PILOTIMUA̒TA 12:27 - KITABI HABARI MOPIOHE

²⁷ Timongoli musi molametao̒, ‘Utie bake lo Paska u mohulumati Eeya, sababu bele lotau-tauwalo Isirai̒lu to Masiri yilaode-Lio mao̒, tou̒ Tio helomate mateelo mao̒ mongo walao̒ talolai̒ mohuhula daa̒ lo Masiri, wau ito piloluli-Lio mao̒ hitumula!’ ” Yi loti bonggohuu̒lo mola tau-tauwalo Isirai̒lu wau helolubo.

PILOTIMUA̒TA 12:27 ပူးပေါင်းရင်းမြစ်များ

BOHULO TAWARI 29:20

Lapatio mao̒ lodua̒ mola odito, tei Dauda loloi̒ya mao̒ totaa dadaata tahi ambua teto, “Pujialo mola Eeya Allahu Taa̒ala limongoli!” Yi ngoa̒amila tau boito hipomuji-mujia mola Eeya Allahu Taa̒ala tahe tuboo loluuhuru limongolio. Lapatao̒ timongolio losujudu lomola u lohurumati Eeya wau olongia.

OLUO TAWARI 20:18

Yi losujudu lomola ti Olongia Yosapat. Ngoilanggubu ulipu lodudua̒ olio losujudu helolubu to Eeya.

OLUO TAWARI 29:30

Ti Olongia wau tahimuloa lo ulipu helo poa̒hu tau-tauwalo Lewi lopolahu mola ode Eeya puji poloi̒laalo momuji u kilaalangi lei Dauda woli Nabi Asap. Ngoa̒amila tau hemo polahu mola wolo wengahe daa̒ sambela hibonggohuu̒a wau hipoluboa Allahu Taa̒ala.

NEHEMIA 8:6

Tei Esra loloi̒ya mao̒, “Pujialo mola Eeya, Allahu Taa̒ala taa udaa̒!” Ngoilanggubu ulipu helo mintaa̒a mola uluu̒lio lola-langgotolo mao̒ wau lolameto, “Amin, amin!” Tulusi timongolio losujudu lomola helolubo Allahu Taa̒ala.

JABURU 44:1

Jaburu lo kaumu Korah. Lahu lo pongaajali. Duo̒lo diriheni lopolemboa̒ tamoolahua.

JABURU 78:5

Ode bangusa lo Isirai̒lu Eeya longohi butoo̒o-Lio, wau ode wali mai lei Yako palentaa-Lio. Eeya lopoa̒hu oli nene moyaanto mopoa̒ajari mao̒ tomongo walai̒ mongolio,

PILOTIMUA̒TA 10:2

wau alihu yio̒ moo̒ wungguli mao̒ towalao̒ wau wombumu woloolo mola Wau̒ mopoitohe bangusa lo Masiri wolo u moo̒linggolabe boito. Yi timongoli mamotota mao̒ deu̒ Wau̒lo Eeya.”

PILOTIMUA̒TA 12:11

Tou̒ molamela timongoli musi mahipakea wolo wimu-wimumuto duo̒lo nonao̒ limongoli, wolo sandale to oa̒ato wau tunggudu to uluu̒. Timongoli musi lingga-linggabu molamelo. Ui-uitolo lameyangi lo Paska u mohulumati ola-U̒, Eeya.

PILOTIMUA̒TA 12:23

Tou̒ Eeya molontale mota lipu botie u momate mateelo mao̒ taulo Masiri, Eeya mamoo̒onto mao̒ duhu too̒luo wolihi lohuhebu wau tobalaki ubula-bulawahu toitaato huhebu lobelemu; yi Tio mamo laodeo̒ wambao̒ wau diila mongohi Malai̒kati lo Mautu tumuwoto ode belemu u momate olimongoli mate-mateelo mao̒.

PILOTIMUA̒TA 12:28

Lapatao̒ timongolio malonao̒ wau helohutu mao̒ wolo u pilo malentai lo Eeya odelei Musa wolei Haruna.

PILOTIMUA̒TA 13:14

Wonu todulahee momooli walau̒mu mohintu mao̒ wolo boliilio ngoa̒amilalo boito, timongoli musi molametao̒ odie, ‘Wolo kawasa uleidaa̒. Eeya helodelo olanto yilumualao̒ lonto lipu lo Masiri, tambatinto pilowatolio.

PILOTIMUA̒TA 13:8

To bohulo lameyangi boito timongoli musi mohungguli mao̒ ode walau̒mu talolai̒ deu̒ ngoa̒amila boito pilohutu limongoli kalana totoonulalo u mapilohutu lo Eeya olemu tou̒ timongoli lololaa mao̒ lipu lo Masiri.

PILOTIMUA̒TA 34:25

Tou̒ timongoli mopodewo mao̒ bibiahu iloloto, diila mao̒ podewowa wolo-wolo u pilohutu mao̒ lomake ragi. Bibiahu u iloloto duo̒lo bake lo lameyangi Paska musi poo̒pulitolo tohui boito olo; diila mowali olabita tunggula loombulio mola.

PILOTIMUA̒TA 34:8

Saaa̒tilo boito tei Musa losujudu lolubo.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

1 KORINTUS 5:7

Tapilapo ragi udeedelo boito, deu̒ito-yito ragi lodusa, alihu timongoli mowali debo odelo uu̒ulau ubohu, belesi monto ragi lodusa udeedelo, wau otaawa mao̒ laatia deu̒ timongoli memangi odito. Sababu, lameyangi lo Paskanto mapilo dapato, sababu ti Almasi talowali odelo himba lo Paskanto, mapilopo bakelio.

TINGULI 16:2

Ponao̒lo ode tambati u tilulaoto Eeya u mongoloto himba meaalo sapi limongoli odelo dewo lo Paska u mohulumati to Eeya Allahu Taa̒ala limongoli.

TINGULI 16:5

Bibiahu duo̒lo Lameyangi lo Paska musi olotolo totambati u tilulaoto Eeya Allahu Taa̒ala limongoli, wau diila mowali totambati wewo to ngoilanggubu lipu uilohi-Lio ode limongoli. Sua̒li boito musi pohutuo mao̒ limongoli tou̒ mato lodulahu tumolopaa mota, debo odelo tou̒ timongoli loololaa mao̒ huta lo Masiri.