PILOTIMUA̒TA 13:14 - KITABI HABARI MOPIOHE

¹⁴ Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:14 ပူးပေါင်းရင်းမြစ်များ

ILOOWALI 30:33

De todulahee momooli lou̒ gambangi mowali otaawa mao̒ li Oomu wolo watia malohutu juujulu. Wonu bolo ti Oomu monao̒ mai momalakisao̒ wuupa lowatia, wau moo̒onto mao̒ woluo batade u diila hibonto-bontoa̒a meaalo tambala, meaalo himba udiila moitomo, yi otaawa mao̒ li Oomu deu̒ binatangi boito matilao̒ mai lowatia.”

BOHULO TAWARI 16:12

Wuu wali mai lei Yako, wato lo Allahu Taa̒ala! Wuu wali mai lo Isirai̒lu, umati tatilulao-Tio! Eelailo mola ngoa̒amila moo̒linggolabu u pilohutu-Lio, diila mao̒ lipata totoonulalo putuusani-Lio.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 136:11

Isirai̒lu dilepito Eeya yilumuala lonto Masiri; ponu lo Eeya ohiheolo mao̒ diila opulitio;

JABURU 145:4

Wawaalia mola tau mamomuji huhutu lo Eeya wau mopololadu olooloto lo wau obobuheli daa̒ lo Eeya.

JABURU 78:4

Amiaatia diila mohuto modepuheo̒ tomongo walao̒ lamiaatia; ami motohilaa mopololadu to hilaide u momooli mola pasali kawasa lo Eeya wau huhuu-hutuuwalo Eeya u udaa̒, boli huhuu-hutuuwalo Eeya u moo̒linggolabu.

PILOTIMUA̒TA 10:2

wau alihu yio̒ moo̒ wungguli mao̒ towalao̒ wau wombumu woloolo mola Wau̒ mopoitohe bangusa lo Masiri wolo u moo̒linggolabe boito. Yi timongoli mamotota mao̒ deu̒ Wau̒lo Eeya.”

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 13:8

To bohulo lameyangi boito timongoli musi mohungguli mao̒ ode walau̒mu talolai̒ deu̒ ngoa̒amila boito pilohutu limongoli kalana totoonulalo u mapilohutu lo Eeya olemu tou̒ timongoli lololaa mao̒ lipu lo Masiri.

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 6:1

Allahu Taa̒ala lotahuda mao̒ odelei Musa, tahudaa-Lio, “Wau̒lo Eeya.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

DANIALI 9:15

Oo Eeya, Allahu Taa̒ala lo mongowatotia, Eeya malopo bilohei kawasa lo Eeya wolo lodelo umati lo Eeya yilumualai lonto Masiri, wau kawasa lo Eeya boito debo donggo tolo eela. Mongowatotia mai̒lodusa wau helohutu totala.

WUNGGULI LOMONGO RASULU 13:17

Allahu Taa̒ala lobangusa Isirai̒lu malo lulaoto linene moyaanto, wau lohutu mai bangusa botie bangusa udaa̒ tou̒ timongolio hibiluloa̒wa to Masiri debo odelo tau deli. Lapatao̒ wolo kawasa uleidaa̒ lo Allahu Taa̒ala lodelo olimongolio yilumualo lonto Masiri.

TINGULI 5:15

Eelai mola deu̒ timongoli muloololio mai pilowatolio to Masiri, lapatao̒ bilebasia lo Eeya Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

TINGULI 5:6

‘Wau̒lo Eeya Allahu Taa̒ala limongoli talodelo mai olimongoli yilumualao̒ lonto Masiri, tambati limongoli pilowatolio olimongoli.

TINGULI 6:12

yi poo̒dahai mao̒ tio̒otutua alihu timongoli diila mao̒ molipata to Eeya tamalo lopata olimongoli lonto Masiri, tambati limongoli pilowato.

YOSUA 22:24

Diila maa uito makusudu lami, Mongo wutato! Ami mopotihulo mesba boito, sababu ami molawalo de todulahee momooli wali mola limongoli mamoloi̒ya ode wali mai lami, ‘Timongoli diila owumbuta lolo-loolo wolo Eeya, Allahu Taa̒ala lo Isirai̒lu!

YOSUA 24:17

Eeya Allahu Taa̒alaantolo tahe lolopato mongo loluuhurunto wau ito lohihilao lonto polowato to Masiri. Ito maloo̒onto ngoa̒amila moo̒linggolabe u pilohutu lo Eeya. Laito Eeya hemoduo̒lai olanto todelomo nonao̒onto, lumaode to lilii-puwaalo deli.

YOSUA 4:6

Boboo-tuwaalo boito mamopoe̒ela to bangusa botie tou̒ wolo u mapilohutu mai lo Eeya. Todulahee momooli wonu mongo walau̒mu mohintu mao̒ wolo boliilio boboo-tuwaalo botie olemu,

MONGO HAKIMU 6:8

Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.