PILOTIMUA̒TA 13:15 - KITABI HABARI MOPIOHE

¹⁵ Tou̒ ti olongia lo Masiri helo tibaa̒ngi wau diila lohuto lopoluli mao̒ olanto lonao̒, Eeya helomate yila-lateelo mao̒ timii̒du walao̒ talolai̒ mohuhula daa̒ to Masiri mopio walao̒ Manusia meaalo walao̒ bibiahu. Uitolo sababuulio ito mopobake mao̒ ode Eeya timii̒du bibiahe ulai̒ u pilotutu mai bohulio, bo tolotanto mao̒ mongo walao̒nto tamohuhula daa.’

PILOTIMUA̒TA 13:15 ပူးပေါင်းရင်းမြစ်များ

JABURU 105:36

Lapatao̒ hepilate lo Eeya walao̒ talolai̒ tamohuhula daa̒ todelomo timii̒du ngaalaa̒ taulo Masiri.

PILOTIMUA̒TA 12:29

Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒.

PILOTIMUA̒TA 3:19

Lapatao̒ Allahu Taa̒ala luli lotahuda mai, “Otaawa-U̒ olongia lo Masiri diila tamopoluli olimongoli monao̒, ngopohia wonu tio pakusaalo.

PILOTIMUA̒TA 34:20

bo timongoli musi motolotao̒ walao̒ kolodai ubohulo pilotutu mai wolo mopodewo mao̒ walao̒ himba tuwau odelo tuloi̒o. Wonu timongoli diila mohuto motolotao̒, buloo̒ lokolodai boito musi bolia mao̒ limongoli. Timii̒du walau̒mu talolai̒ tamohuhula daa̒ musi tolota mao̒ limongoli. Diaaluo penu boli ngotaa mao̒ tamowali monao̒ mai ode ola-U̒ wonu diila modelo mai podewo.

PILOTIMUA̒TA 4:23

wau yio̒ maa pilalenta-U̒ mai u mongohi mao̒ walau̒u-U̒ boito monao̒ alihu tio mowali moi̒baadati to ola-U̒, bo yio̒ diila mololimo. Botia Wau̒ mamomate walau̒mu tamohuhula daa̒ mate-mateelo mao̒.’ ”

YIA̒APO 18:15

Ngoa̒amila u bohulo pilotutu mai towolota lomanusia meaalo binatangi upilodewo taulo Isirai̒lu ode Olau̒, deu̒yito-yito tayadi mongoli. Bo timongoli musi motolotao̒ mongo walau̒mu tamohuhula daa̒, olo walao̒ binatangi haramu ubohulo pilotutu mai.

YIA̒APO 3:46

Sababu mongo walao̒ talolai̒ mohuhula daa̒ lo Isirai̒lu dulo hetuto pitu lopulaa toulota lebe dadaata mao̒ wolo jumula tau-tauwalo Lewi, yi ulebelio boito musi tolota mao̒ limongoli.