PILOTIMUA̒TA 12:28 - KITABI HABARI MOPIOHE

²⁸ Lapatao̒ timongolio malonao̒ wau helohutu mao̒ wolo u pilo malentai lo Eeya odelei Musa wolei Haruna.

PILOTIMUA̒TA 12:28 ပူးပေါင်းရင်းမြစ်များ

OLUO LO SAMUEL 5:25

Tei Dauda lopohutu mao̒ wolo upiloa̒hu lo Eeya, wau tio ilohaasili lopotouli taulo Pilistin lonto Geba demola Gejer.

BOHULO MONGO OLONGIA 17:5

Tei Elia lodudua̒ palenta lo Eeya boito, wau lonao̒ mota ode walao̒ dutulaa Kerit tulusi lotibiluloa̒ mota teto.

PILOTIMUA̒TA 12:27

Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ” Yi loti bonggohuu̒lo mola tau-tauwalo Isirai̒lu wau helolubo.

PILOTIMUA̒TA 12:29

Tomutaa̒ lou̒ hui boito Eeya helomate yila-yilateelo mao̒ ngoa̒amila walao̒ talolai̒ mohuhula daa̒ bangusa lo Masiri, tumulalo mai walai̒ olongia tunggula walao̒ tau-tauwalo tahi tahangia totutupa. Ngoa̒amila bibiahu ubohulo pilotutu mai olo pilatelio yilate-yilateelo mao̒.

PILOTIMUA̒TA 12:35

Timongolio olo lohutu mao̒ wolo u pilolele lei Musa, deu̒yito-yito helohile pake hulawa wau talaa̒ wau pakeyangi taulo Masiri.

PILOTIMUA̒TA 14:4

Wau̒ mamohutu mao̒ olio baa̒ngiyolo tilinggula tio mohilapita olimongoli. Bo Wau̒ mamopo biloheo̒ okokawasaa-U̒ toli olongia lo Masiri wau suludadulio, wau mao̒taawa mao̒ limongolio deu̒ Wau̒lo Eeya.” Lapatao̒ taulo Isirai̒lu helohutu mao̒ debo odelo upilo malentao̒ lo Eeya ode limongolio.

PILOTIMUA̒TA 36:1

Tei Bejaleel, Aholiab, wau ngoa̒amila taa u loo̒tapu oa̒ahali lonto Eeya, motota lo pohuli mohutu totoonulalo u palaluwolo u momangu Kema lo Eeya. Timongolio musi mohutu totoonulalo mao̒ debo odelo u mapilo malenta lo Eeya.”

PILOTIMUA̒TA 39:32

Pulitio mao̒ debo yilapatolo mola ngoa̒amila kalaja mohutu Kema lo Eeya. Taulo Isirai̒lu malohutu totoonulalo debo odelo upilo malenta lo Eeya odelei Musa.

PILOTIMUA̒TA 39:42

Taulo Isirai̒lu malohutu ngoa̒amila kalaja boito debo odelo upilo malentai lo Eeya odelei Musa.

PILOTIMUA̒TA 39:43

Tei Musa lomalakisa totoonulalo mao̒ wau loo̒onto deu̒ timongolio malohutu mao̒ papaasia debo odelo upilo malentai lo Eeya. Lapatao̒ tei Musa lobalakati mao̒ olimongolio.

PILOTIMUA̒TA 7:10

Yi malonao̒lo tei Musa wolei Haruna mola lotaalua woli olongia wau timongolio helohutu mao̒ wolo upilo malenta lo Allahu Taa̒ala. Tei Haruna lopo mahula mola tunggudio ode huta totalu li olongia wau mongo poweelio, lapatao̒ tunggudu boito lobolio̒ lowali tulidu.

PILOTIMUA̒TA 7:6

Tei Musa wolei Haruna helohutu mao̒ wolo u pilomalenta lo Eeya.

IMAAMATI 24:23

Lapatao̒ tei Musa helopo tunggulao̒ loi̒ya boito ode bangusa lo Isirai̒lu, timongolio lodelo mota taa umalo laa̒anati Allahu Taa̒ala boito ode bulemengo kema, lapatao̒ tio hepilai̒lio wolo botu tunggula yilate. Wolo dudelo boito bangusa lo Isirai̒lu helohutu mao̒ wolo u mapilo malentai lo Eeya odelei Musa.

YIA̒APO 1:54

Yi taulo Isirai̒lu helohutu mao̒ totoonulalo upilo malentaao̒ lo Eeya odelei Musa.

YIA̒APO 31:31

Tei Musa woli Iimamu Eleajar helohutu mao̒ debo odelo upilo malentao̒ lo Eeya.

YIA̒APO 31:41

Lapatao̒ wowohi poheetu ode Eeya, debo odelo upilo malentai lo Eeya.

YIA̒APO 31:47

Debo odelo upilo malentai lo Eeya, tei Musa helohama mao̒ tuwau lonto timii̒du limo lopulu lota tawalo wau binatangi, tulusi lohudu mao̒ ode tau-tauwalo Lewi tao̒ tuugasi to Kema lo Eeya.

YIA̒APO 5:4

Taulo Isirai̒lu mohutu mao̒ palenta boito wau mopolualao̒ ngoa̒amila taa udebo odelo uito monto kema.

TINGULI 34:9

Eeya longohi daata-datalo mao̒ odelei Yosua walae̒e Nun wolo tinepo sababu tio matilunu lei Musa tamobuulota wolio. Bangusa lo Isirai̒lu lodungohe olei Yosua wau helo ponao̒ papaa-lentawalo uilohi mai lo Eeya ode limongolio lotimbulude to olei Musa.

IBRANI 11:28

Sababu o iimani, yi tei Musa lohutu Paska wau lomalentao̒ alihu mopo mutatao̒ loduhu totimii̒du huhebu taulo Isirai̒lu alihu Malai̒kati lomautu diila momate-mateelo mao̒ tau̒ kekeei̒ mohuhula daa̒ limongolio.

YOSUA 14:5

Odi-odieelo mola umati lo Isirai̒lu helo tataayadeo̒ huta boito tutuuu̒de lou̒ wolo u mapilo malentai lo Eeya odelei Musa.

YOSUA 2:21

Ti Rahab akolo tosua̒li boito tulusi malo poluli mao̒ timongolio lonao̒. Lapatao̒ tio lopo tihutao̒ tali boito to tutuloalio.

YOSUA 4:8

Tamopulaa duulota boito olo helo ponao̒ palenta lei Yosua. Tutuuu̒de wolo potuhata mai lo Eeya odelei Yosua, timongolio malohama mai botu mopulaa duluo tohuungo Yordan – jumulaalio tutuuu̒de wolo jumulaa lo susuu-kuwaalo todelomo bangusa lo Isirai̒lu – lapatao̒ dilelolio mota ode tambati pilo tikemawa limongolio.