PILOTIMUA̒TA 14:11 - KITABI HABARI MOPIOHE

¹¹ Uali mongolio odelei Musa, “Wolo to Masiri diaaluo kuubulu, tilinggula yio̒ malodelo mai olami alihu ami mate totambati botie? Bilohilo mao̒ akibati lo huhutuumu boito!

PILOTIMUA̒TA 14:11 ပူးပေါင်းရင်းမြစ်များ

ILOOWALI 43:6

Ualei Yako, “Yilongola timongoli mopoo̒suusa olau̒ lou̒ lopoo̒taa mao̒ totau boito deu̒ timongoli donggo o wutato tawaliyali daa̒?”

PILOTIMUA̒TA 13:17

Lapatao̒ ti olongia lo Masiri lopoluli mao̒ bangusa lo Isirai̒lu lonao̒, Allahu Taa̒ala diila lodelo olimongolio loli dalalo u lumaode tolipu lo Pilistina, eloponu dalalo boito mongabuta daa̒. Allahu Taa̒ala malo mikiilangi mola, “Diila bolo tau-tauwala boito molee̒ wonu moo̒onto mao̒ deu̒ timongolio musi mopaatea, lapatao̒ muli mohualingai ode Masiri.”

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

PILOTIMUA̒TA 5:21

Ualo mongo manduru boito, “Otaawa lo Eeya huhutumu! Tio mamo hukumani mai olimongoli! Timongoliilo taloo̒ sababu olamiaatia yilonuo̒ li olongia wolo mongo pogaweelio, tilinggula timongolio ohilaa momate olamiaatia mate-mateelo mao̒.”

PILOTIMUA̒TA 5:22

Lapatao̒ tei Musa luli lotaalua wolo Eeya wau loloi̒ya, “Yaa Eeya, yilongola bangusa lo Isirai̒lu hepilohutu mai lo Eeya odito leetio boito? Yilongola Eeya longutusi mai watotia odia mai?

YIA̒APO 11:1

Todulahee tuwau bangusa boito malo poilaalo suusa ode Eeya tomimbu osusuu-kaliyaalo limongolio. Loo̒dungohe poilaalo suusa boito, Eeya malo muluka wau lopodungga mai tulu ode yitaati mongolio. Tulu boito lotia̒lapolo mola towolota limongolio wau loo̒pobu ngotayadio lokema.

YIA̒APO 11:15

Wonu Eeya debo mohutu mai olo watotia odie, ambunguolo ponuwalo mai watotia; lebe mopioheo̒ hua̒a pateyalo mai mate-mateelo mao̒ olo watotia alihu watotia diilalo momanta polodutolo botie.”

YIA̒APO 14:22

deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita.

YIA̒APO 16:41

Loloombulio mola ngoilanggubu umati lo Isirai̒lu heloingo olei Musa wolei Haruna. Uali mongolio mao̒, “Timongoli malomate umati lo Eeya yila-yilateelo mao̒.”