PILOTIMUA̒TA 14:27 - KITABI HABARI MOPIOHE

²⁷ Lapatao̒ tei Musa malo mintaaa̒ mola uluu̒lio odeitaato deheto wau tou̒ dulahu malobutu mai, taluhu longuli mai to owowoluwoalio ubohu-bohulio. Taulo Masiri helo tolopani u mopoa̒ahu lo batangalio, bo Eeya malo poa̒humo mola olimongolio ode delomo deheto.

PILOTIMUA̒TA 14:27 ပူးပေါင်းရင်းမြစ်များ

NEHEMIA 9:11

U lohutu mao̒ dalaalo ode umati lo Eeya, deheto bilutao̒ lo Eeya; pilopo balango Eeya timongolio loli wamoo̒ deheto u diila lobata. Tahi pohenela olimongolio helo ahumo todelomo taluhu u modelomo, debo odelo botu helo ahumo to deheto u moo̒tihela hapato.

JABURU 106:11

Bo taluhu lopoa̒humo laawani limongolio; diaaluo penu boli ngotaa mao̒ tai̒lo labita.

JABURU 136:15

Bo olongia lo Masiri wau suludadulio pilopoa̒humo Eeya; ponu lo Eeya ohiheo-hiheolo mao̒ diila opulitio.

JABURU 78:53

To delomo totau̒wa lo Eeya timongolio aamani wau diila yiloohe, hiambola musu limongolio loa̒humo todeheto.

YESAYA 10:26

Wau̒ Eeya Taa Laba-labaalo kawasa, mamomuboa̒ olimongolio wolo buuboo̒, debo odelo hepilo mateyaa-U̒ taulo Midian to hui̒dee botu lo Oreb. Asyur mahukuu-maniyo-U̒, debo odelo Wau̒ helo hukuumani Masiri.

TINGULI 11:4

Timongoli malo oonto woloolo mola Eeya helo ngantulu suludadu lo Masiri pee̒-pee̒enta wolo wadala wau kaleta lo popaatealio. Timongolio ngoa̒amila piloa̒humio to auhu Gelagah tou̒ timongolio helo hilapita olimongoli.

IBRANI 11:29

Sababu o iimani, yi tau-tauwalo Isirai̒lu lowali lobalango to Auhu Meela, debo odelo timongolio lononao̒ toitaato huta u mohengu, hiambola tau-tauwalo Masiri loa̒humo tiloloolo lo auhe boito, tou̒ timongolio lohimontala lobalanga olo.

YOSUA 24:7

timongolio helo ngiibode ola-U̒ mei̒ tuulungi. Yi tambati towolota limongolio wolo tau-tauwalo Masiri boito hepilohutu mao̒ lowali lodio̒lomo, wau tilau̒be-U̒ tau-tauwalo Masiri boito wolo taluhu deheto tunggula timongolio ngoa̒amila loa̒humo. Maa ilotaawa limongoli ngoa̒amila wolo u pilohutu-U̒ ode Masiri. Lohiheo mola daa̒ timongoli helo tibiluloa̒ tohuta ohungayo u luasi daa̒.

YOSUA 4:18

Odito mongo iimamu leidungga mao̒ tobiihu dutulaa, taluhu dutulaa boito maluli tilumolohe wau lolepatai debo odelo bohulio mai.