PILOTIMUA̒TA 12:48 - KITABI HABARI MOPIOHE

⁴⁸ Taa diila tiluuna diila mowali molamela ua̒alo lo potihunggu boito. Wonu tau deli ngota tamalo titatapu to olimongoli ohilaa mopolame mao̒ Paska u mohulumati ola-U̒, Eeya, ngoa̒amila mongo lolai̒ todelomo ngaalaa̒lio musi tunaapo meimulo. Lapatao̒ uito bolo timongolio mowali anggapuolo debo odelo taulo Isirai̒lu puluwa, wau mowali moduduo̒ lameyangi lo Paska.

PILOTIMUA̒TA 12:48 ပူးပေါင်းရင်းမြစ်များ

ILOOWALI 17:11

Tumulalo mai botia yio̒ musi moluuna mao̒ timii̒du walao̒ unge mongo lolai̒ tao̒ umulu walu hui, tuwotuwoto mongo wato tapilotutu mai tobelemu meaalo tatilalimu. Tuuna boito mamowali tuoto lo daantia to wolota-U̒ woli mongoli.

PILOTIMUA̒TA 12:43

Eeya lotahuda odelei Musa wolei Haruna, “Ui-utieelo wuu̒du lameyangi lo Paska. Tau deli diila mowali molamela tapu lohimba u pilodewo todulahu Paska.

YEHESKIEL 14:7

Timii̒du tau lo Isirai̒lu meaambo tau deli taa hibiluloa̒awa to wolota bangusa lo Isirai̒lu, taa lopohalahe ola-U̒ wau lopopalacaya batangaalio ode balahala, lapatao̒ lei̒ nasehati to ngotaalio lo nabi, maa tameta-U̒ mai lohihilao.

YEHESKIEL 44:9

Wau̒, Eeya Taa Laba-labaalo molanggato, mopo malalumu mai deu̒ tau deli tadiila tiluuna wau taa u diila modungohe ola-U̒, diila mowali tumuwoto ode Belee-U̒. Uito pohupohutu olo ode tau deli tabilu-biluloa̒ tohuungo bangusa lo Isirai̒lu.”

YEHESKIEL 47:22

wau huta boito yito milikiimu u ohiheo-hiheolo mao̒. Tau-tauwalo deli tahi biluloa̒wa to huungimu, wau omongo walao̒ tapilotutu mai teto, musi olo moo̒tapu tayadu monto huta boito. Timongolio musi anggapuola odelo ngaalaa̒ talea-leaatu bangusa lo Isirai̒lu, wau timongolio musi modudua̒a pahutolo u moo̒tapu mao̒ huta tou̒ huta boito mataya-tayaadulo towolota susuu-kuwaalo Isirai̒lu.

IMAAMATI 19:34

Pohutua mao̒ timongolio debo odelo timongoli mopohutu mao̒ tau-tauwalo ngobangusa limongoli wau tolia̒ngi mao̒ timongolio debo odelo timongoli motolia̒ngo batanga limongoli lohihilao. Eelai mola deu̒ timongoli olo mapee̒enta tilumumulo odelo tau deli to Masiri. Wau̒lo Eeya Allahu Taa̒ala limongoli.

YIA̒APO 9:14

Wonu bolo towolota limongolio woluo tau deli ngota u motohilaa mopolame mao̒ Paska, yi tio musi mopolame mao̒ motuuu̒de wolo ngoa̒amila wuu̒du utilantu mao̒. Butoo̒ boito pohu-pohutu ode timii̒du tau, mopio taulo Isirai̒lu meaalo tau deli.”

GALATIA 3:28

Todelomo sua̒li botie diilalo pilopo woluo polohiheede towolota taulo Yahudi wau taa diila Yahudi, towolota lowato wau taa lolopato, towolota talolai̒ wau taabua. Wutato ngoa̒amilalo tuwau sababu ti Isa Almasi.

KOLOSE 3:11

Odelo akibati leeto boito madiduu̒ ngoa̒amila polo hiihede towolota taulo Yahudi wau diila Yahudi, taa tiluuna wau taa diila tiluuna, diduu̒ polo hiihede towolota lotaa deli wau taa diila oa̒dabu, towolota lowato wau taa lolopato, sababu ti Almasi yito ngoa̒amilalo sama-samaata wau Tio lotituwau woli mongolio ngoa̒amilalo!