PILOTIMUA̒TA 14:31 - KITABI HABARI MOPIOHE

³¹ Tou̒ taulo Isirai̒lu loo̒onto mao̒ woloolo mola Eeya uwolo kawasaa-Lio daa̒ loo̒laahe taulo Masiri, timongolio helo linggolabe uleidaa̒ tilinggula palacaya to Olio wau to olei Musa wato-Lio boito.

PILOTIMUA̒TA 14:31 ပူးပေါင်းရင်းမြစ်များ

OLUO TAWARI 20:20

Loloombulio mola didimodupo daa̒, ulipu yilumualao̒ wau lonao̒ ode madala tohuta datahu wau luasi udelita totili lo Tekoa. Tou̒ timongolio ohilaa momonggato, tei Yosapat helongohi mao̒ tahuli botie olimongolio, “Ulipu lo Yehuda wau Yerusalemu! Potiyakini lomola to Eeya Allahu Taa̒ala limongoli, yi timongoli maa mambo moo̒taahangi. Tolimowalo potua monto mongo nabi limongoli, yi timongoli mamoo̒haama!”

NEHEMIA 9:9

Bililohe mai lo Eeya sikisa loluuhuru lo mongowatotia tou̒ yilalu mola; Dilungohe lo Eeya hiyongio to Masiri wau to Lau Teberau.

JABURU 119:120

Watia hulu-huluhelio sababu moohe to Eeya, hilaa lowatia hilumuhela to putuusani lo Eeya.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

LUKASI 8:13

Bili u lobiihuta to hibotu-botua debo odelo taa u towakutu lodungohe habari boito, lololimo wolo hilaa sanangi. Bo habari boito diila longuwaa̒to todelomo hilaa limongolio. Timongolio palacaya bo ngopee̒ mola. Wau tou̒ yimontala meidungga timongolio momaahu.

YAHYA 11:45

Dadaata tau-tauwalo Yahudi talonao̒ mai lomilohe oli Maria, palacaya toli Isa tou̒ timongolio loo̒onto u lotoduo mai boito.

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

WUNGGULI LOMONGO RASULU 8:13

Tei Simon lohihilao olo palacaya. Wau lapatao̒ yilihualio, tio tulusi lodudua̒ olei Pilipus. Momoo̒o-linggolabeyalo ulotoduo mai boito helohutu olei Simon molaasa hileerani daa̒.

IBRANI 3:5

Tei Musa tatapu wau molotolo hilao odelo tamoomayawa todelomo bele lo Allahu Taa̒ala wau mo po tunggulo susuu-aliyaalo u mapoo̒taa lo Allahu Taa̒ala todulahe u mamei dungga mai.

YOSUA 24:7

timongolio helo ngiibode ola-U̒ mei̒ tuulungi. Yi tambati towolota limongolio wolo tau-tauwalo Masiri boito hepilohutu mao̒ lowali lodio̒lomo, wau tilau̒be-U̒ tau-tauwalo Masiri boito wolo taluhu deheto tunggula timongolio ngoa̒amila loa̒humo. Maa ilotaawa limongoli ngoa̒amila wolo u pilohutu-U̒ ode Masiri. Lohiheo mola daa̒ timongoli helo tibiluloa̒ tohuta ohungayo u luasi daa̒.

YOSUA 4:14

Todulahee boito Eeya helo ponao̒ susuu-aliyaalo u lohutu bangusa lo Isirai̒lu lohulumati olei Yosua odelo taa udaa̒. Ngotupa lo tutumulio timongolio helo hulumati olei Yosua debo odelo timongolio helo hulumati olei Musa.

YOSUA 4:24

alihu ngoa̒amila taa todunia motota deu̒ donggo boli udaa̒a-Lio kawasa lo Eeya. Wau lou̒ odito timongoli mamo hulumati to Eeya Allahu Taa̒ala limongoli u ohiheo-hiheolo mao̒.”

BOHULO SEMUEL 12:16

Botia, dungohipo poli! Poo̒tuoti mao̒ moo̒linggolabe daa̒ u mapohutuo mai lo Eeya totalu lomato limongoli.

BOHULO SEMUEL 12:18

Lapatao̒ malodua̒ tei Semuel, wau to dulahulo boito Eeya lopo tuhutai bulonggodu wau didi. Ngoilanggubu bangusa boito mailoohe to Eeya wau to olei Semuel.