PILOTIMUA̒TA 13:19 - KITABI HABARI MOPIOHE

¹⁹ Tei Musa lodelo tutuu-lalowaalo lei Yusu, sababu tou̒ tio donggo tumu-tumulo tei Yusu malo poa̒hu ode taulo Isirai̒lu helo tadia u mohutu mao̒ odito. Odie mola tahuli lei Yusu, “Tou̒ Allahu Taa̒ala molopatao̒ olimongoli, milateu̒ musi deloo mota limongoli monto tambati botie.”

PILOTIMUA̒TA 13:19 ပူးပေါင်းရင်းမြစ်များ

ILOOWALI 48:21

Lapatao̒ malo loi̒ya tei Yako odelei Yusu, “Debo odelo oontongamu mao̒, opopateu̒ diilalo mohiheo, bo Allahu Taa̒ala mamo tulungi mai olimongoli wau modelo olimongoli muli mohualinga ode lipu loluuhurumu.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

LUKASI 1:58

Mongo tiheedio wau mongo pohutatalio loo̒dungohe malo odito piohio Eeya toli Elisabet, wau timongolio olo lodudua̒ lotiwengahe wolio.

LUKASI 7:16

Ngoa̒amila tau mailoohe wau mahi pomujia Allahu Taa̒ala. Timongolio loloi̒ya, “Ngotaalio lonabi daa̒ maa yilumenetai tohuunginto! Allahu Taa̒ala maledungga mai mopoa̒ahu umati-Lio!”

WUNGGULI LOMONGO RASULU 7:15

Yi tei Yako malo limbata ode Masiri wau mota teteetolo tio woli nene moyaanto yilate.

WUNGGULI LOMONGO RASULU 7:16

Milate limongolio lapatao̒ luli pilohualingo ode Sikhem wau yilobungio tokuubulu u matilali lei Abraham wolo ngojumula doi lonto suku bangusa lo Hemor to Sikhem.

IBRANI 11:22

Sababu o iimani, yi tei Yusu – tou̒ wimbideo̒ mate – lobisala pasali umati lo Isirai̒lu yilumualai lonto Masiri, wau lololaa mao̒ tahuli pasali wolo u musi pohutuwolo to milatelio.

YOSUA 24:32

Milate lei Yusu u dilelo mai lo umati Isirai̒lu lonto Masiri, yilobungio to Sikhem tohuta u matilali mao̒ lei Yako ngohalaga ngohetuto doi talaa̒ lonto mongo walae̒e Hemor, tiyamo lei Sikhem. Huta boito pilopo walisiilio ode wali mola lei Yusu.