PILOTIMUA̒TA 14:29 - KITABI HABARI MOPIOHE

²⁹ Bo tou̒ taulo Isirai̒lu helo balangao̒ todeheto, timongolio lonao̒ totudu lou̒ mohengu, wau taluhu debo odelo dingingo meeseli to olowala wau oloihilio.

PILOTIMUA̒TA 14:29 ပူးပေါင်းရင်းမြစ်များ

OLUO MONGO OLONGIA 2:8

Tei Elia lohinggi jumbalio, tulusi lolilibeo̒ wau lopo molotao̒ toitaato taluhu lodutulaa boito. Yi taluhu dutulaa boito lotayade duluo, tilinggula tio wolei Elisa loo̒ nao̒ towamoo̒ u mohengu.

NEHEMIA 9:11

U lohutu mao̒ dalaalo ode umati lo Eeya, deheto bilutao̒ lo Eeya; pilopo balango Eeya timongolio loli wamoo̒ deheto u diila lobata. Tahi pohenela olimongolio helo ahumo todelomo taluhu u modelomo, debo odelo botu helo ahumo to deheto u moo̒tihela hapato.

JABURU 106:9

To palenta lo Eeya Deheto Gelaga lowali lohengu, Eeya lodelo umati-Lio lonao̒ lolibaya deheto, debo odelo lolibaya huta datahu wau luasi udelita.

JABURU 136:13

Deheto Gelaga bilutao̒ Eeya; ponu lo Eeya ohiheo-hiheolo mao̒ diila opulitio;

JABURU 78:13

Eeya lomutao̒ deheto, tulusi lopo balanga olimongolio; taluhee pilotihulo Eeya debo odelo damu.

PILOTIMUA̒TA 14:22

Taluhu lobutao̒ duluo, wau tou̒ taulo Isirai̒lu lobalango, timongolio lonao̒ totudu lou̒ mohengu, wau taluhu to olowala wau oloihilio debo odelo dingingo meeseli.

PILOTIMUA̒TA 15:19

Tou̒ taulo Isirai̒lu helo balango deheto, timongolio lonao̒ to wamoi̒o u mohengu. Bo tou̒ kakaa-letaalo Masiri wolo wadala wau jokilio tilumuwota mola ode delomo deheto, Eeya lohutu mao̒ taluhio luli tilumolohe tilinggula timongolio yilumoduo̒.

PILOTIMUA̒TA 15:8

Deheto hiliipa-Mu, taluhee lotililibe molanggato, tilimihula lotulide debo odelo dingingo meeseli, tilinggula wamoo̒ deheto lowali polibayaalo.

YESAYA 11:15

Eeya mamopo hengu Wulungo lo Sues. Eeya mamopo toodei dupota mopatu mohiipo tilinggula Dutulaa Eprat mowali tilitangoa pitu taluhio u mooti, wau timii̒du tau mowali mobalangao̒ wolo osandale.

YESAYA 43:2

Wonu yio̒ mobalango taluhu, Wau̒ mapee̒-pee̒enta wolemu, yio̒ diila tamoa̒humo todelomo osusuu-kalimu. Wonu mobalango totulu, yio̒ diila tamopobu, ngoa̒amila yimontala u mobuheeto diila tamoo̒ topotala olemu.

YESAYA 51:10

Eeya olo talo pohengu deheto, taluhu lo auhee daa̒ u modelomo. Eeya lohutu dalalo loli taluhu boito, alihu tau-tauwalo tahe piaahu moo̒ balango.

YESAYA 51:13

Diila pongalo aakali yio̒ molipata to Eeya Talopowali olemu talo ngua̒bu hulungo wau lopodutu wumbato lodunia? Yilongola yio̒ oo̒olaanga hulu-huluhelio to lilau lo tamodeehea tadapa-dapato mopobinaasa? Tutuulio tutu lilau limongolio boito diila tapongaalio to olemu.

1 KORINTUS 10:1

Mongo wutato! Wutato patutilio moe̒ela mola wolo u mailowali toli nenemoyanto tou̒ timongolio lodudua̒ olei Musa. Timongolio ngoa̒amila yililunga loheengo, wau wolo loa̒ahu lobalango Deheta Meela.

YOSUA 3:16

tou̒ boitolo mola tolohu taluhu dutulaa boito lobunto. Molaminga mola to wimbihu tau̒wa lodutulaa, taluhio lotiwimoo̒ to Adamu, kota tuwau u dudutuulio to ambahu kota lo Sartan. Taluhu towimbihu dutulaa ambahu walungo utolo-tolohe ode Lau Mati lobunto sama-samaata, tilinggula umati lo Isirai̒lu loo̒ balangaao̒ toitaato huta u mohengu tataalua wolo kota lo Yerikho. Mongo iimamu tahi potaala Bulua Daantia boito debo hitihula tohuungo dutulaa tunggula ngoilanggubu umati lo Isirai̒lu leidungga ode ngotuali.