PILOTIMUA̒TA 13:13 - KITABI HABARI MOPIOHE

¹³ bo timii̒du kolodai ulai̒ ubohulo potutu mai musi tolotalo monto Eeya wolo mopobake mao̒ walao̒ himba odelo tuloi̒o. Wonu timongoli diila mohuto motolotao̒ kolodai boito, buloi̒o musi boliyolo. Timii̒du walau̒mu talolai̒ pilotutu mai bohulio musi tolotalo.

PILOTIMUA̒TA 13:13 ပူးပေါင်းရင်းမြစ်များ

PILOTIMUA̒TA 12:21

Tei Musa lotiangai ngoa̒amila tau̒wa lo Isirai̒lu wau loloi̒ya mao̒ ode limongoli, “Ponao̒lo wau hamaalo mao̒ ode ngaalaa̒mu walao̒ himba tuwau duo̒lo lameyangi lo Paska.

PILOTIMUA̒TA 12:3

Potunggula mao̒ palenta botie ode ngoilanggubu umati lo Isirai̒lu: Todulahee opululio hulalo botie, timii̒du talolai̒ musi mongolotao̒ walao̒ himba tuwau u tamelolo pee̒-pee̒enta wolo ngaalaa̒lio.

PILOTIMUA̒TA 13:2

“Podewowalo ngoa̒amila walao̒ mongo lolai̒ mohuhula daa̒ ode ola-U̒. Timii̒du walao̒ mongo lolai̒ mohuhula daa̒ lo Isirai̒lu, wau timii̒du bibiahe ulai̒ u pilotutu mai bohulio, deu̒yito-yito hakuu-U̒.”

PILOTIMUA̒TA 34:20

bo timongoli musi motolotao̒ walao̒ kolodai ubohulo pilotutu mai wolo mopodewo mao̒ walao̒ himba tuwau odelo tuloi̒o. Wonu timongoli diila mohuto motolotao̒, buloo̒ lokolodai boito musi bolia mao̒ limongoli. Timii̒du walau̒mu talolai̒ tamohuhula daa̒ musi tolota mao̒ limongoli. Diaaluo penu boli ngotaa mao̒ tamowali monao̒ mai ode ola-U̒ wonu diila modelo mai podewo.

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.