PILOTIMUA̒TA 14:30 - KITABI HABARI MOPIOHE

³⁰ Todulahee boito Eeya lopoa̒ahu mai bangusa lo Isirai̒lu tiluhu taulo Masiri, wau timongolio loo̒onto mao̒ mimii-lateyaalo lo Masiri helee-bubulo to pentadu.

PILOTIMUA̒TA 14:30 ပူးပေါင်းရင်းမြစ်များ

OLUO TAWARI 32:22

Odi-odieelo mola dudelolio Eeya helo lopato oli Olongia Hiskia wau ulipu lo Yerusalemu lonto kawasa lei Sanherib olongia lo Asyur wau lonto mumuu-suuwaalo limongolio uwewo. Eeya longohi mai olimongolio tutumulo u aamani lou̒ diila hepiluyu lo lilii-puwaalo totihedi mongolio.

JABURU 106:10

Lou̒ odito piloa̒ahu lo Eeya timongolio lonto uluu̒ laawani, yilopato lo Eeya timongolio lonto kawasa musu.

JABURU 106:8

Bo Eeya helo poa̒ahu olimongolio, domi batanga lo Eeya lohihilao, alihu olootolo boli obuheli daa̒ lo Eeya mowali moilaalo.

JABURU 58:10

Tou̒ diipo longalati mai, timongolio mabilinasa, debo odelo pilomulo u o aa̒a-yuwaalo kekeei̒ wau moopa u donggo moidu wau diipo iludaa̒ mola lopulito pilotomboto dupoto, debo odelo uito pilomulo u mohengu.

JABURU 59:10

Eeyaalo olootolo watotia, watotia hemo tiwunela mola to Eeya, Eeya tambati poa̒ahuwalo batanga lowatotia, yaa Allahu Taa̒ala.

JABURU 91:8

Wonu yio̒ momiloheo̒ to palitumu, yio̒ moo̒onto taa moleeto otuhata lo polotontuli.

PILOTIMUA̒TA 14:13

Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

YESAYA 63:11

Lapatao̒ timongolio loe̒ela mola jamani muloololio mai, jamani lei Musa, wato lo Eeya. Timongolio lohintu, “Tou̒toonu Eeya talodelo tomongo tau̒wa lo umati-Lio lolibaya deheto? Tou̒toonu Eeya talongohi mai kawasaa-Lio ode limongolio?

YESAYA 63:8

Eeya lotahuda mai, “Otutu, timongolio yito umati-U̒, mongo walao̒ tadiila moo̒kikiio̒ hilao.” Yi Eeya mowali Tamoo-poa̒ahua olimongolio,

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

HOSEA 1:7

Bo bangusa lo Yehuda maponuwo-U̒. Wau̒ Eeya, Allahu Taa̒ala limongolio, mamopoa̒ahu mai olimongolio, bo diila wolo popaatea, wau olo diila wolo wamilo meaalo pana meaalo wadala wau jokiilio.”

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

YUDAS 1:5

Ngoa̒amilalo boito mailotaawa limongoli. Bo watia ohilaa mopoe̒elai olimongoli tomimbihu woloolo mola Eeya lopoa̒ahu umati lo Isirai̒lu lonto lipu lo Masiri, bo lapatio mao̒ helo pobinasa tau-tauwalo tadiila palacaya towolota limongolio.

MONGO HAKIMU 10:11

Eeya lolametai, “Omoo̒omolu timongoli hekiluwasa wau hepilalenta lo bangusa Masiri, Amori, Amon, Filistin, Sidon, Amalek wau bangusa Maon. Lapatao̒ tou̒ boito timongoli helo ngiibodu lei̒ tulungi ola-U̒ diila odito? Nte eelaimola wolo Wau̒ diila lopoa̒ahu olimongoli lonto okokawasa limongolio?

BOHULO SEMUEL 11:13

Bo tei Saul loloi̒ya mao̒, “Penu boli ngota diila mowali pateelo mate-mateelo mao̒ todulahee botie, sababu todulahee botie Eeya malo poa̒ahu mai bangusa lo Isirai̒lu.”

BOHULO SEMUEL 14:23

Timongolio helo paatea to ngohilayaa̒ lo dalalo demola yilumaode to Bet-Awen. Eeya helo poa̒ahu olimongolio todulahee boito.