PILOTIMUA̒TA 15:13 - KITABI HABARI MOPIOHE

¹³ Dilelo-Mu bangusa tamaa piloa̒ahu-Mu botie, sababu Yio̒ tatapu wau molotolo hilao todanti-Mu. Wolo olootolo leidaa̒ timongolio diluo̒lo-Mu, wau dilelo-Mu ode huta-Mu u mantali.

PILOTIMUA̒TA 15:13 ပူးပေါင်းရင်းမြစ်များ

ILOOWALI 19:16

Tei Lot malolingu. Bo Eeya lodehu hilao olio; sababu uito tamulio duulota boito malodelo olei Lot wolo dilelio wau walai̒o duulota ode bulemengo kota.

OLUO LO SAMUEL 15:25

Lapatao̒ loloi̒ya mao̒ ti olongia odeli Iimamu Jadok, “Powalingalo mota Bulua Daantia boito ode kota. Wonu Eeya aahudu olau̒, tantuulo mao̒ wau̒ mawohi-Lio mohualingai wau muli moo̒onto Bulua Daantia boito wolo tambati poti biluloa̒alio.

NEHEMIA 9:12

Wolo heengo ngopita hetilau̒wa lo Eeya timongolio tou̒ dulahu. Wau tou̒ hui dalalio hetilinela mai lo Eeya wolo wolihi patoo̒ tulu.

JABURU 106:9

To palenta lo Eeya Deheto Gelaga lowali lohengu, Eeya lodelo umati-Lio lonao̒ lolibaya deheto, debo odelo lolibaya huta datahu wau luasi udelita.

JABURU 74:2

Eelailo mai umati lo Eeya tatilulaoto Eeya tumulalo muloololio mai, bangusa tailopato lo Eeya alihu mowali miliki lo Eeya. Eelailo Huludu Sion, u poliwali lo Eeya tambati biluloa̒ lo Eeya.

JABURU 77:20

Eeya monao̒ molibaya buo̒olo, monao̒ mobalango auhu, bo baa̒to Eeya diila oontonga.

JABURU 78:35

Ileela mola limongolio deu̒ Allahu Taa̒ala talo duo̒la olimongolio, wau deu̒ Taa Laba-labaalo molanggato helo poa̒ahu olimongolio.

JABURU 80:1

Duo̒lo diriheni lopolemboa̒ tamoolahua. Lodudua̒a lahu: Bunga baakungi. Jaburu lei Asap.

PILOTIMUA̒TA 15:16

Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

PILOTIMUA̒TA 15:17

Lapatao̒ Isirai̒lu dilepitu-Mu ode tambati u tilulaotu-Mu upoti biluloa̒a-Mu. Timongolio lotitatapu to huludu-Mu u mantali, to Bele u bilongu-Mu lohihilao.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

YESAYA 51:10

Eeya olo talo pohengu deheto, taluhu lo auhee daa̒ u modelomo. Eeya lohutu dalalo loli taluhu boito, alihu tau-tauwalo tahe piaahu moo̒ balango.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YEREMIA 2:6

Wau̒ diila pilandungilio; Wau̒, tamaa lodelo olimongolio to dalalo, wau lodelo olimongolio yilumualai lonto Masiri lolibaya tohuta hungayo u luasi daa̒, madala diila mowali pobutua lo pilomulo u dadaata buo̒loolio, wau mohengu boli moo̒topotala – huta datahu wau luasi daa̒ u diila pilotomelea wau diila polibayalo!

EPESUS 2:4

Bo donggo boli udaa̒alio omuura hilaa lo Allahu Taa̒ala! Tio odito momonu mai olanto,

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.