PILOTIMUA̒TA 13:17 - KITABI HABARI MOPIOHE

¹⁷ Lapatao̒ ti olongia lo Masiri lopoluli mao̒ bangusa lo Isirai̒lu lonao̒, Allahu Taa̒ala diila lodelo olimongolio loli dalalo u lumaode tolipu lo Pilistina, eloponu dalalo boito mongabuta daa̒. Allahu Taa̒ala malo mikiilangi mola, “Diila bolo tau-tauwala boito molee̒ wonu moo̒onto mao̒ deu̒ timongolio musi mopaatea, lapatao̒ muli mohualingai ode Masiri.”

PILOTIMUA̒TA 13:17 ပူးပေါင်းရင်းမြစ်များ

BOHULO MONGO OLONGIA 8:47

pohileaala dua̒ Eeya modungohe dua̒ limongolio. Wonu bolo tolipu boito timongolio mololaa mao̒ duduu-sawaalo limongolio, wau modua̒ mola ode Eeya sambela motolongaku mao̒ deu̒ timongolio mailodusa wau helohutu u moleeto, ambunguolo dungohilo mai dua̒ limongolio, yaa Eeya.

NEHEMIA 9:17

Timongolio diila lodungohe, wau totoonulalo opopiohu lo Eeya hepilalongi mongolio, wau ngoa̒amila huhutu u moo̒linggolabe lonto Eeya heilooli lonto pikiilangi limongolio. Wolo mangimangi timongolio helo lulaotao̒ tau̒wa ngota, u lodelo olimongolio ode Masiri, luli lowali wato. Bo Eeya Allahu Taa̒ala tamotohilaa momaa̒apu mai, diila opulita lo sabali, mura lohilao wau polupolu lo ponu. Ponu lo Eeya otutu polu-polutuo̒; Eeya diila lololaa olimongolio.

PILOTIMUA̒TA 14:10

Tou̒ taulo Isirai̒lu loo̒onto oli olongia lo Masiri wau suludadulio dulu-dulungai, timongolio mailoohe daa̒ wau longuatio̒ ode Eeya lei̒ tulungi.

WUNGGULI LOMONGO RASULU 15:38

bo tei Paulus molaasa diila mopiohe modelo olei Markusi, tadiila mohuto mokalaja pee̒-pee̒enta woli mongolio wau malo lolaa mao̒ olimongolio to Pampilia.

WUNGGULI LOMONGO RASULU 7:39

Openu boli odito tinene moyaanto diila lohuto lodungohe olio. Timongolio diila lololimo olio wau ohilaa muli mohualinga ode Masiri.

TINGULI 17:16

Olongia diila mowali motolo miliki wadala dadaata duo̒lo suludadulio wau diila mopoa̒hu bangusa botie muli mohualinga ode Masiri mola matali mai wadala, sababu Eeya malo tahuda mai deu̒ umati-Lio diila mowali muli mohualinga mola ode lipu boito.

TINGULI 20:8

Mongo polowila olo musi moloi̒ya utie ode limongoli, ‘Wolo woluo towolota limongoli taa molingu wau moohe? Wonu woluo, tio mowali mohualingolo, alihu tio diila mao̒ mongantulu sumangati lotaa wewo.’

TINGULI 28:68

Eeya mamuli molao mola olimongoli ode Masiri wolo kaapali, penu boli Tio malo tahuda mai deu̒ timongoli diilalo powalingo-Lio mola ode Masiri. Mola teto timongoli mamo tolopani mopotali lobatanga limongoli odelo wato tomuusu limongoli, bo diaaluo penu boli ngotaa mao̒ tamohuto motali olimongoli.”

IBRANI 11:27

Sababu o iimani, yi tei Musa lololaa mao̒ Masiri lou̒ diila lolaasa yiloohe to oyiyingo li olongia. Tei Musa lomaju lotidulunga ode patujulio debo odelo tio maloo̒onto Allahu Taa̒ala tadiila oontonga boito.

MONGO HAKIMU 7:3

Oditolio, pomalaa-lumualo mao̒ ode tahidudua̒ olemu, ‘Tatoonu tamolaasa moohe, musi hua̒a mololaa mao̒ Hui̒dee Gilead botie wau muli mohualinga ode belelio.’ ” Yi woluo dulo pulaa dulolihu lota talo hualinga; wau bo mopulu lihulota taleitolaa.