PILOTIMUA̒TA 14:13 - KITABI HABARI MOPIOHE

¹³ Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

PILOTIMUA̒TA 14:13 ပူးပေါင်းရင်းမြစ်များ

ILOOWALI 15:1

Lapatao̒ uito tei Abram lololimo bibilohe wau loo̒dungohe Eeya lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

ILOOWALI 26:24

Tou̒ hui boito Eeya lopobilohei batanga to olio wau lotahuda, “Wau̒-wau̒lo Allahu Taa̒ala li paapamu Abraham. Diila mao̒ oohe; Wau̒ moduo̒lai olemu. Wau̒ mamo balakati mai olemu wau mongohi mai to olemu wali u dadaata sababu danti-U̒ to wato-U̒ Abraham.”

ILOOWALI 46:3

“Wau̒ Allahu Taa̒ala, Allahu Taa̒ala tahe tuboo li paapamu,” tahudalio. “Diila mao̒ oohe monao̒ mola ode Masiri. Wau̒ mamo powali mai waliimu bangusa udaa̒ mola teto.

ILOOWALI 49:18

Yaa Eeya, oa̒ahu uwohi mai lo Eeya, boi-boitolo u hewimaa lo watotia.

OLUO MONGO OLONGIA 6:16

“Diila mao̒ oohe,” tametao̒ lei Elisa. “Tawoluo towimbihu olanto lebe dadaata mao̒ u towimbihu olimongolio.”

OLUO TAWARI 20:15

wau tio loloi̒ya, “Paduka Taa Molamahu wau Mongo wutato ngoa̒amilalo. Eeya lotahuda mai deu̒ timongoli diila mowali mooli halapani meealo moohe motaalua wolo suludadu udadaata boito. Sababu tamopaatea diila timongoli, bo Allahu Taa̒ala.

OLUO TAWARI 20:17

Timongoli diila palalu motuuhua todelomo popaatea botie. Ponao̒lo ode tambati u matilantu ode limongoli wau yimailo mota teto. Timongoli mamoo̒onto deu̒ Eeya mamongohi mai olimongoli u moo̒haama!”

NEHEMIA 9:9

Bililohe mai lo Eeya sikisa loluuhuru lo mongowatotia tou̒ yilalu mola; Dilungohe lo Eeya hiyongio to Masiri wau to Lau Teberau.

JABURU 3:8

Ambunguolo, poa̒ahuwalo mai watotia, yaa Eeya Allahu Taa̒ala lowatotia, ambunguolo hukuu-maniyalo mai polupuhelo ngoa̒amila laawani lowatotia.

JABURU 68:21

Allahu Taa̒alanto yito Eeya tamopoa̒ahu, Eeya helo lopatai olanto lonto opopate.

JABURU 78:53

To delomo totau̒wa lo Eeya timongolio aamani wau diila yiloohe, hiambola musu limongolio loa̒humo todeheto.

JABURU 91:8

Wonu yio̒ momiloheo̒ to palitumu, yio̒ moo̒onto taa moleeto otuhata lo polotontuli.

PILOTIMUA̒TA 14:30

Todulahee boito Eeya lopoa̒ahu mai bangusa lo Isirai̒lu tiluhu taulo Masiri, wau timongolio loo̒onto mao̒ mimii-lateyaalo lo Masiri helee-bubulo to pentadu.

PILOTIMUA̒TA 20:20

Tametao̒ lei Musa, “Diila mao̒ oohe, Allahu Taa̒ala dungga-dungga mai bo mai mohimontala olimongoli alihu timongoli debo modungohe o-Lio, wau diila odusa.”

YESAYA 26:3

Yaa Eeya, Eeya longohi mai dame wau aamani maa̒amulu wau sontosa totaa u molotolo hilaalio sababu tio yakini to Eeya.

YESAYA 30:15

Eeya Taa Laba-labaalo molanggato, Allahu Taa̒ala mantali lo Isirai̒lu, lotahuda mai ode umati-Lio, “Polilihulo wau debo potiduo̒tolo mola, yi timongoli mapoa̒ahuwo-U̒ mai. Poyakinilo to Olau̒ wolo hilaa u aamani, yi timongoli mapoo̒ lotolu-U̒ mai.” Bo timongoli diila mohuto!

