PILOTIMUA̒TA 13:21 - KITABI HABARI MOPIOHE

²¹ Tou̒ dulahu Eeya lonao̒ totalu limongolio todelomo wolihi heengo wau tou̒ hui Tio mulomulo woli mongolio todelomo wolihi tulu u mopotunu mao̒ dalalo. Lou̒ odito timongolio mowali monao̒ hui wau dulahu.

PILOTIMUA̒TA 13:21 ပူးပေါင်းရင်းမြစ်များ

NEHEMIA 9:12

Wolo heengo ngopita hetilau̒wa lo Eeya timongolio tou̒ dulahu. Wau tou̒ hui dalalio hetilinela mai lo Eeya wolo wolihi patoo̒ tulu.

NEHEMIA 9:19

Bo to delita boito timongolio diila tilolaa lo Eeya, sababu Eeya polupolu lo ponu. Wolihi patoo̒ heengo wau tulu diila luli pilahuto Eeya, potuhata to dalaali mongolio tou̒ dulahu wau tou̒ hui.

JABURU 105:39

Allahu Taa̒ala lomua̒de heengo u lohunggubei umati-Lio, wau tulu u lopobaango tou̒ hui.

JABURU 68:7

Allahu Taa̒ala helongohi tambati potibiluloa̒ totaa u tutuuwau; Eeya helo lopato taulo tutupa tilinggula timongolio silanangi tutu. Bo tau-tauwalo tahipo luwalia to Eeya musi motibiluloa̒ tohuta u mohengu wau diila molomiodu.

JABURU 77:20

Eeya monao̒ molibaya buo̒olo, monao̒ mobalango auhu, bo baa̒to Eeya diila oontonga.

JABURU 78:14

Eeya lodelo olimongolio wolo heengo tou̒ dulahu wau wolo baango tulu oo̒onua.

JABURU 99:7

Monto patoo̒ heengo Eeya helo tahuda toli mongolio, timongolio lodungohe to ngoa̒amila butoo̒ wau palenta lo Eeya.

PILOTIMUA̒TA 10:10

Uali olongia, “Diila pongalo aakali wau̒ mopoluli mao̒ olimongoli modelo mongobua wau mongo walau̒mu! U pilohile limongoli boito tutuuwauwa wambao̒ wolo mohalapu olau̒ mohile ode Eeya u mobalakati mai olimongoli. Malo patatai olau̒ deu̒ timongoli o makusudu moleeto.

PILOTIMUA̒TA 16:10

Tou̒ tei Haruna donggo hemobisala mao̒ ode limongolio ngoa̒amila, timongolio helo milohe mota ode huta udatahu wau luasi udelita wau debolo tinelo Eeya maa iloontonga mola todelomo heengo.

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

LAHU MOLAMAHU 3:6

Wolo uito u leidungga mai lonto huta datahu wau luasi udelita, mohaamawa wolo bongga lopoloo̒? Woonulio debo odelo damahu moonu wau alama, wau babaa-daa̒awalo moonu lonto daahangi.

YIA̒APO 10:34

Wonu bolo timongolio momonggata monto tambati u potikemaalo, heengo lo Eeya laito woluo toitaato limongolio tou̒ dulahu.

YIA̒APO 14:14

wau timongolio mamo hungguli mao̒ ode tau-tauwala tolipu botie, tamalo dungoheo̒ deu̒ Eeya, Eeya, pee̒-pee̒enta wolo mongowatotia. Timongolio malo dungohe olo deu̒ Eeya lopo bilohei batanga ode mongowatotia tou̒ Eeya lonao̒ totalu lo mongowatotia todelomo patoo̒ heengo tou̒ dulahu, wau todelomo patoo̒ tulu tou̒ hui.

TINGULI 1:33

tanao̒-nao̒ totalu limongoli u hemololohe tambati potikemawa limongoli. Tio lopo bilohei dalala olimongoli tou̒ hui todelomo patoo̒ tulu, wau tou̒ dulahu todelomo patoo̒ heengo.”

TINGULI 31:8

Eeya lohihilao tamodelo wau motulungi mai olemu. Tio diila tamopo kikiio̒ hilao meaalo mololaa mao̒ olemu. Sababu uito diila mao̒ oohe meaalo molawalo.”