PILOTIMUA̒TA 15:11 - KITABI HABARI MOPIOHE

¹¹ Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 15:11 ပူးပေါင်းရင်းမြစ်များ

OLUO LO SAMUEL 7:22

Eeya otutu udaa̒, yaa Eeya Allahu Taa̒ala! Bo Eeyaalo Allahu Taa̒ala, diaaluo tamo tutuuwauwa wolo Eeya. Aambunguolo otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO TAWARI 16:25

Sababu udaa̒alo mola Eeya wau laba-labaalo ilopujia; Tio musi ooheelo mongilabotao̒ lou̒ totoonulalo dewa.

OLUO TAWARI 2:5

Otohilaa lowatia alihu Bele lo Eeya u mabongulo lowatia boito debo odelo bele uleidaa̒, sababu Allahu Taa̒ala lamiaatia lebe mao̒ udaa wolo ila u penuboli to utoonulalo mao̒.

OLUO TAWARI 6:14

“Eeya, Allahu Taa̒ala lo Isirai̒lu! To hulungo boli todunia diaaluo tadebo odelo Eeya! Eeya malo eelai danti lo Eeya wau lopoi̒laalo mai ponu lo Eeya to umati lo Eeya tau̒ tatapu wau molotolo hilao wau modungohe lealeaatu lohilao to Eeya.

JABURU 113:5

Tatoonu tadebo odelo Eeya Allahu Taa̒alanto? Eeya totambati huhuloa̒ li olongia ulailaio̒.

JABURU 119:120

Watia hulu-huluhelio sababu moohe to Eeya, hilaa lowatia hilumuhela to putuusani lo Eeya.

JABURU 136:4

Bo Eeya tamohutu mai totoonulalo moo̒linggolabe udaa̒; ponu lo Eeya ohiheo-hiheolo mao̒ diila opulitio.

JABURU 145:17

Eeya aadili todelomo totoonulalo huhutu lo Eeya wau lealeaatu loponu todelomo toonulaalo huhutu lo Eeya.

JABURU 22:23

Huhutu lo Eeya maa wunggulio lowatotia ode mongo wutato lowatotia; todelomo dudunggaya umati lo Eeya watotia mamomuji-muji mola to Eeya.

JABURU 35:10

Wolo lealeaatu lohilao watotia moloi̒ya, “Yaa Eeya, Eeya diila o bandingilio! Eeya lolopatai tamo lulupuhu monto tamolotolo, tamosikini wau dutodutolo monto tamoodehea olio.”

JABURU 60:2

tou̒ tio heloluhu taulo Aram-Mesopotamia wau taulo Aram-Joba, wau tou̒ tei Yoab lohualinga wau helo poo̒laaheo̒ mopulaa dulo lihu lota taulo Edom to Lumbaya Asin.

JABURU 66:5

Ponao̒olo mai wau bilohilo huhutu lo Allahu Taa̒ala, otutu moo̒linggolabu totoonulalo huhutu lo Eeya towolota lomanusia!

JABURU 77:11

Lapatao̒ watia loloi̒ya, “Uti-utieelo uloo̒ ngongoto hilaa lowatia, deu̒ Taa Laba-labaalo kawasa diilalo okawasa.”

JABURU 77:14

Yaa Allahu Taa̒ala, totoonulalo huhutu lo Eeya mantali, tatoonu tadebo odelo udaa̒ lo Allahu Taa̒ala lowatia?

JABURU 77:19

Bulonggodu hula hulaubio, ilato umilato, huta molotau̒lo wau humuhela.

JABURU 86:10

Sababu Eeya tamolotolo boli buheli daa̒ wau helohutu totoonulalo u moo̒linggolabu, bo Eeyaalo Allahu Taa̒ala.

JABURU 86:8

Yaa Eeya, diaaluo pujaaa̒ni debo odelo Eeya, diaaluo tamohutu wolo u pilohutu mai lo Eeya.

JABURU 89:18

Eeya longohi mai olo mongowatotia heloo̒haama wolo mopiohe daa̒, sababu opopiohu lo Eeyaalo mongowatotia loo̒haama.

JABURU 90:11

Tatoonu tamotota opolutuo̒ muluka lo Eeya, meaalo motuuu̒de mongalati akiibati omuluka lo Eeya?

PILOTIMUA̒TA 18:11

Botia otaawa lowatia deu̒ Eeya lebe udaa̒ wolo ngoa̒amila ila, sababu ngoa̒amila boito pilohutu-Lio tou̒ taulo Masiri helo tihutu sombongi daa̒ to taulo Isirai̒lu.”

PILOTIMUA̒TA 20:3

Diila mao̒ polubo ila-ila wewo. Tubowaalo Wau̒ wambao̒.

PILOTIMUA̒TA 3:20

Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 8:10

Tametao̒ li olongia boito, “Podua̒alo mola ode olau̒ loombu.” Ualei Musa, “Watotia mamohutu mao̒ wolo upohile li Tuani lo watotia. Yi ti Tuani lo watotia mamotota mao̒ deu̒ diaaluo Allahu Taa̒ala wewo debo odelo Eeya, Allahu Taa̒ala lo mongowatotia.

PILOTIMUA̒TA 8:6

Yi tei Haruna malo powudu mola tunggudio odeitaato lo ngoa̒amila taluhu, tulusi tutuu-mbiheyalo yilumenetai lopoo̒polu lomola ngoilanggubu lipu.