YESAYA 35:4

Poleleaalo to tao̒hilaa ngoi̒di, “Poo̒lotola lomola hilaamu, diila mao̒ oohe, Allahu Taa̒alamu meidungga u mohukuumani musu, Eeya meidungga mopoa̒ahu olimongoli.”

YESAYA 43:11

Wau̒ lohihilaolo Eeya, ngopohia Wau̒ diaaluo tamopoa̒ahu mai.

YESAYA 7:4

Poo̒taa mao̒ li olongia deu̒ tio musi mopoo̒ daha-dahaalo mao̒ bo debo duo̒-duo̒oto mola. Tio diila palalu moohe meaambo molingu. Oyiyingo li Olongia Pekah woli Olongia Rejin wolo suludadulio tau-tauwalo Siria boito diila boti moo̒topotala monto dulo putu ayu podiio̒ opoloo̒.

YEREMIA 3:23

Diila ohuna wambai̒o timongoli ramerame hipoluboa balaahala toitaato bobooli-tutuo̒waalo hui̒du! Polotulungi ode Isirai̒lu bo meidungga monto Eeya Allahu Taa̒ala lamiaatia.

HIYONGO MOPOILAALO SUUSA 3:26

Oditolio, mopiohulo ito mohima wolo duo̒duo̒oto tunggula Eeya mai mongohi tulungi;

HOSEA 1:7

Bo bangusa lo Yehuda maponuwo-U̒. Wau̒ Eeya, Allahu Taa̒ala limongolio, mamopoa̒ahu mai olimongolio, bo diila wolo popaatea, wau olo diila wolo wamilo meaalo pana meaalo wadala wau jokiilio.”

HOSEA 13:4

Eeya lotahuda mai, “Wau̒ulo Eeya Allahu Taa̒alamu, talodelo olimongoli yilumualai lonto Masiri. Timongoli diila o Allahu Taa̒ala ngopohia Wau̒. Wau̒ulo tatuwa-tuwaulo tamoo-poa̒ahua olemu.

HOSEA 13:9

Wau̒ mamopo aantulu olimongoli, wuu bangusa lo Isirai̒lu! Wau tatoonu tamoo̒ tuulungi olimongoli?

HABAKU 3:13

Eeya modiambanga momaju u mopo lopato umati lo Eeya wau u mopoa̒ahu olongia tatiluaoto Eeya. Tilotao̒ Eeya lodehu tau̒wa lotaa moleeto, yiloloopu lo Eeya tunggula lopulito ngoa̒amila tahidudua̒ olio.

HABAKU 3:8

Yaa Eeya, wolo bo sababu deheto Eeya lomuluka daa̒? Wolo bo sababu duduu-tulaalo ulohutu Eeya lomukula? Tilae̒ya lo Eeya heengo odelo wadala wau kaleta lo popaatea, tou̒ umati lo Eeya yilohia lo Eeya ohohaama.

YIA̒APO 14:9

Diila mao̒ poluwali to Eeya, wau diila mao̒ oohe totau-tauwalo tahi biluloa̒wa tolipu boito, sababu wolo gambangi ito mamopo olaaheo̒ olimongolio. Tamoduo̒la olimongolio malo lolaa mao̒ olimongolio, wau Eeya pee̒-pee̒enta wolanto. Oditolio, diila mao̒ oohe.”

MATIUSI 28:5

Malai̒kati boito loloi̒ya mao̒ ode mongobua boito, “Diila oohe! Otaawau̒ timongoli hemo lolohe li Isa tamaa silalipulio boito.

TINGULI 20:3

‘Mongo wutato, dungohi mai! Todulahee botie timongoli momaju u mopaatea. Diila mao̒ oohe meaalo okikiio̒ lohilao meaalo molingu.

BOHULO SEMUEL 11:13

Bo tei Saul loloi̒ya mao̒, “Penu boli ngota diila mowali pateelo mate-mateelo mao̒ todulahee botie, sababu todulahee botie Eeya malo poa̒ahu mai bangusa lo Isirai̒lu.”

BOHULO SEMUEL 12:16

Botia, dungohipo poli! Poo̒tuoti mao̒ moo̒linggolabe daa̒ u mapohutuo mai lo Eeya totalu lomato limongoli.