PILOTIMUA̒TA 12:41 - KITABI HABARI MOPIOHE

⁴¹ Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 12:41 ပူးပေါင်းရင်းမြစ်များ

ILOOWALI 50:24

Ualio mao̒ ode mongo wutatio, “Opopate lowatia malembidei, bo Allahu Taa̒ala tantu mamolaalao̒ olimongoli wau modelo olimongoli lumualao̒ monto lipu botie, ode lipu u mapilo danti-Lio mai wolo tadia odelei Abraham, Isihaka wolei Yako.”

BOHULO MONGO OLONGIA 6:1

Tei Salomo lolumulo lomangu Bele lo Eeya tohulalo Jiw, deu̒yito-yito tohulalo oluolio, todelomo taunu opatio lo pamalentalio, wopato hetuto walu lopulu lotaunu mola lapatao̒ bangusa lo Isirai̒lu lololaa mao̒ Masiri.

OLUO TAWARI 14:12

Tulusi tei Asa wau suludadu lo Yehuda loluhu suludadu lo Sudan. Eeya lopoo̒laaheo̒ suludadu lo Sudan tilinggula timongolio tilumeteo̒.

JABURU 102:13

Bo Eeya, yaa Eeya, Olongia u ohiheo-hiheolo mao̒, debo eelaalo wawaalia mola.

JABURU 114:1

Tou̒ bangusa lo Isirai̒lu yilumualo lonto Masiri, tou̒ wali lei Yako lololaa mao̒ lipu deli,

JABURU 136:11

Isirai̒lu dilepito Eeya yilumuala lonto Masiri; ponu lo Eeya ohiheolo mao̒ diila opulitio;

PILOTIMUA̒TA 12:17

Todulahee boito ngoilanggubu bangusaamu deloo-U̒ lumualo monto Masiri. Sababu uito duo̒lo wumbutio mola tulusi, timii̒du taunu, dulahu boito musi poe̒ela mao̒ limongoli odelo dulahu buka.

PILOTIMUA̒TA 12:51

Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:16

Uu̒udu boito mowali poe̒ela ode olanto debo odelo tuoto u tilihuto to uluu̒ meaalo to bayanto. Lou̒ odito ito madebo poe̒elalio deu̒ Eeya malo polualao̒ olanto lonto Masiri wolo kawasa uleidaa̒.”

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 3:10

Botia yio̒ laolo-U̒ mola motaalua woli olongia lo Masiri alihu yio̒ mowali modelo bangusaa-U̒ lumualao̒ monto lipu boito.”

PILOTIMUA̒TA 3:8

Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 6:26

Timongolio duulota mola lotaalua woli olongia lo Masiri alihu tio molopata taulo Isirai̒lu.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 7:4

Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

DANIALI 9:24

Poo̒opitu piu̒wa pitu lopulu lotaunu mola yito maasa u tilantu lo Allahu Taa̒ala u molopato bangusaamu wau kotamu umantali boito monto dusa wau ololeeto. Totoonulalo dusa maa ambunguolo wau oa̒adili u ohiheo-hiheolo mao̒ mapotihulolo, tilinggula bibilohe wau laamalani boito mamowali moi̒laalo, wau Bele lo Eeya umantali boito mamuli motaa̒luku wau mohulumati to Eeya.

IMAAMATI 23:43

alihu otaawa lo waliimu mola deu̒ Eeya mopoa̒hu mao̒ bangusa lo Isirai̒lu motibiluloa̒ todelomo wowoo-mboheyalo ubiasa, tou̒ Tio lodelo olimongolio yilumualao̒ lonto Masiri. Tio-tiolo Eeya Allahu Taa̒ala limongoli.

HABAKU 2:3

Tuladeelo uito, sababu masaatia diipo wakutuulio. Bo saaa̒ti boito hua̒a meidungga, wau wolo u poilaalo-U̒ mai olemu tantu mamotoduo mai. Eleponu oontongonga mao̒ donggo mohiheo mai, bo yimailo wambao̒! Saaa̒ti boito tantu mamei dungga wau diila talohuduolo.

YIA̒APO 23:22

Allahu Taa̒ala talodelo olimongolio yilumualao̒ lonto Masiri; debo odelo sapi oa̒yuwa molinggelo tio motuuhua duo̒lo olimongolio.

YIA̒APO 33:1

Lapatao̒ bangusa lo Isirai̒lu lololaa mao̒ Masiri, todelomo baliisani lodudua̒ suku lobangusa ngota-ngota to tau̒wa lei Musa wolei Haruna, timongolio malo hepita tongoolo tambati.

YAHYA 7:8

Ponao̒lo timongoli lohihilao ode lameyangi boito. Wau̒ diila monao̒ sababu diipo wakutuulio ola-U̒.”

WUNGGULI LOMONGO RASULU 1:7

Ti Isa lolametao̒, “Ti Paapa-U̒ lohihilao tamolantu mai dulahu wau wakutuulio. Uito diila palalu otaawa limongoli sababu uito haku li Paapa-U̒.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

TINGULI 16:1

“Polamea mao̒ Paska tohulalo Abib u mohulumati to Eeya Allahu Taa̒ala limongoli, sababu todelomo hulalo boito, tou̒ hui, Tio helo lopato olimongoli lonto Masiri.

TINGULI 4:37

Sababu Tio momonu loluuhuru limongoli, yi timongoli matilulao-Tio; wolo kawasaa-Lio uleidaa̒, timongoli madilelo-Lio yilumualao̒ lonto Masiri.

YOSUA 24:5

Lapatao̒ Wau̒ malolao olei Musa wolei Haruna, wau helo podungga baala udaa̒ ode yitaato lo Masiri, lapatao̒ Wau̒ lopolualao̒ olimongoli mola lonteeto mai.

YOSUA 5:14

“Diila tamani, wau olo diila laawani,” tametao̒ lotau boito. “Wau̒ lonao̒ mai odia odelo eyaanggu suludadu lo Eeya.” Loo̒dungohe uito tei Yosua hua̒a losujudulo mola wau lolubo tau boito. Lapatao̒ tei Yosua loloi̒ya mao̒, “Watotia botie wato li Tuani. Wolo u mowali pohutuo lo watotia odeli Tuani?”