PILOTIMUA̒TA 9:14

Pee̒enta botie Wau̒ mamopo dungga mai baala diila bo to tahidihuma pantungo lipu wau ulipu wambao̒, boto olemu olo alihu otaawamu mao̒ deu̒ diaaluo tamo ngilabotao̒ ola-U̒ to ngoilanggubu dunia.

YESAYA 30:11

Potilamingolo mota, pohamaalo dalalo wewo. Diila pomuyu olami wolo Allahu Taa̒ala mantali lo Isirai̒lu.”

YESAYA 40:18

Oditolio wolo tatoonu yio̒ ohilaa mopo tutuuwauwa Allahu Taa̒ala? Tatoonu tolantobumu mohumayawa wolo Eeya?

YESAYA 40:25

Tatoonu talontobumu mohumayawa wolo Allahu Taa̒ala Taa Laba-labaalo mantali? Wolo tatoonu yio̒ ohilaa mopo tutuuwauwa to Eeya?

YESAYA 46:9

Eelailo mola totoonulalo u lotoduo to jamani muloololio mai; akuilo deu̒ Wau̒ Allahu Taa̒ala, wau diaaluo wewolio, Wau̒ Allahu Taa̒ala, wau diaaluo tadebo odelo Wau̒.

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 6:3

Timongolio lotingalao̒ ngota timongota: “Mantali, mantali, mantali, Mantalilo mola Eeya Taa Laba-labaalo kawasa. Dunia lopolu lo owoluo-Lio u molamahu.”

YEREMIA 10:16

Allahu Taa̒ala lei Yako diila debo odelo babaa-laahalaalo boito; Eeya talopowali mai totoonulalo u hitua-tuawua. Tanggu-Lio yito Eeya Taa Laba-labaalo kawasa; Eeya malo lulaotai Isirai̒lu lowali umati-Lio.

YEREMIA 49:19

Debo odelo singa yilumenetai lonto oa̒ayua polodu totili lo Dutulaa Yordan wau lonao̒ mai ode huta datahu u luasi daa̒ tambati hipongaala lo himba, odieelo mola Wau̒ mamei dungaa wau mohutu mao̒ taulo Edom debolo tumeteo̒lo monto lipu limongolio. Lapatao̒ Wau̒ mamo lulaota ngotaalio tau̒wa u momalenta bangusa boito. Tatoonu tamowali potutuu-wauwolo wala-U̒? Tatoonu tabuheli mohutu palakala wola-U̒? Wolo woluo tau̒wa tamowali moluwali ola-U̒?

IMAAMATI 19:2

lopo tunggulao̒ ode bangusa lo Isirai̒lu palenta botie, “Mamusi timongoli mantali, sababu Wau̒ Eeya Allahu Taa̒ala limongoli yito mantali.

MIKHA 7:18

Diaaluo Allahu Taa̒ala debo odelo Eeya, yaa Eeya, tamo ngambungu dusa lo umati tilulaoto Eeya u ilolabita. Diila u ohiheolo mao̒ Eeya muluka; bolii̒o mao̒, Eeya sanangi mopobilohei ponu lo Eeya udiila o eenggadelio boito.

LUKASI 12:5

Mopiohulo poi̒laalo-U̒ mai olemu tatoonu tawajibu oohe limongoli. Oohelo mola Allahu Taa̒ala! Sababu lapatao̒ momate mate-mateelo mao̒, Tio okawasa olo mopomahulo ode delomo nalaka! Pomalacayalo, Tiolo tawajibu oohe limongoli.

TINGULI 1:30

Eeya Allahu Taa̒ala limongoli mamodelo olimongoli wau mohipate ode limongoli debo odelo u masilakusia limongoli to Masiri

TINGULI 3:24

Yaa Eeyaa Taa Laba-labaalo molanggato, otaawa lowatotia deu̒ upilo bilohei lo Eeya olo watotia botie boheli debo odelo huhuu-tuwaalo Eeya uleidaa̒ wau moo̒linggolabe. Diaaa̒ ila wewo tohulungo meaalo todunia tadebo odelo Eeya u moo̒ hutu susuu-aliyaalo upolu-polutuo̒.

TINGULI 33:26

“Wuu Isirai̒lu! Diaaluo ila debo odelo Allahu Taa̒ala limongoli; Tio molibaya hulungo wolo ohohaama wau molapata toheengo u motulungi olimongoli.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

WAHI 13:4

Wau timongolio helolubo naha boito sababu tio malongohi okokawasaalio to binatangi boito. Wau timongolio helolubo olo binatangi boito. Timongolio loloi̒ya, “Diaaluo tatutuu-wauwa wolo binatangi botie! Diaaluo tamowali mopaatea moluwali olio!”

WAHI 15:4

Tatoonu tadiila moohe to Eeya, yaa Eeya? Tatoonu tadiila mohuto mopo habari odudaa̒ Eeya? Eeyaalo wambai̒o tamantali. Totoonulalo bangusa mamonao̒ mai molubo Eeya, sababu totoonulalo huhutu lo Eeya u aadili maa i̒loontonga lotaa ngoa̒amila.”

WAHI 4:8

Opato mahaluku boito, tinggai opolipio̒ wolomo, wau topalitio wau to ambahu delomio polupolu wolo mato. Hui wau dulahu mamaaha-lukuwaalo boito diila mopo huhe-huheli hemo polahu mola, “Mantali, mantali, mantalilo Eeya, Allahu Taa̒ala Laba-labaalo kawasa; tawoluo, tamawoluo, wau tawoluo malolaalaaita.”

BOHULO SEMUEL 2:2

Diaaluo tamantali debo odelo Eeya! Bo Tio tamowali mongohi mai poloduo̒lo.