PILOTIMUA̒TA 12:43 - KITABI HABARI MOPIOHE

⁴³ Eeya lotahuda odelei Musa wolei Haruna, “Ui-utieelo wuu̒du lameyangi lo Paska. Tau deli diila mowali molamela tapu lohimba u pilodewo todulahu Paska.

PILOTIMUA̒TA 12:43 ပူးပေါင်းရင်းမြစ်များ

OLUO TAWARI 30:18

Ngopohia leeto, to wolota tau-tauwalo Epraim, Manasye, Isakhar, wau Jebulon, dadaata talonao̒ mai lou̒ diila helo pomantali batanga leimulo. Oditolio, timongolio helo porame Paska boito lou̒ diila lopoo̒polu danti. Sababu uito ti Olongia Hiskia lodua̒ mola odeli mongolio, ualio mao̒,

PILOTIMUA̒TA 12:11

Tou̒ molamela timongoli musi mahipakea wolo wimu-wimumuto duo̒lo nonao̒ limongoli, wolo sandale to oa̒ato wau tunggudu to uluu̒. Timongoli musi lingga-linggabu molamelo. Ui-uitolo lameyangi lo Paska u mohulumati ola-U̒, Eeya.

PILOTIMUA̒TA 12:48

Taa diila tiluuna diila mowali molamela ua̒alo lo potihunggu boito. Wonu tau deli ngota tamalo titatapu to olimongoli ohilaa mopolame mao̒ Paska u mohulumati ola-U̒, Eeya, ngoa̒amila mongo lolai̒ todelomo ngaalaa̒lio musi tunaapo meimulo. Lapatao̒ uito bolo timongolio mowali anggapuolo debo odelo taulo Isirai̒lu puluwa, wau mowali moduduo̒ lameyangi lo Paska.

YEHESKIEL 44:7

Timongolio malo ponajisi Belee-U̒, sababu tou̒ tabo wau duhu lobake donggo hepodewolo ode Olau̒, timongolio helo poluasi totau-tauwalo hideelia tadiila tiluuna tilumuwota ode delomio, wau tadiila modungohe ola-U̒. Wolo totoonulalo huhutu limongolio u moo̒olonuo̒ boito, timongolio malo lambanga daantia-U̒ woli mongolio.

IMAAMATI 22:10

Dewo u piloheetu ode Olau̒ bo mowali tamelola longaalaa̒ li iimamu boito lohihilao; taa wewo diila mowali, eleponu tau boito ngobele woli iimamu boito meaalo taa hewuupalio.

IMAAMATI 22:13

Bo walao̒ taabua li iimamu tamaa lowali janda meaalo tatilalaki wolo diila loo̒tapu walao̒ lapatao̒ luli lohualinga ode bele liyamolio wau lowali banta-banta olio, mowali molamelao̒ ua̒alo tayadu liyamolio. Bo ngaalaa̒ li iimamu wambai̒o tamowali molamela dewo boito.

YIA̒APO 9:14

Wonu bolo towolota limongolio woluo tau deli ngota u motohilaa mopolame mao̒ Paska, yi tio musi mopolame mao̒ motuuu̒de wolo ngoa̒amila wuu̒du utilantu mao̒. Butoo̒ boito pohu-pohutu ode timii̒du tau, mopio taulo Isirai̒lu meaalo tau deli.”

EPESUS 2:12

Tou̒ boito timongoli diila lotituwau woli Almasi, timongoli yito tau deli tadiila leituwoto umati tilulaoto Allahu Taa̒ala. Timongoli diila leituwoto tobuuhuta lo daantia upilohutu lo Allahu Taa̒ala wolo umati-Lio. Timongoli tumutumulo todelomo dunia botie lou̒ dia halapani wau lou̒ dia Allahu Taa̒ala.

BOHULO SEMUEL 2:27

Tou̒ dulahee tuwau malonao̒ mai nabi ngota odelei Eli wau lopo tunggulao̒ tahuli lo Eeya to olio, tahuda-Lio mao̒, “Tou̒ loluuhurumu tei Haruna wau ngaalaa̒lio lowali wato li olongia lo Masiri, Wau̒ malo poi̒laalo batanga-U̒ ode lei Haruna.