaata bangusa mamowali moohe.

HABAKU 3:6

Wonu Eeya mohuheli, dunia hulu-huluhelio; wonu Eeya momilohe, babaa-ngusawalo geegeri. Huhuu-ideyaalo u ohiheo-hiheolo mao̒ mobubuutaa̒; huhuu-luduwaalo u ohiheo-hiheolo mao̒ olo motiwopa, to huhuu-luduwaalo boitolo Eeya lononao̒ tumulalo jamani muloololio daa̒.

HABAKU 3:7

Iloontonga lowatotia ulipu lo Kusyan ilodungga lo woohe, wau taulo Midian hulu-huluhelio.

YIA̒APO 14:14

wau timongolio mamo hungguli mao̒ ode tau-tauwala tolipu botie, tamalo dungoheo̒ deu̒ Eeya, Eeya, pee̒-pee̒enta wolo mongowatotia. Timongolio malo dungohe olo deu̒ Eeya lopo bilohei batanga ode mongowatotia tou̒ Eeya lonao̒ totalu lo mongowatotia todelomo patoo̒ heengo tou̒ dulahu, wau todelomo patoo̒ tulu tou̒ hui.

YIA̒APO 22:5

lolao utolia mola lotiangai olei Bileam, walae̒e Beor, tabilu-biluloa̒ tokota Petor membideo̒ lo Dutulaa Eprat tomadala Amau. Timongolio ilahulalio lopo tunggulao̒ odelei Bileam tahuli botie lonto olei Balak, “Eelai mao̒, woluo bangusa tuwau lonao̒ mai lonto Masiri; tataaulio hiloo̒pa penu boli tou̒toonu wau dapa-dapato moluhu madala lami.

TINGULI 2:25

Tumulalo mai todulahee botie Wau̒ mamohutu mao̒ olimongoli penu boli tou̒toonu oohe lo babaa-ngusawalo. Timii̒du tau mahumehela moohe wonu moo̒dungohe pasali olimongoli.’ ”

YOSUA 10:2

Ulipu lo Yerusalemu yiloohe daa̒, sababu Gibeon yito kota udaa̒; tutuuwauwa udaa̒lio wolo kokoo-tawaalo u o olongia, tumbao̒ lebe udaa̒ mao̒ wolo kota Ai. Tau-taulio olo tahi pohipatea tamotota motuuhua.

YOSUA 2:11

Odito ilodungohe lamiaatia wungguli boito, amaatia mailoohe daa̒. Ngoa̒amila tau-tauwalo lamiaatia madiduu̒ obuheliilio sababu timongoli. Eeya Allahu Taa̒ala limongoli otutu Allahu Taa̒ala Taa Laba-labaalo kawasa tohulungo wau todunia.

YOSUA 9:24

Timongolio lolametao̒, “Amiaatia helohutu odito sababu ilodungohe lamiaatia deu̒ Eeya Allahu Taa̒ala tahe tuboo li Tuani boito malo poa̒hu mai olei Musa, wato-Lio boito, mongohi mao̒ odeli Tuani ngoilanggubu lipu botie wau momate ulipulio mate-mateelo mao̒ tou̒ ti Tuani mohama huta boito. Amiaatia moohe daa̒ diila bolo amiaatia opatealio mate-mateelo mao̒, uito sababuulio hepilohutu lamiaatia ngoa̒amilalo botie.

YOSUA 9:9

Timongolio lolametao̒, “Amiaatia lonto lipu u molaminga daa̒, Tuani, sababu ilodungohe lamiaatia pasali lo Eeya Allahu Taa̒ala tahe tuboo lomongo Tuani. Ilodungohe lamiaatia pasali lou̒ pilohutu-Lio to Masiri,

BOHULO SEMUEL 4:7

timongolio mailoohe, wau loloi̒ya, “Woluo dewa lonao̒ mai ode pilo tikemawa limongolio! Matopotala ito! Diipo pee̒enta mao̒ ilolaasanto sua̒li debo odelo utie!

BOHULO SEMUEL 4:8

Matopotala tutu! Tatoonu tamopoa̒ahu olanto monto dedeewaalo u molotola boito? Diila madedee-waalo boito olo tahe lomate yila-yilateelo mao̒ taulo Masiri to huta hungayo u luasi daa̒ muloololio mai?