PILOTIMUA̒TA 13:18 - KITABI HABARI MOPIOHE

¹⁸ Sababu uito Allahu Taa̒ala malodelo olimongolio loli dalalo u lohelili lolibaya tohuta udatahu wau luasi udelita lotidulunga ode Deheto Gelaga. Tou̒ lololaa mao̒ Masiri, tau-tauwalo Isirai̒lu boito otingolo debo odelo u mamopaatea.

PILOTIMUA̒TA 13:18 ပူးပေါင်းရင်းမြစ်များ

ILOOWALI 50:25

Lapatao̒ tei Yusu helo poa̒hu mao̒ ngoa̒amila mongo pohutatalio lotadia, ualio mao̒, “Podantilo mai olaatia, deu̒ wonu bolo Allahu Taa̒ala modelo mota olimongoli ode lipu boito, timongoli mamodelo olo milate lowatia.”

JABURU 107:7

Eeya lodelo olimongolio lolibaya dalalo u motulidu ode tambati biluloa̒alo tokota.

JABURU 136:16

Tilau̒wa lo Eeya umati-Lio lolibaya huta datahu wau luasi udelita; ponu lo Eeya ohiheo-hiheolo mao̒ diila opulitio.

JABURU 68:8

Yaa Allahu Taa̒ala, tou̒ Eeya helodelo umati lo Eeya lonao̒ lolibaya tohuta udatahu wau luasi u mohengu,

PILOTIMUA̒TA 12:51

Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.

PILOTIMUA̒TA 14:2

“Ahulilo mota taulo Isirai̒lu muli mohualinga wau motitikema totalu lokota Pi-Hahirot, towolota lokota Migdol wau Deheto Gelaga, totili lokota Baal-Jepon.

PILOTIMUA̒TA 14:9

Suludadu lo Masiri wolo ngoa̒amila wadala, kaleta wau jokilio helo hilapita taulo Isirai̒lu, wau lohunuhee mota olimongolio topilo tikemawa limongolio topentadu totili lo Pi-Hahirot.

TINGULI 17:16

Olongia diila mowali motolo miliki wadala dadaata duo̒lo suludadulio wau diila mopoa̒hu bangusa botie muli mohualinga ode Masiri mola matali mai wadala, sababu Eeya malo tahuda mai deu̒ umati-Lio diila mowali muli mohualinga mola ode lipu boito.

TINGULI 32:10

Tio loo̒dungga olimongolio donggo hinao̒wa ode utoonulalo mao̒ totambati u moliilo tohuta luasi udiila tilolopani. Lapatao̒ Tio loduo̒la wau lolaalao̒ olimongolio wau helodaaha olimongolio debo odelo milikii-Lio.

YOSUA 1:14

Ngoa̒amila walao̒ wau dile taabua limongoli boli bibiahi mongoli mowali motibiluloa̒ tewe, bo tamoo-hipatea limongoli musi motidapato mopaatea wau motimulo wolo tau-tauwalo Isirai̒lu wewolio mobalanga mota Dutulaa Yordan.

YOSUA 4:12

Tutuuu̒de lou̒ pilomalentao̒ lei Musa, tamo-hipatea lonto suku Ruben, Gad wau ngotayadu suku Manasye, maleimulo lobalango dutulaa.

YOSUA 4:13

Ngoa̒amilalo wopato pulu lolihu lota mongo lolai̒ tao̒ tingolo wau dapa-dapato u mopaatea. Totalu lo Eeya, timongolio lobalango lotidulunga ode datahu moopa totili lo Yerikho.